يقرب ناحيتي أو ياخد أي خطوة ثابت بطريقة مريبة بيبرقلي كنت بحاول أتلو آية الكرسي بس صوتي مش طالع كإن فيه شخص كاتم على صدري فضلت أحاول أنطق بأي طريقة لازم أفوق من الي بيحصل ده! عينه مش بتفارق عيني لازم اصحى مش بيرمش قدرت أتلو جزء من آية الكرسي بس بصوت كإنه بيخترق صدري عشان يطلع بيبرق أكتر قرأتها بصوت أقوى عشان فجأة أقدر أحرك جسمي وأخد بعدها شهيق طويل وأبص حواليا ألاقيه اختفى!
معرفتش أنام بعدها كان مستحيل فضلت أدور على تفاصيل الفيديو ده عشان أعرف ايه سبب اللي حصلي ده اكتشفت إن الفيديو فعلا مصدره الدارك ويب بس.. مش ده الغريب الغريب في الموضوع إني لقيت ناس كتير بتتكلم على الفيديو ده وبتحذر منه أوعى حد يتفرج عليه! ناس قالت إن بعد الفيديو ده بقوا يشوفوا التمثال العجيب ده في كل حتة وناس مبقتش تعرف تنام و.. ناس اڼتحرت! بسبب اللي بيشوفوه بعد الفيديو ده وكإن الفيديو مصمم بطريقة تإذي الي بيشوفه!
أكيد.. الناس دي بتبالغ مكبرين الموضوع يعني بس.. كانت صدفة غريبة شوية إن بعد يوم من الموضوع ده وأنا قاعد في البلكونة بليل يتهيألي إني شوفت تمثال.. مايكل جاكسون واقف تحت جنب كشك الكهربا أو وراه بمعنى أصح مطلع راسه بس بيحركها براحة ويبص ناحيتي! فيه خيال بالدقة دي! لدرجة إني حسيت إن قلبي هيقف من الخو..ف مش جنب الكشك بس ده فوق سطح العمارة الي قدامنا قاعد في أخر الاتوبيس الي أنا راكبه ومروح ده.. ده حتى مبقاش يفارق أحلامي.
لأ.. أقصد كوابيسي وبالذات أخر واحد نفس الي حصلي قبل كده واقف في ركن الأوضة بيحرك راسه ببطء ويبصلي بس.. المرادي كان أقرب بكتير كل كا..بوس بيبقى أقرب خطوة أنا مش عارف المرة الجاية هيبقى فين يا ترى هيبقى فين! ممكن يبقى قدام السرير بالظبط! بوشه المرعب ده! أو.. أو ماسك في رقبتي! أنا مش عارف المرة الجاية هيبقى فين بس الي أنا عارفه إني مبقتش عارف
أنام ولا عارف أخش الحمام لإن النور بقى يقطع كتير وبشوفه في زاوية الحمام أو.. في المراية الي شيلتها خالص.
يمكن عرفت دلوقتي المقصود بفوبيا مايكل جاكسون نصيحتي لأي حد بيقرأ الكلام ده لو قابلك الفيديو بتاع التمثال أوعى تشوفه لإن حياتي اتد..مرت بسببه أو أي فيديو طالع من الدارك ويب عامة الفيديوهات دي بيبقى فيها حاجة غلط أنا.. مبقتش عارف أعيش حياة طبيعية بسببه نظرته المرعبة مرفقاني في كل حتة ده حتى ظاهر قدامي وأنا بكتب الكلام ده كإن الكلام مش عاجبه النور قطع بس.. لسه شايفه ده بيقرب! من غير ما يتحرك..
أنا.. عمال أبعد وهو بيقرب أنا بقيت في البلكونة دلوقتي و.. هو على عتبة البلكونة صامت تماما صامت بطريقة تخلي أعصابك كلها تسيب أنا مش قدامي غير حل واحد أصل.. أصل حياتي بقت چحيم مش فارقة عايش زي مش عايش مش عارف أهلي ممكن يسامحوني على الي هعمله دلوقتي ولا لأ بس.. بقى قدامي بالظبط أنا خاېف مړعوپ أنا.. أنا آسف!
فوبيا_مايكل_جاكسون
محمد_عبد_القوي
غير_مألوف
