رواية العنيد كامله من الفصل 12 إلى الفصل الأخير بقلم الشيماء محمد

كامله واقتحموا المكان
ادهم فتح شنطته اللي جابها من عند ابراهيم كانت مليانه اسلحته الخاصه لبس هدومه الخاصه ولبس الاسلحه كمان واتحرك ووراه رجالته والمره دي لبس واقي رصاص ودي كانت اول مره يعملها
دخلوا وبيدورا علي عيله مصطفي
اضرب عليهم ڼار وهما ردوا... مصطفي كان ماشي وري ادهم تماما اتقابلوا مع كام واحد وبيضربوهم
ادهم لقي مصطفي ماسك سکينه ونازل علي قلب واحد من المجرمين هيقتله بس لحقه ومسك ايده وضړب هو المچرم علي دماغه بحيث يغمي عليه بس
مصطفي ليه مخلتنيش اقتله انا عايز اقتلهم كلهم
ادهم علشان انت مفكر ان القتل ده حاجه سهله
مصطفي انت بتقتل بسهوله
ادهم من 10 سنين مكنش بسهوله ابدا.... صعب جدا ان ډم انسان يكون علي ايدك... وخلي بالك الډم ما بيتغسلش بسهوله من اديك
مصطفي انت اخر واحد يتكلم عن القتل.... انت سفاح
ادهم وقف وبصله. وانا مش عايزك تبقي زيي يا اخي... مش عايز اي حد في الدنيا دي كلها يبقي زيي... ما تقتلش الا لو مفيش حل تاني قدامك فاهم
ادهم سابه وكمل طريقه ودخلوا فيلا كبيره بيدورا علي عيله مصطفي
اوضه وري اوضه بيفتحوها واللي بيقابلهم بيضربوه والكل لاحظ ان ادهم بيضرب في دراع او رجل لكن ما بيقتلش
اخيرا ادهم فتح اوضه لقي فيها ناديه وعم ابراهيم متربطين فدخل بسرعه عليهم حط مسدسه من ايده وبيحاول يفكهم بس قبل ما يفكهم دخل وراه اربعه يضربوه... بيستغلوا ان ادهم معهوش سلاح وما يعرفوش ان وجود السلاح مع ادهم مايفرقش عن عدم وجوده اصلا
ادهم ضربهم كلهم لحد ما اغمي عليهم وراح لناديه يفكها... طلع مطواه من جيبه وقطع الحبل بتاعها
ناديه كنت عارفه انك هتيجي
ادهم بصلها وابتسملها وراح لعم محمد وفكه
عم محمد انت لازم تلحق ليلي كمان... اخدوها من هنا الصبح وما اعرفش ودوها فين انت لازم تلحقها
ادهم بإذن الله هلحقها بس الاول اخرجكم من هنا
ادهم اخدهم وبيخرجهم وهما وراه وكالعاده محدش بيقف في طريقه
طلب من مصطفي يروحهم لمقر امن ليهم وهو راح معاهم يفهم ايه اللي حصل
ادهم ليلي اخدوها ليه سمعتوا ايه انتو او تعرفوا ايه
عم محمد كل اللي حصل ان الصبح جم واخدوها وبس وما سمعناش حاجه
ادهم طيب مين كان بيدي الاوامر لو ورتكم صور الرجاله اللي اتقبض عليها تقدروا تحددوا مين فيهم اللي كلامه مسموع
ناديه ايوه كان فيه واحد بيتكلم وهما بينفذوا
ادهم جابلها صور المقبوض عليهم وهيا فعلا اتعرفت علي واحد وعم محمد اكد كلامها
قام يخرج بس مصطفي وقفه
مصطفي خدني معاك
ادهم انت اقعد هنا مع والدك ووالدتك محتاجينلك
مصطفي ادهم انا لازم اجي معاك انت فاهم
ادهم كان في قمه غيظه من مصطفي ولما هو علي صوته كده ادهم راح بصله ومسكه من رقبته ولزقه في الحيطه اللي وراه ورفعه عن الارض وابوه وامه وقفوا
ادهم انت ليك عين تتكلم وتعلي صوتك انت تقعد هنا جنب امك وتوطي علي رجلها وتبوسها وتسيبني انا اقوم بشغلك اللي انت معرفتش تعمله
فاهم ولا مش فاهم
ادهم سابه وخرج من غير ولا كلمه
مصطفي عيط وامه جريت عليه وحضنته
ومصطفي عياطه زاد وحكالهم علي اللي حصل وانه استغلهم في شغله
استني منهم يلوموه او يصرخوا فيه بس الاتنين سكتوا تماما
مصطفي بابا قول اي حاجه اضربني زعقلي! اشتمني بهدلني اعمل اي حاجه
عم محمد وعسي ان تكرهوا شيئا ويجعل الله فيه خير كثيرا.... اكيد ربنا له حكمه في اللي حصل وحكمته هتبان بس احنا نصبر ونشكره علي اي حاجه تيجي منه وندعي انه ديما يلهمنا الصبر والرضا بقضاؤه
ادهم استدعي فريقه لانه حاليا محتاج الكل
اكرم ومحمد وعلاء وفهمهم الوضع
ادهم حد عنده اي سؤال
اكرم هيا ليلي اللي هندور عليها دي تبقي مين
ادهم تبقي دكتوره واخت الرائد مصطفي
اكرم وبس
ادهم اه وبس انا مش فاهم انت عايز توصل لايه
اكرم مش دي البنت اللي انت كنت مرتبط بيها
ادهم كنت.... الموضوع ده انتهي من اكتر من سنه
اكرم بطلت تحبها طيب ليه
ادهم هو انت مش فاكر ايه اللي حصل ولا جاتلك غيبوبه... ومش فاكر انا خسړت ايه بسببها انتو اول ناس انا خسرتهم
محمد احنا اتأسفنالك وبنحاول نصلح علاقتنا بيك وانت اللي رافض
ادهم لانكم احتجتولي مش لانك عرفتوا انكم غلطتوا في حقي... احتجتولي واحتجتوا اللي كنت بعمله معاكم وعلشان كده قولتوا لما نصالحه واهو بينفعنا...
