قصة تحول كامله
انت في الصفحة 1 من 10 صفحات
قصة تحول كامله
عمري ما كنت اتخيل ان مجرد توصيلة في نص اللېل لبنت غلبانه لجأت ليا ممكن يغير شكل حياتي
عامة انا مطرب شعبي وفي ليله كنت في فرح في قرية في القليوبية وبعد ما خلصنا الفرح والكهارب انطفت ولمينا عدة الفرقة بتاعتي كانت الساعه اتنين بعد نص اللېل فلقيت واحدة جايه لوحدها ولابسه عباية سمره ومعاها شنطة هدومها وبتقولي انا عايزه اسافر معاكم على مصر
كنت مستغرب طبعا من كلامها وبقول يمكن هربانة من اهلها وعايزة تلبسنا مصېبة فسبتها واقفه وميلت على اخو العريس اللي كان واقف معانا على ما نخلص لم عدتنا وسألته عليها فقال لي _دي بنت غلبانه واسمها أمل ابوها مېت من زمان وكانت عايشه هي وامها على مساعدات اهل البلد لغاية ما امها ماټت هي كمان من كام يومومابقاش للبت دي حد هنا
وقتها كانت لسه واقفه بينها وبين العربية الميكروباص بتاعتنا حوالي خمسه متر زي ما تكون بتحاول تسيبلي مساحة عشان اخد قراري فروحت ناحيتها وقلت لها_انتي عايزه تيجي مصر وخلاص ولا عايزه تشتغلي معانا
حسيت وقتها انها بتحاول تبتسم ابتسامه تديني ايحاء انها فرفوشة وقالت_انا صوتي حلو وبعرف اغني تحب اسمعك حاجه
ساعتها لمعت عينيا لان البنت كانت حلوه وشكلها كده هييجي منها لو اشتغلت مع جوز البنات الموديلز اللي شغالين معايا فقلت لها مش وقت سماع دلوقتي الصباح رباح ويلا اركبي مع البنات في الكرسي اللي ورا ..
ونزلنا على مصر والبت جات معانا وانا في نيتي اني هبرمجها واشغلها ماهو البنات اللي معايا برضو نفس عينتها اللي ھربانه من اهلها واللي ماتعرفلهاش اصلا اهل واهو بيشتغلوا ويسترزقوا
وبعد ما وصلنا ونزلنا العدة في المخزن اللي تحت البيت والرجالة روحوا على بيوتهم قلت للبت يسر خديها تنام معاكم في شقتكم ودخلت انا والواد بتاع الدي جي على شقتي اللي في وش شقة البنات ما هي الدار اللي فيها المخزن والشقتين دول هي اللي حيلتي من الدنيا...
وليلتها كنت قلقان
ومش جاي لي نوم على الرغم اني دايما في ليلة الشغل دي ببقى راجع مهدود ومجرد ما بړمي جتتي عالسرير بناملغاية ما عدى عليا حوالي نص ساعه وانا بتقلب على سريري ولقيت باب اوضتي بيتفتح عليا بالراحة
كنت متوقع انها تكون البت يسر وفعلا مجرد ما الباب انفتح لقيتها داخله بتتسحب