رواية لخبطيطا الفصل السابع الأخير
الأرض الثانية
تحدثت حور نيابة عن أخيها قائلة
كل اللي قاله فادي صح ومفيش فيه جنان .. ممكن عندكم تسموه جنان لكن عندنا شئ طبيعي وعادي جدا إحنا اتنفينا على ارضكم من 15 سنة وخلالهم فضلنا نشوف طريقة نرجع بيها أرضنا وأثناء الفترة دي عرفنا رواياتك وقرأناها واتفاجئنا إنك عارف بوجود أرض تانية واتفاجئنا بردو إنك ذاكر رماد في رواية وميض الفارس بنفس مواصفاته فقررنا نتواصل معاك وفي الاخر تقولنا جنان فيه ناس بټموت وناس بتتنفي ولو فاكر إن ارضك مش هتضر لا هي هتضر لأن اللي هيتنفي هيجي هنا وتعداد كوكبكم هيزيد ومش هيحصل توازن
تحدثت حور بتلقائية لكي تدافع عن نفسها أمام هذا الاتهام
أنا واحدة شافت أهلها بيتقتلوا قدام عنيها واتنفت أرض تانية متعرفش عنها حاجة مرضتش استسلم وفضلت ادور على كتب ومعلومات تساعدنا نرجع أرضنا وننتقم من رماد وفعلا لقيت اساطير كتير موجود فيها خطړ بېهدد الكوكب بتاعكم وهو نفي ناس من كوكب تاني للكوكب ده وبكدا مش هيحصل توازن وكوكبكم ھيتدمر وإن ټدمير الټهديد ده هيبقى عن طريق شخص من الكوكب بتاعك ولازم يكون عنده كل المعلومات او على الأقل عنده معلومة بوجود رماد ولأن قراءة عقول الشعوب هي قراءة الكتب قررنا نقرأ كل الكتب على الأرض حرفيا مسبناش كتاب غير لما قرأناه وبعدين دخلنا على السوشيال ميديا بتاعتكم وقرأنا روايات كتير لغاية ما وصلنا تحديدا عند اوجاست ساعتها علمنا على اسمك وبعدين قررنا نكمل لغاية ما لقينا وميض الفارس ساعتها قولنا أنت الشخص اللي بندور عليه مكنتش اعرف إن ده كله هيفتح دايرة زمنية نهايتها موتنا كلنا هو قالك كانت هي لكن الحقيقة هي كان هو لأنه هو اللي بعتنا علشان كدا أنا بقيت حاسة إننا في لغز كبير ملهوش تفسير
كون إن رماد جاي من المستقبل يعني عاش الوضع اللي احنا فيه ده في دايرة زمنية تانية حصلت قبل كدا ليه منقولش إن كل ده دايرة زمنية كبيرة مش بتنتهي اعتقد لغز رماد هيبقى صدمة لينا كلنا لقائنا الجاي مش هنحقق اللي هو فاكر إنه عارفه مش ھيقتلنا ولا هيأذي حد مننا لازم نتغلب عليه ومنحققش رغبته دي لازم
بما إن قوتك ظهرت كدا أنت بقيت جاهز
هز رأسه بالإيجاب وردد بثقة
أيوة لكن لازم تدريب قبل المواجهة الأخيرة كلنا لازم نتدرب
استمر الحوار بينهم لأكثر من نصف ساعة قبل أن يعود كل منهم إلى غرفته مرة أخرى فرك عبدو فروة رأسه بمجرد دخوله الغرفة وردد بصوت غير مسموع
رجعنا للهم تاني
الټفت على الفور وردد بتساؤل
رفعت أحد حاجبيها ورددت بتلقائية
عادي السرير مش للنوم بيبقى لراحة الجسم من التعب
ابتسم وتابع مازحا
أصل مش متخيل فكرة إني أكون نايم قتيل جنبك وأنتي صاحية طول الوقت ومستنياني اصحى! غريبة صح
هزت رأسها بالنفي قبل أن تقول بابتسامة
نسيت اقولك إن من ضمن الاساطير فيه أسطورة بتقول إن لو اتنين من كوكبين اتجوزوا بياخدوا سمات بعض يعني أنت ممكن تنام وممكن تستخدم قدرتنا وتفضل صاحي حسب ما تحب وأنا كذلك يعني أنا النهاردة هجرب اول مرة في حياتي النوم
رفع حاجبيه بدهشة وردد بحماس
وه أيعقل! طيب نامي كدا
خدعها هو بتلك الجملة ليتخلص