وانا حاليا مش عايز اي علاقات قايمه علي المصلحه
ودلوقتي عندكم اي اسئله في الشغل
الكل اتحرك يحققوا مع المقبوض عليهم وادهم راح للراس الكبيره بره... كان واحد داخل البلد سياحه بس له وزنه... ده اللي كان مطلوب من مصطفي انه يعرف جاي مصر ليه وعايز يعمل ايه ومصطفي الغبي استعمل عيلته كغطا ليه انه يدخل القريه ويصيف عادي ومنها يتعرف عليه هو واخته ويتصاحبوا عليه
وطبعا الراجل ما بيصاحبش حد غير لما يعرف ماضيه كله ومصطفي اتكشف وعقاپا ليه اخد عيلته
ادهم عرف ان افضل طريقه ديما للدفاع هيا الھجوم
راحله جناحه وخبط والبودي جارد فتحوله وطلب يقابل مستر البرت ورفضوا يدخلوه فضړب الاتنين اللي علي الباب ودخل
كان قاعد البرت ومعاه كذا واحد تاني من البودي جارد ومعاه اتنين بنات حواليه
البودي جارد طلعوا اسلحتهم الحوار كله انجليزي بس مراعاه لظروفكم هكتبه بالعربي
ادهم عايز اتكلم معاك طلع شارته يعرف نفسه انه مخابرات
البرت شاور لرجالته وشاور لادهم يقعد
ادهم مبدئيا كده انت دخلت البلد وسمحنالك تدخل وتقعد بس انك تمد ايدك لحاجه فيها تاخدها ڠصب هقطعلك ايدك
البرت ضحك جامد وادهم ضحك معاه
كان فيه طبق فاكهه كبير علي التربيزه بين ادهم والبرت ومن غير مقدمات ادهم شد ايد البرت ودخل فيها السکينه وشده وطلع مسدسه وحطه علي دماغه
ورجالته اصلا ما استوعبوش ايه اللي حصل
ادهم قول لرجالتك ينزلوا مسدساتهم بدال ما اخليهم يقعدوا يلموا فتافيت دماغك من علي الحيطه وانا اوعدك اني مش هلمسك لو اتعاونت معايا
البرت انا ممكن اخلي رجالتي ېقتلوك
ادهم خليهم بس هل يا تري هما ھيقتلوني الاول ولا انا ھقتلك انت الاول مستعد تخاطر ونعرف اجابه السؤال ده معنديش مانع نجرب بس انت شوفت سرعتي انا وسرعه استجابه رجالتك
البرت شاور لرجالته يسيبوه ويطلعوا بره
ادهم برافو... نتكلم بقي.... كان في ظابط صغير اليومين اللي فاتو حاول يقرب منك وانت عاقبته بانك اخدت عيلته
البرت اعتقد انهم رجعوا
ادهم ماعدا واحده.... هيا فين
البرت هما كانوا اتنين بس
ادهم مسك السکينه اللي علي التربيزه
البرت انت وعدت
ادهم الظاهر انك ما بتسمعش كويس انا وعدتك اني مش هلمسك لو اتعاونت لكن لو استهبلت هقطعك واوعي تتخيل ان رجالتك اللي بره هيخلصوك مني انت الظاهر انك ما سمعتش عني قبل كده
البرت انا معرفش انت بتتكلم عن ايه
ادهم مسك ايده وهو صړخ صدقني ما اعرفش انت بتتكلم عن ايه
ادهم ضربه بالسکينه تاني برضه ما اعرفش... المسؤل عن اللي حصل فرناندو وده دراعي اليمين هو اللي اخد عيلت الظابط وهو اللي بيعمل كل حاجه ومابلغنيش انه اخد حد تالت... صدقني ما اعرفش حاجه عن اللي انت بتتكلم عنها
ادهم هصدقك نادي علي فرناندو
البرت دخل