رواية الخطيئه كامله بقلم ولاء حامد

عليا انتي عارفه انا جايباكي ليه
صفا علشان نروح نخدم بنتك مش كده 
مديحه ايوه اختكم ومحتجالكم ايه كفرت لما اطلب منكم تساعدوها 
خلود لا مكفرتيش يا ماما بس لا يكلف الله نفس الا وسعها وانا مقدرش اسيب بيتي وجوزي وأولادي اسبوع علشان انضف بيت بنتك اظن هي كبرت بما فيه الكفايه انها تعتمد على نفسها وكمان انا ابني تعبان
مديحه ماله يا اختي مهو زي القرد كان جاله سړطان ولا ماټ يعني علشان متروحيش تساعدي اختك
خلود پصدمه وقبضه قلب أعوذ بالله بتقولي كده على ابني ليه عملتلك ايه طول عمري تحت رجلك وبقولك حاضر وطيب ومن عنيا لييه بتكرهيني كده 
مديحه بصفعه شديده سابت أثر على وش خلود اخرسي يا قليله الأدب في بنت محترمه تقول لأمها كده بس هاقول إيه منتي مشوفتيش تربيه يا سافله 
خلود بدموع وصدمه انا يا ماما الله يسامحك بكره الدنيا تعرفك الحقيقه 
وقبل ما تمشي دخل محسن 
محسن بإستغراب ازيكم يا بنات خير ايه اللي جابكم 
صفا پصدمه مردتش
وخلود بتحاول تداري وشها من أبوها علشان ميشوفش أثر الضړب على وشها 
محسن مالكم في ايه 
صفا فاقت شويه مفيش يا بابا كنا بنطمن علي ماما 
محسن بص على خلود وانتي يا خوخه 
وقبل ما يكمل برق عنيه ايه اللي على وشك داه اوعي يكون جوزك اللي ضړبك 
خلود بدموع وهزه راس لا يا بابا مفيش حاجه معلش انا هاروح علشان ابني تعبان 
محسن پخوف ماله يا بنتي كفا الله الشړ 
خلود بصت لأمها بدموع وقع من يومين رجله وأيده اتكسروا ودماغه اتفتحت 
محسن لا حول ولا قوه الا بالله العلي العظيم ومقولتيش ليه يا بنتي كنا جينا اتطمنا عليه 
خلود ولسه عنيها على أمها بۏجع محبتش اشغل حد معايا كل بيت فيه اللي مكفيه وماما كتر الف خيرها سألت وقامت بالواجب وزياده 
محسن بشك امك عرفت ومقالتليش
خلود انا ماشيه سلام عليكم 
قبل ما تمشي مديحه بزعيق قلبي وربي غضبانين عليكي ليوم الدين 
خلود بصت لها پصدمه وعيطت الله يسامحك انتي امي مهما قولتي او عملتي ليكي عندي حق البر وصلة الرحم عن اذنكم وسابتهم ومشيت
صفا بدموع انا ماشيه يا بابا معلش الأولاد مع حماتي وزمانهم جننوها يلا معا السلامه 
محسن بشخطه استني مش هاتتحركي من هنا الا لما أفهم في ايه واختك مالها وايه اللي في وشها
صفا بصت لأمها بحزن وخذلان معرفش 
مديحه خلاص بقى يا محسن في ايه قالولك مفيش حاجه ايه بتدور على المشاكل وخلاص
محسن پغضب اسكتي خالص وإلا اقسم بالله ما هايحصلك طيب وبص لصفا انطقي والا اقسم بالله هاطربق البيت على اللي فيه
صفا قولت لحضرتك مفيش 
محسن مفيش طيب انا رايح لخلود واسألها قدام جوزها 
صفا بدموع اوعي تعمل كده هاتكسرها وهي مكسوره لوحدها 
محسن پخوف طيب قوليلي الله يرضى عليكي
مديحه بزعيق ما خلاص بقى قالولك مفيش ثم انتا ايه اللي جابك من الجامع بدري 
محسن ربنا علشان ليا نصيب اشوف وافهم اللي بتداريه عليا وبص لصفا في ايه ودي آخر م ه هسالك وبعدها هاخد بعضي واطلع على بيت اختك
