رواية حب بالإكراه كامله ممتعه وشيقه
انت في الصفحة 1 من 3 صفحات
💗 حُب بالاكراه 💗كامله
فات على جوازنا اكتر من اربع شهور وكل اللي يشوفنا يفتكر ان احنا عرسان جداد في شهر العسل، طول اليوم دلع وضحك وهزار اينعم ساعات كتير پنتخانق على حاجات تافهة بس بنرجع و نتصالح في نفس اليوم.
يمكن الحاجة الوحيدة اللي مش بحبها فيه هي كسله الزيادة يعني ببقى راجعة ټعبانة من الشغل مايفكرش يساعدني في حاجة ابدا، الحاجة الوحيدة اللي بيعملها في البيت هي كوبايتين الشاي بتوع السهرة وحتى دول زي قلتهم لان كل مرة بنام فنص الكوباية من غير ماكملها وقولتله ستين مرة بناقص الشاي دة واعمل اي حاجة تاني مفيدة في البيت لكن كانت حجته الدايمة انه مايعرفش يعمل حاجة غير الشاي.
وانا بصراحة ماكنتش عاوزة اضغط عليه لأني ماصدقت انه وافق ارجع الشغل تاني وخصوصا ان بتعامل في شغلي مع رجالة كتير وهو للأسف غيور جدا او شكاك بمعنى اصح.
بس غير موضوع الکسل دة والشک والعصبية هو فيه حاجات كتير حلوة بحبها فيه يعني مثلا مهما كان ټعبان من الشغل او مرهق لازم كل يوم جمعة يفسحني في مكان جديد، مرة اكلة سمك حلوة في ابو قير مرة نتمشى على البحر وساعات لما بيكون الجو جميل بنطلع الساحل نقضي اليوم هناك، بس ياخسارة الجمعة دي كان حظي وحش اوي اول ماخرجنا المطرة شتت علينا والخروجة باظت ورجعنا البيت وهو عمال يعطس ويكح.