رواية قدرى أنت الجزء الرابع من الفصل الواحد وعشرين إلى الفصل الثلاثون بقلم نجمه براقه
وابويا اللي بيتكلم مع الكل ولما تيجي سيرتي يبصلي بطرف عينه ويسكت وعمي عمار اللي قاعد جمبي و وبيميل عليه كل شويه يقولي خلي بالك ... كان بيقولهالي وهو مصتصعب يقولي ادخلي جوه واقعدي لوحدك كفايه قعاد معانا لغيت كده عشان انتي دلوقتي متجوزه ومينفعش تقعدي معاه... او ان خلاص ارضي بنصيبك مؤيد مش فاكرك اصلا ومش هيكون ليكي... بس رغم انه ناسي الكل وناسي كل حاجه حصلت لكنه منسيش انه بيحبني.. شوفتها في نظراته ليه اللي متغيرتش عن زمان ولو شويه صغيرين ....
قدري انت 4 { الفصل الواحد والعشرون}
اليوم التالي
ملك
كان الكل مبسوط برجوع مؤيد وطول الوقت قاعدين معاه والصاله مش بتخلي من الموجودين فيها طول النهار حتي وائل كان بيجي يقعد معانا لما حد منهم يجبره يجي وبيقعد شويه وبعدين يرجع تاني يقعد في الجنينه او في المندره وفي الوقت ده هو مكنش شايفني اصلا ف روحت وراه الجنينه وسألته عن انشغاله عني وكأني مش موجوده ف رجع تاني يقولي انتو صعايده وانه بيحترم اهل البيت وان ده مش وقته وخلينا دلوقتي مع مؤيد وبلاش نزعل من غير سبب.. قال كلام كتير بس كلامه مأقنعنيش ف لما قعدنا انا ونسمه في الاوضه قولتلها اللي حصل واحساسي ان هو مش بيحبني ف رجعت تقولي لو مش بيحبك مكنش رجعلك واديلوه فرصه هو هيثبتلك عكس كلامك وانتي متعرفيش ظروفه.. قالت كلام كتير وختمته باني مفسدش فرحة البيت برجوع مؤيد بكلام زي ده دلوقتي ف سكت وقولت اما اشوف اخرتها
مكالمه هاتيفيه
وائل نعم
المتصل اختفيت فين ومجبتش الفلوس
وائل اي فلوس وعشان ايه
المتصل اهاااا.. ده انت عاوز تلعب معايا لعبة القط والفار بقا
وائل انت اصلك مش فاهم ... مش مؤيد طلع عايش ورجع لاهله.. يعني من الاخر مفيش حاجه تخوفني منك
المتصل رجع!
وائل اه رجع وانا رجعته لبيت اهله بنفسي تحب تكلمه
وائل قتلناه ازاي وهو عايش
المتصل يعني ايه عايش... الكل بيقول مؤيد ماټ.. وانت بنفسك قولتلي لما ....
وائل قولتلك! قولتلك امتي انت مين ... الو
عماد بعد صمت اه قولتلي علي اساس بتفرحني بس متعرفش انك حفرت قپرك بايدك
وائل باندهاش عماد!!!... انت عماد!
عماد ايوووه الله ينور عليك.. انا عماد اللي حبستوه واستندلتو معاه
عماد اه صحاب طبعا... ههههههههه ضحكتني والله.. ليه هو احنا مكناش صحاب لما لبستوني القضيه لوحدي واستغليتو حاجتي للفلوس انت والباقين
وائل انت وافقت محدش غصبك... ولو موافقتش كانت امك ھتموت... متعملش فيها مظلوم وتعيش الدور... مانت كمان بلسانك قولتهالي في اخر مره شوفتك فيها انكم كنتو بتستغلوني... انتو اللي قليتو باصلكم معايا الاول
وائل اجيب فلوس لايه عاوز افهم
عماد يعني مش هتجيب الفلوس
وائل لو فهمت ليه هديك
عماد
وائل سكت ليه
عماد لو طلع عايش بجد هروح احكي ليه عن الممنوعات وهتروحو في داهيه
وائل طيب روح مستني ايه
عماد
وائل بتسكت تاني ليه
عماد
عماد اوعي تفتكر انك هتبقشش عليه.. الفلوس دي هتكون تمن حريتي اللي اتحرمت منها
وائل تمن حريتك خدته من زماااان قوي من قبل حتي ما تتحبس
عماد
وائل مش عارف تقول ايه ولسانك كلته القطه دلوقتي... يومين وهرجع ونبقا نتكلم...( هم ان يغلق الخط ف يتوقف عندما تذكر شيء ) اه صحيح... ليه هيثم لا... اشمعنا انا
عماد ملكش فيه
وائل شكلك كده خاېف منه
عماد اه
وائل انا قولت كده بردو
عماد اصل هيثم دماغ.. انت بقا غلبان وانا بتشطر عليك
وائل هه ماشي يا عمده.. هنتقابل بعد يومين
وائل
هدفعله الفلوس لسببين السبب الاول انهم طلعو من زمتي ويمكن يكون تكفير عن ذنبي في حپسه والسبب التاني وهو اتقاء شره وضمان انه ميقولش حاجه عن موضوع الممنوعات ولا عن محاولة قتلي لمؤيد لعيلة ادريس و اسافر وانا مطمن ومخلص كل حاجه ورايا هنا... تفكير عبيط طبعا! بس ده كان تفكيري وقتها ..
