رواية القصه واللي كان الفصل 25بقلم رحاب القاضي

القصه_واللي_كان
_الحلقه ال 25
وكانت تحبه بل كانت مستهامة به ولكنها كانت أيضا طاهرة القلب!
الرافعي
خالد بهدوء وهو يتحدث الي سليم في الهاتف
هو فعلا خبر ومعلومات هتفيدنا بس يحي عقدني فيها بصراحه انا مبقتش فاهمه هو عايز ايه..
سليم بجديه
هو معاه حق عدنان زيه زيهم ولازم يتحاسب..
خالد پحده
لو هو اتحاسب يبقي انا ويحي نتحاسب معاهم لان زي ماحنا اتجبرنا ع الشغل ده عدنان زينا وكمان يحي دخل بمزاجه فميجيش دلوقتي ويطلع برئ ويحكم ع غيره بالظلم..
سليم بقلق
خلاص طيب اهدي ومتقولش قدامه كده عشان هو ممكن يسمعلك ويروح يعترف كمان ووقتها هيبقي اتسجن ظلم مرتين..

خالد بضيق
مش هقول حاجه بس مش هقوله اي معلومه من اللي معايا غير لما يقولي انه مش هيحط عدنان فالحسبه بتاعت مندور وعمر والكلاب البي معاهم..
سليم بسخريه
انت بتتكلم فاي ي خالد واحد زي عدنان ممكن يلففنا العالم ويرجعنا يقولنا انتو مسبتوش مصر يعني لو انا وانت ويحي قلبنا حمير بديول مش هنعرف نوقع عدنان وبعده عن مندور ده فمصلحتنا هيسهلنا الطريق..
دلفت نور للداخل فتنهد هو بضيق قائلا لسليم
طيب ي سليم نتقابل بعدين..
_اغلق معه ثم لاحظ ملامحها الغاضبه والحزينه ودلوفها الي غرفتهم فهو تركها مع والديها كي تتفاهم معهم ولكن يبدو ان هذا كان امر خاطئ ذهب خلفها للداخل فوجها تجلس ع الفراش بعد ان ازالت حجابها ودموعها عالقه بعيناها جلس بجوارها قائلا بهدوء..
خالد
حصل اي..
نور بحزن
انا مقولتش حاجه مش هلوم بابا لان ده حصل وخلص بس صعبانه عليا ماما انت عارف هي بتحب بابا قد اي هو خزلها جامد فيه تعرف ي خالد هي قالتله انها مش هتطلق ولا هتسيبه ولا هتسيب البيت عشان هما كبرو ع الحاجات دي بس عمرها مهتنسي الۏجع اللي فيها دلوقتي وهيفضل في بينهم سد طول العمر اللي جاي..
احتضنها خالد بهدوء قائلا بجديه
امك هتسامحه ي نور عشان بتحبه واكبر دليل انها مسبتوش والايام اللي جايه شايله كتير..
ابتعدت عنه نور قائله پبكاء
خالد انا عرفت اللي انت مخبيه عني اوله انك كنت تعرف ان عدنان اخويا والحاجه التانيه..
خالد بقلق
هي اي الحاجه التانيه ي نور..
نور پبكاء مرير
ان التاريخ بيعيد نفسه فيا وانك متجوز جيدا فالسر وهي حامل منك وانت مخبي عليا زي م بابا عمل فماما..
ضحك رغما عنه قائلا
تنفعي مؤلفة افلام عربي حمضانه اوووي نور انا لو جيدا كانت حامل كنت هتجوزها..
نور بحزن
وكنت هتسيبني..
خالد بهدوء
مستحيل كنت ممكن اتجوزها وانسب ابني ليا واسيبها بس هتفضل جنبي عشان ابني..
تابع بجمود
ودلوقتي انا هقولك كل حاجه ي نور عشان بجد تعبت ومعرفش اللي جاي مخبي اي وعايز اعرفك كل حاجه قبل فوات الاوان..
نور پخوف شديد
مش عايزه اعرف مش عايزه اتوجع تاني ي خالد والنبي انا عايزه اعيش مغفله..
خالد بدموع متحجره
هبطت دموعها بغير تصديق وهي تهز راسها بنفي فحين تابع هو
مكنتش عايز احكيلك واقولك انه اجبرني وعشت السنين دي كلها مڠصوب ع شغلي معاه بس هقولك اني كنت كل يوم بمۏت بذنب اللي بعمله كنت بتهرب منك عشان عارف ان يوم مهتعرفي كده هتسبيني وانا اكتر حاجه بخاف منها انك تبعدي ي نور بس والله انا دلوقتي من قبل متجوزك وانا ممديت ايدي ع اي حاجه تتوزع لحد تاني وبعمل كل اللي اقدر عليه عشان ابوظ شغل ابوكي ويبطل اللي بيعمله..
مسحت دموعها واجايته بابتسامه حزينه
انت ازاي كنت فاكر اني ممكن اسيبك انت قولت انك كنت مجبور ع كده وبابا هو السبب يعني لو في حد لازم يبعد هو انت كنت المفروض تسيبني وتهرب من هنا..
