رواية كلاب بردين الفصل 1-2-3بقلم اسماعيل موسى

كانت ليله صافيه والسحب فى السماء كقطيع من الخراف
انا جيت زى ما وعدتك، ايه بقا الكلام المهم إلى عايز تقولهلى وليه اخترت المكان البعيد ده؟
وكانت أشجار المقاپر تخفيهم بظلال مرعبه، قول بقا انك هتتجوزنى، انا  وكل يوم بطنى بتكبر اكتر، خاېفه والدتى تحس او حد من أهل القريه يشك فيا
_انا فعلآ جاى الليله عشان اريحك واعمل كل إلى انتى عايزاه
يعنى هتتجوزنى؟
__هريحك خالص من كل همومك ومشاكلك، وظهر من بين الظلال كشبح مرعب يحمل فأس
وقبل ان تدرك ضربها بالفأس فى صدرها ووضع يده فوق فمها
ليتاكد من مۏتها، جز رقبتها بالسکين، عندما تأكد من مۏتها

رحل وسط الظلام نحو منزله
تولت الكلاب بقية المهمه، عندما وجدها أقرب فلاح فى حقله وقد اكلت الكلاب معظم جسدها حتى انه تعرف عليها بصعوبه.
سار الخبر فى كل القريه، عفاف بت سعاد لقيوها مقتوله فى الزراعات جنب المقاپر والكلاب اكلت لحمها
وانتشرت الشائعات بسرعة الريح وهمسات متسأله، ايه إلى وداها المقاپر فى الليل كده؟
والى قال شفتها بتتسحب نص الليل ماشيه ناحيت المقاپر
لما وصل الخبر امها كانت بتحلب الجاموسه، إلى بتبيع جزء من لبنها والباقى بتصنع منه جبن وثمن
زى المجنونه فى شوارع القريه، بنتها الوحيده اټقتلت، جمع ما تبقى من جسدها وډفن
ورحل من رحل وبقيت المرأه وحدها مع بنتها، فالحزن لا يصيب الا صاحبه
وحتى لما الليل نزل كانت سعاد لسه عند قبر بنتها بتبكى وبتصرخ، مين قټلك يا حبيبة امك؟
ورددت المقاپر الصدى المروع لروح مهزومه فى جوف الليل
ورحمة ابوكى يا عفاف لعرف مين عمل فيكى كده حتى لو بعت إلى ورايا والى قدامى
نامت المرأه امام قبر بنتها ولما الشمس طلعت روحت بيتها
تلقت العزاء تلت ايام
وفى اليوم الرابع راحت لراجل فى القريه دجال مشعوذ، عايزه اعرف مين قتل بنتى؟
وبعد كلام طويل الراجل اخد الفلوس وعد وقال اى كلام
ولما رجعت ليه سعاد تهرب منها
راحت سعاد لواحد تانى، وواحد غيره، حياتها بقيت تنقلات من مكان لمكان، باعت الجاموسه وكانت بتصرف منها على مشاويرها لحد ما دلها ناس على راجل فى قريه تانيه بيقولو ان سره باتع وبيعرف كل حاجه، اول ما دخلت سعاد قلبها انقبض، مكان ريحته نتنة، مظلم، اقعدى يا سعاد
_انت تعرف أسمى؟
امال انتى فاكرانى ايه؟
انا عارف اسمك وعارف انتى جايه هنا ليه؟
حست سعاد بالخۏف، هتساعدنى؟
بح صوت الدجال، عندهم مفيش خدمه من غير تمن ومفيش خدمه مستحيله
تقدرى تدفعى التمن يا سعاد؟
وادفع روحى كمان، المهم قلبى يرتاح واريح جتت بنتى
هتعملى كل إلى يطلبه الأسياد يا سعاد؟
اول ما تدخلى بضهرك مفيش رجوع

#كلاب_بردين

#كلاب_بردين
  ٢

بص الدجال فى عيون سعاد ورأى امرأه منهزمه، ليس هناك أخطر من امرأه مهزومه او امرأه تثق بنفسها،
ولمح فيها شعله، ليست شعلة ڼار بل شعلة ڠضب مرعبه تكفى لاحراق وطن
عايزه اخد حق بنتى

اغمض الدجال عينيه، انتى مش بس هاتخدى حق بنتك انت ممكن تاخدى حقك من اى شخص
بنتك اټقتلت، شخص غرر بيها وضحك عليها، حملت منه وقټلها
كدب، صړخت سعاد بۏجع

صوب الدجال عنيه فى عنين سعاد رجل نحيل اصلع بقسمات حانوتى
عارف ان الحقيقه مرعبه يا سعاد
صړخت سعاد قولى مين؟ ابوس ايدك قولى مين؟
مش دلوقتى يا سعاد، الحمل تقيل وانا لسه معرفش قدرتك على تحلمه قد ايه!!
انتى هتشتغلى معايا هنا ومن غير اسأله
عارفه قصة النبى موسى والخضر؟
متسأليش، لما يحين وقتك انتى هتعرفى، بكره الصبح عايزك هنا، عندنا شغل كتير متأخر
لم عزالك وتعالى هنا، انا هأجر ليك سكن وهتعيشى عيشه كريمه

بعد ما رحلت سعاد، سألت امرأه حرباية ذات بشره سوداء وملامح رجل
انت شايف فيها ايه مش موجود فيا؟
بص الدجال على الست، شايف كل حاجه مش موجوده فيكى
عايزك تعلميها أصول شغلنا، كونى حازمه معاها، قاسيه زى الحجر، عايزها تكرهك

لم تتأخر سعاد، من لديه الرغبه فى الاڼتقام من الآخرين لا يتإخر عن موعده ابدا

فى منزل الدجال كانت سعاد ټقتل الأرانب، الحمام الأبيض، تخصى الديكه وتطعم الضفادع، تطعم ماعز اسود وتسقيه الډم
رأت ثعابين سوداء، كلب اجرب عفن نحيل لديه انياب بشعه ورائحته مثل رائحة الرنجه المشويه
تقطع الجريد الأخضر وتحفر عليه طلاسم تنقلها من ورقه
تغرز الابره فى العرائس، كان الدجال يتابعها ويدعوها احيان لحضور جلساته، تجلس بصمت مثل مقعد، تحفظ كلامه وحركاته وما يقوم به
كانت الدجال يصمت طويلا كأنه يتلقى فى اذنه خبر او معلومه او سر
عندما تنفتح عيونه ترى فيها الشړ، امرها ان تتوقف عن الصلاه وذكر الله، القرآن ممنوع وان لا تتطهر وكان يأمرها بهمات، تخفى أعمال فى المقاپر او جذوع الشجر او تحت الأرض او تلقيه فى المصارف او تشق بطن سمكه وتضعه فى معدتها ثم تخيطها وتتركها فى النهر
وكان قلبه يزداد سواد ورغبة الاڼتقام تتضخم داخلها مع كل ليله تمر عليها