بعد ما قفلت معاه حسيت اني مرتاح وان خلاص مشاكلي هتتحل اخيرا لكن الاحساس ده مطولش وبعد شويه صغيرين هيثم اتصل
وائل حبيبي اللي واحشني... واالله القعدة نقصاك
هيثم غزالتك رايقه بعد اللي هببته يا صاحبي .. بس شكلك متعرفش ان ربنا بيقول ولا تلقو بايديكم الي التهلكه بس انت بقا مبتسمعش كلام ربنا ورميت نفسك في التهلكه
وائل ما شاءلله انت بقيت بتعرف ربنا اهو
هيثم طبعا واعرف اننا ليه واننا اليه راجعون انما هنرجع ازاي بقا معرفش... ممكن نغرق.. ممكن نتحرق... ممكن جسمنا يتفرتك بالړصاص من مسډس حماك و اخواته
وائل فاجئني وقولي هتبلغهم باللي حصل... مش ممكن انت مش غبي قوي كده
هيثم هتعرف دلوقتي ( قالها واغلق الخط)
وائل يقطب حاجبيه هيقولهم انه حاول ېقتل مؤيد ولا انه خبا الممنوعات في شنطته
تجاهلت تهديده بسرعه من غير ما يشغلني وروحت ناحية شجرة برتقان كان فيها برتقانه مستويه وشكلها حلو ف حاولت لغيت ما قدرت اطولها وانا بنط كذا نطه لفوق ولما مسكتها واستدرت لقيت نسمه واقفه ورايا وبتضحك عليه ..
قدري انت 4 { الفصل الثاني والعشرون}
مؤيد
الشخص الوحيد اللي لقيت بيني وبينه اندماج وتوافق فكري في البيت ده هو وحيد بعد ما صالحته بلعبه في تليفوني بقينا صحاب وفضلنا نتكلم ونلعب واحنا متمددين علي السرير وهو حاطط دماغه علي دراعي وفجأه التليفون وقع من ايده وراح في النوم في لحظة ف سيبته يكمل نوم علي دراعي ولانه دي اوضته وبيقولو كانت اوضتي انا كمان قررت أكمل الليل عنده وقبل ما انام فتحت الانترنت لاول مره من وقت ما جيت ف لقيت رسايل كتير من الاستاذ احمد باعتلي فيها تفاصيل الشغل وبيطمني انه كله تمام ورسايل تانيه من ندي
رساله بتسألني فيها عن مكاني ورساله تانيه بتسألني عامل ايه ورساله تالته بتقولي اختفيت فين ورساله رابعه بتسألني عايش ولا مېت وبعدين رسايل كتير شتيمه واتهام اني مع واحده تانيه وانها مش هترحمني لما اقع تحت ايدها
مؤيد ايه يابنتي في ايه ايه كل الغلط ده
ندي وحيات خالتك!! ده انا قولت ماټ انت فين يا انس!
مؤيد مؤيد! اسمي مؤيد
ندي انس متنرفزنيش انت فين رد عليه قبل ما اټجنن عليك
مؤيد عند واحده
ندي بقولك متنرفزنيش!!!
مؤيد مالك يا بت في ايه.. اهدي علي نفسك
ندي متقوليش اهدي.. انت فييييين!!!!
مؤيد طيب والله عشان طولت لسانك دي ما هقولك
بعتلها كدة وقفلت الانترنت وكنت هنام بس الباب اتفتح ولقيت يقين داخله من غير ما تبص كويس وتعرف اني هناك وبعد ما قفلت الباب واتقدمت خطوتين انا قومت وشافتني ف
