رواية قدرى انت الجزء الثاني الفصل الخامس بقلم نجمه براقه

لمين الشاي
يحيي ليكي انتي
قومت وروحت عنده
دره ليه كل التعب ده سيب انا مش هشرب
يحيي مټخافيش مش هحطلك منوم
دره قولتلك مخيفاش منك بس بزياده تعب انا اصلا مبحبش الشاي
يحيي بإبتسامة طيب براحتك 
دره روح افطر انا مش هاجي عندك 
يحيي مش جعان
دره مكلتش طول الليل ف اكيد جعان.. روح كل وانا مش هاجي عندك 
يحيي هو انا باين عليه اني خاېف أوي اكده 
دره له بس انت مش حابب حد يشوفك وانا هحترم رغبتك 
يحيي انا خاېف عليكي لا تخافي يتابع بتوتر انا.... انا وشي مټشوه
حسيت بوجعه وتقل لسانه هو وبيقولها رغم اني مسألتهوش
بقلم__نجمه__براقه
دره مش هقولك كلام انا مش قده.. يمكن لو شوفتك اخاڤ او اتهز.. بس انا في العادي اخر حاجه بتهمني في اللي قدامي شكله
يبتسم بخيبه الوضع هنا مختلف تماما بس انا من كام سنه اتقالي كلام يشبه كلامك ده .. اهم حاجة شخصيتك.. واهم حاجه انت.. والشكل مش مهم.. لغيت ما صدقت وبدأت اتصالح مع شكلي وارضا بيه.. بس لما شافت شكلي انا مشوفتش شكلها تاني يضحك ونظرات الألم في عيونه ف تتلاشا ضحكته ويتابع كدابين اللي بيقولوا اهم حاجه حلاوة الروح.. دول متعاملوش مع مشوهين قبل كده 
دره انت اكيد حساس زيادة لأن كتير عندهم تشوه ومع الوقت الناس بتتقبلهم مهما كان الټشوهه ده
يحيي يمكن كلامك صح لكن كل بصة قرف او تركيز زياده في الشكل بتتعب واللي بيتعب أكتر خوف الأطفال الصغيره وهروبهم وهما فاكرين ان ده الغول اللي بيتكلمو عنه امهاتم في القصص.. يتابع الإحساس ده وحش اوى محدش هيحسه غير اللي جربه
انا اللي معروف عني اني بعرف اهون وكلامي بيريح عجزت اني ارد بأكتر من اني اقوله صوح
يحيي بإبتسامة عابثه صدعتك معايا هروح البحر بقا السمك زمانه بيسأل اتأخرت ليه
دره مصدعتنيش ولا حاجه بس مش عاوزه اضايقك بأسئلتي
يحيي بإبتسامة عادي... عاوزه حاجه اجيبهالك معايا 
دره بإبتسامة هاتلي سمكه 
يحيي لا صعبه دي شوفي غيرها
دره هات بن هههههه عاوزه اجرب اعمل كبايات قهوه كتير بوش
يحيي بإبتسامة تماااام.. نجيب بن 
دره بإبتسامة متشكره يا. يا.. يا.. انا لحد دلوك معرفش اسمك
يحيي بيقولولي المتلتم.. يااامتلتم تعاله.. يا متلتم روح.. يا متلتم شد معاناا هههههه.. بس مش هستخسر فيكي تناديني بالغالي يحيي 
دره بإبتسامة ماشي يا متلتم
يحيي بإبتسامة ماشي مقبولة... السلام عليكم 
دره وعليكم السلام
يحيي
رغم ألم الحديث بس امبسطت علشان مبقتش خاېفه مني وده اللي خلاني اركب المركب واقعد شارد مش مركز مع حاجه وانا مش شايف غير صورتها قدامي 
بقلم__نجمه__براقه
عيسى وووه يا متلتم ندهتك النداهه ولا ايه يا واكل ناسك
يحيي بإبتسامة شارده دي حورية بحر ياريس
عيسى حورية بحر ايه يا ملتم هو انت بتصدق ان في حورية بحر صوح 
يحيي مكنتش بصدق قبل ما اشوفها حاجه كده شبه الخيال جميله وصافيه 
عيسى هههههههههههه ايوه يا ملتم ايوه.. انت وقعت ولا الهوا رماك 
يحيي هههههه الهوا رماني تتلاشا ابتسامته علي رأي الست شاديه بقا هو ده اللي اسمه الهوا اللي ملوش في الكون دوا... باين كده نسيت نفسي ونسيت ان مينفعش ابص لأي حوريه 
عيسى انت طيب يا ملتم وهي لو عرفتك هتحبك من غير ما تشوفك
يحيي وبعد ما تشوفني يا ريس 
عيسى متبقاش فقري وقول يارب 
يحيي يارب
عمار
الليل كله وانا بدور عليها مسبتش مكان مدورتش فيه وهي فص ملح وداب.. اختفت وسابتني بڼاري اللي جوا قلبي والي مش هتخمد الا لما اكسرها.. بس شكلي اكده هكسر الكل قبل ما اوصلها.. وأولهم واحده ملهاش ذنب