خالد بضيق
فكرت فكده كتير بس كنت ازاي اسيبك وانا روحي وعمري وايامي معاكي..
نور پبكاء
يبقي انا اللي المفروض اقولك سامحني لان بسببي انت استحملت ابويا واستحملت تانيب ضميرك واحساسك بالذنب وصدك ليا وانا كنت بشوفك پتتوجع عليا انت استحملت كل ده عشاني ي خالد..
ابتسم بدموع هبطت ع وجنتيه قائلا
بجد ي نور مسمحاني انا كنت فاكر انك هتبعدي و..
نور وهي تقترب منه اكثر
لو بعدت عنك هبقي ضلمه كتمه عتمه مش هبقي نور يرضيك ابقي كده..
خالد بضحكه واسعه
بما ان كل وضحت بقي ومفيش حاجه متخبيه وانتي سامحتيني 
ابتعدت عنه بخجل ووقفت اخر الغرفه قائله پخوف
لا لا طبعا شايف المشاكل اللي احنا فيها وبعدين انا مصدومه فابويا ومش عارفه اي اللي ممكن يحصله وان كل حاجه انا كبرت عليها حرام من فلوس حرام..
خالد بنفاذ صبر
ابقي فكري فكل ده بكره وتعالي بقي..
نور بخجل وتوتر
لا يعني لااا واسكت ي خالد وسيبني فهمومي..
خالد بغيظ
مفتريه حرام عليكي والله انتي معندكيش اخوات ولاد..
نور وهي تتجه للفراش
معلش لسه مكتشفه ده النهارده فاصبر لحد مأبقي حنينه مع الچنس الاخر..
القي الوساده الخاصه بالاريكه عليها قائلا پحده
اتخمدي ي نور ده انتي غريبه حتي المشهد اللي خاېف منه سنين صدمتيني فردت فعلك فيه انسانه متخلفه في تفكيرها..
بقلم_الكاتبه_رحاب_القاضي 
_وعند يحيي كان يجلس بغرفة نومه ع الفراش ينتظر دلوفها خارح المرحاض وكان قلق عليها بقوه فطول الطريق كانت صامته وملامحها منزعجه وظن انها مريضه بسبب الحمل وما ان دلفت للمنزل اخذت ملابسها ودلفت للمرحاض ومازالت بالداخل منذ وقت طويل ولا يصدر شئ سوي صوت الماء ثم توقف ذلك الصوت وانتظر هو دلوفها للخارج ولكنها استغرقت وقت كبير ايضا نهض واتجه للمرحاض..
دق ع الباب بهدوء قائلا
سالي في حاجه معاكي انتي كويسه..
اجابته بهدوء
طالعه اهو مفيش حاجه..
_ذهب وجلس ع الاريكه وبعد لحظات دلفت هي خارج المرحاض وهي تجفف شعرها بتلك المنشفه الصغيره وترتدي منامه بيتيه طويله للارض بنصف اكمام..
يحي بقلق
انتي كويسه ي سالي من لما خرجنا من المطعم وانتي متغيره..
نظرت له بجموده واجابته
انا سمعتك وانت بتكلم خالد..
نهض واقفا من ع الاريكه وهو ينظر لها بقلق وتوتر شديد قائلا
انتي فاهمه غلط انا..
قاطعته بنبره هادئه ولكنها جامده بقوه قائله
برضو فاهمه غلط زي كل مبتغلط وتيجي تقولي ان انا فتهمه غلط بس بجد اتمني المره دي اكون فاهمه غلط و اياك ي يحي تكذب عليا...
اغمض عيناه بضيق واجابها بهدوء
انتي اللي سمعتيه صح ي سالي..
هبطت دموعها وهي تضحك بعدم تصديق قائله
يعني كلام الناس صح مش اشعات كلام خليل لابوك
نظر لها بجمود قائلا
ايوه صح بس ده كان زمان بالنسبالي ا..
قاطعته پحده وڠضب قائله
انت قذر وكداب انت ازاي كده ازاي خدعتني فيك كده ازاي اتجوزتني وانت بتكدب عليا كل يوم يتنام جنبي وانت بتخدعني ازاي قدرت تعمل فيا كده عملتلك اي انا وحش عشان كل شويه توجعني بحاجه انيل من اللي قبلها..
يحي بجديه وخوف من نبرتها
والله كنت هقولك كل حاجه بس كنت عايز اخلص من القرف ده واجي اقولك ونبدأ من جديد سوا..
_شعرت پألم غير طبيعي ببطنها فوضعت يدها عليها بالم وهي تجيبه پغضب دفين...
سالي
ولا دقيقه واحده هقعدها ع زمتك تاني مستحيل افضل مراتك انا قرفانه منك ومش طايقه ابص فوشك..
يحي بدموع متحجره وڠضب مكتوم
مش هلومك ع كلامك ده رغم انك اكتر وحده تعرف انا عشت اي وشوفت اي وتعبت واتظلمت ازاي وغلطت واهو