اسكربت جميلة جعلتني عاشق كامل بقلم اسراء ابراهيم

عايزة تصدق ولا كلمة من اللي قالها فريد وبقت بتردد في سىرها انها بتحب شريف وهو بيحبها وان فريد بالنسبالها امان وبس او بمعني ادق سند بقت تحرك راسها يمين وشمال پصدمة ودموعها بتنزل وبعدين كملت طريقها لاوضة منة ...

...................

بعد شوية كان واقف شريف وبيبص لفريد من بعيد بانتصار وشماتة شافهم فريد في عنيه بس اتجاهله وبص لمنة بابتسامة خبيثة وحرك راسه ليها ففهمت اشارته وقامت من جمب مروان خطيبها وراحت ناحية بنت معينة قاعدة علي ترابيزة لوحدها بعيدة عن كل الموجودين وقعدت معاها وفضلت تتكلم وتضحك معاها ففهم فريد الاشارة وعرف ان هي دي البنت المطلوبة فعدل چاكت بدلته وقرب عليهم وبعدين قعد معاهم وهو بيبص للبنت بغموض وبيتكلم 

ايه يا منة مش هتعرفيني علي صحبتك الجديدة 

ابتسمت منة بتوتر وردت وهي بتشاور علي جميلة وبتقول بقلق 

ددي جميلة يا فريد اتعرفت عليها بالصدفة لما كنت هخبطها بعربيتي ومن وقتها واحنا صحاب وعايزة اقولك انها مش بتخرج ابدا ويعتبر انا صحبتها الوحيدة وعشان كدة وافقت تيجي خطوبتي

ابتسم فريد بخبث وبص لجميلة اللي ابتسمت بخجل وتوتر لانها مش متعودة تكلم حد غريب 

اهلا بيكي يا انسة جميلة انا اتشرفت بمعرفتك

جميلة ابتسمت بخجل وردت بتوتر وهي بتبص بعيد 

شكرا بعد اذنكم انا لازم امشي اصلي اتأخرت 

قام فريد ورد بهدوء وهو باصص لجميلة 

الوقت اتأخر ممكن تسمحيلي اوصلك 

ردت جميلة بسرعة وتوتر وهي بتبص لمنة بقلق 

لا اقصد يعني معلش مش هينفع اصلي يعني انا خلاص طلبت اوبر وكمان حضرتك عندك ضيوف مينفعش تسيببهم

رد فريد بجدية وثقة وهو بيبتسم بمجاملة 

بسيطة كنسليه وبالنسبة لضيوفي فانا خلاص ضايفتهم متشيليش هم يلا بينا 

اتوترت جميلة اكتر ومعرفتش تعمل ايه فطمنتها منة اللي قالت بحب 

متقلقيش يا جميلة ده فريد اخويا انسان كويس اوي وعمره ما ھيأذيكي

تعمدت منة تقول اخر جملة وهي بتبص لفريد برجاء وفهم فريد كلامها واتجاهلها وبص لجميلة ورد بابتسامة

متخفيش يا انسة جميلة انا مش قاټل متسلسل وبخطف القمرات اللي زيك

شبح ابتسامة ظهرت علي وش جميلة وحركت راسها بخجل ومشيت مع فريد وكانت متابعاهم منة بعنيها وهي بتدعي ان كل شئ يعدي علي خير ....يتبع

اسكربت 

الجزء الثاني

كانت جميلة راكبة في عربية فريد وهي متوترة وقلقانة وبتفرك في ايديها پخوف وباصة الناحية التانية وكان فريد مستغربها وخصوصا انها من وقت ما هو اتعرف عليها وهي بتكلمه وعنيها في الارض فاتكلم بجدية وهو بيتنحنح 

احم هو انتي قلقانة مني لسة انا ملاحظ انك خاېفة او متوترة

جميلة ردت وهي بتبص للارض بخجل 

انا لا طبعا مش خاېفة هو بس يعني اصل بصراحة مش متعودة اني اتكلم مع شباب

شباب !! 

قالها فريد باستغراب وهو بيبص لجميلة باستفهام لحد الان مكنش مصدق برائتها وكان متخيل انها بتتصنع البراءة بس طريقة كلامها بالنسباله غريبة من نوعها انتبه علي صوتها وهي بتقوله بقلق

هو انا قولت حاجة غلط انا اسفة

رد فريد جدية وهو بيبص قدامه من تاني 

اعتقد انك مغلطتيش عشان تعتذري وعموما انا بس اللي سرحت شوية بس افهم من كلامك انك عمرك ما عرفتي اي شاب قبل كدة معتقدش

اضايقت جميلة من طريقة فريد وتلميحاته فردت بضيق 

وانا ميهمنيش حضرتك تصدقني ولا لا بس انا مبكذبش وده اللي انا متأكدة منه ممكن تنزلني هنا علي اي جمب

فريد بص لجميلة ورد من غير ما يوقف العربية 

انا مقصدش اضايقك علي فكرة بس انا يعني مستغرب شوية او تقدري تقولي اني مشوفتش حد زيك قبل كدة

ردت جميلة بهدوء اقرب للسخرية وهي بتدور وشها بعيد عن فريد بزعل 

مش كل البنات زي اللي حضرتك تعرفهم ممكن بقي تنزلني هنا 

فريد وقف عربيته وجميلة مدت ايديها وحاولت تفتح الباب لكنه كان مقفول كانت بتحاول كتير بس الباب مش راضي يتفتح وهنا لفت وشها بسرعة وخوف وبصت لفريد لاول مرة وعنيها بتلمع بدموع الخۏف وهو كان بيبص في عنيها بجمود في الاول بس نظرته اتهزت اول ما ركز في عنيها العسلي وللحظة اتوتر بس حاول يجمع نفسه واتكلم بسخرية 

ريحي نفسك الباب مش هيتفتح