رواية حرم_اليزيد2البارت العاشر
انت في الصفحة 1 من صفحتين
#رواية حرم_اليزيد2البارت العاشر
:قصي الحقني بولدددددد!!!
صحي قصي بفزع من صوت صرخاتها وشالها بسرعة وهو بيخبط في الحاجات قدامه عشان لسه صاحي من النوم وبينزل وهي لسه بتصرخ من الۏجع
مروة وغزل بيقوموا بسرعة بخضه من صوت الصړيخ مروة بتبص بتلاقي غزل لابسه ومتشيكة ومتمكيجة بتستغرب بس ما بتركزش كتير وبينزلوا لقصي بسرعة وبيروحوا معاه
بيركب عربيته وبيوديها المستشفى بسرعة
قصي وهو شايلها وداخل المستشفى
: دكتور دكتور حد يجي هنا بسرعة
بيجي الدكتور بسرعة على صوته ويشوفها
: الحالة دي حالة ولادة مستعجله يا ممرضين!!!
تاليا بقلق : انا دخلت الشهر ولسه ما ولدتش خاېفة بنتي يجرالها حاجة
بسنت : ما تخافيش يا بنتي شوفي الدكتورة هتقولك ايه وربنا بإذن الله هيسهلك امورك وتولدي
تاليا : أن شاء الله يا خالتو.... معلش تعبتك معايا تيجي الكشف بس ماما وبابا سافروا عشان في عزاء في البلد ونادر احسن اجي لوحدي من اني اخده معايا
بسنت بتضحك على كلامها : مش مشكلة يا بنتي تعبك راحة
في الوقت ده بتطلع المريضه اللي كانت جوا غرفة الدكتورة بعدها بخمسة دقايق بتطلع الممرضة عشان تنادي اللي بعدها
بسنت : ادخلي يا بنتي وانا هستناكي هنا
تاليا بتومئ لها وبتروح مع الممرضة تدخل في الوقت ده بسنت كانت قاعدة وبتشوف الموقف بتاع قصي من الاول لما جاء داخل وهو شايل منه
بسنت بابتسامة : شكله خاېف على مراتو اوي ربنا يخليهم لبعض و ييسر لها امورها.... بعدين بتلمح واحدة بتشبهها بـ مروة "وهي فعلا مروة"
بسنت بتشبيه : مروة!!!...... دي هي ولا مش هي ياترى؟؟؟.... وبتقوم تروح بناحيتها مروة كانت مديالها ضهرها
بسنت وهي بتخبطها على كتفها : لو سمـ...
تاليا : يلا يا خالتي خلصت
غزل لاحظتها : في ايه ياماما؟؟؟..... بتدوري على حاجه؟؟؟
مروة بإصرار وتاكد : انا حسيت في حد خبطني في كتفي وحسيت اني سمعت صوت صوت بسنت!!!
غزل بملل : تاني يا ماما؟!!
مروة بتأكيد : لا المرادي انا متأكدة اني سمعت صوت بسنت هي هنا صدقيني انا مش بتخيل!!!
غزل بتبصلها بعدم تصديق وهي فاكرة أن حالتها رجعتلها تاني
غزل : خلاص اهدي اهدي يا ماما مصدقاكي وبتقعدها في اقرب كرسي وبتديلها مية
بسنت طبعا كانت نسيت الموضوع
بسنت : ها يا بنتي الدكتورة قالت لك ايه؟؟؟
تاليا : قالتلي أن الولادة اتاخرت اوي فحددتلي بعد يومين ميعاد للولادة
بسنت : ربنا يسهل
كانت غزل قاعدة جنب امها في المستشفى وقصي واقف قدام اوضه العمليات بعيد عنهم بيجيلها اتصال بتقفل على طول وبتبص على امها پخوف