صفا عارفه طبع أبوها وانه هايصر ومش هايسكت وفعلا ممكن بنفذ اللي في دماغه 
صفا حكت لابوها كل حاجه 
مديحه بدفاع عن ندا كدابه ندا مقالتش كده بطلي افترا وتبليه على اختك بقى 
صفا بحزن انا مش كدابه وفتحت التليفون وسمعت أبوها وأمها المكالمه اللي دارت بينها وبين ندا كامله 
محسن بزعيق وبص لمديحه يعني ضړبتي بنتك علشان مش عايزه تروح تخدم بنتك 
مديحه بزعيق وايه يعني مهما أخواتها اومال الأخوات فايدتهم ايه لو موقفوش جار بعض
محسن وهو الكلام داه لصفا وخلود بس مبينطبقش على ندا 
مديحه بتبرير ندا لسه صغيره ومش هاتعرف تعمل البيت لوحدها 
محسن طيب اخوتها قالولها الحل السجاد يروح مغسله وتجيب واحده تنضف البيت بالفلوس
مديحه وفيها ايه لو راحوا هايتشلوا ولا هاينقصوا ايد ولا رجل ما كل واحده فيهم صحتها تهد جبل 
صفا بدموع واڼهيار انا ماشيه مع السلامه وسابتهم وجريت 
محسن ابن بنتك عيان ومتكسر والتانيه عايشه في بيت عيله انتي عايزه ايه بتعملي كده ليه 
مديحه عملت ايه انا كفرت يعني لما بقولهم يساعدوها 
محسن بزعيق ماتروحي انتي واقفي مع بنتك 
مديحه انا وانا فيا صحه منين لشقه ندا دي كلها دي عايزه جيش
محسن بعصبيه وأخواتها اللي فيهم صحه اللي عندهم بيوت وعيال يخدمو ننوسه عين أمها وقرب لمديحه بشړ وبصوت اشبه بالفحيح اقسم بالله لولا مخافه رب العالمين لكنت كسرت ايدك اللي اترفعت على بنتك ظلم وطلقتك ورميتك لأهلك بس انا متقي الله فيكي لآخر لحظه
مديحه وانا كنت عملت ايه لكل داه يعني
محسن عملتي ايه عملتي كتير يا ام العيال فرقتي بين أولادك في المعامله ظلمتي وجيتي بالقوي على البنات علشان الصغيره ايه المميز فيها يخليكي تحبيها بهوس وكل طلباتها أوامر ايه اللي يخليكي تكسري بناتك وعايزاهم يروحو يشتغلوا ويخدموها في بيتها ايه اللي فيها مش فيهم يخلي قلبك بالجحود داه مع صفا وخلود وكل الحب والحنان مع ندا
مديحه.......
الخطيئه 
ولاء حامد
الفصل الثامن 
مديحه بشرود خطفت قلبي حبيتها من اول ما عيني وعيت عليها كأني اول مره اخلف جمالها كان مش عادي مس قلبي صفا وخلود مخطفوش قلبي كده يمكن علشان جميله اوي كانت دايما محط أنظار الكل كانت جميله اوي بقت قريبه اوي لقلبي مكنتش بحب اشوف دموعها علشان عنيها الجميله متدبلش مكنتش بحب اخليها تعمل شغل البيت علشان ايديها تفضل ناعمه بخاف عليها حتى من الهوا عايزاها دايما سعيده عايزها داميا بتضحك ومبسوطه شقاوتها بتفرحني انا مبكرهش صفا وخلود بس ندا ليها مكانه تانية في قلبي واخده كل قلبي ومتربعه فيه علشان كده مبحبش حد ييجي عليها 
محسن بتعب وزعل مينفعش عيالك كلهم غلاوه واحده مينفعش احب داه واكره داه كلهم نفس الحب اه ندا ليها استثناء عندك بس في الصح الأم دورها تقوم لازم تقوميها للصح لو لقيتيها بتميل للغلط تكوني حاسمه لتوجيهها للصح لازم تصلحي أخطاء الماضي علشان ترتاح في حياتها مع جوزها وحياتها متتخربش قبل ما تبداء والا انتي هاتكوني السبب في خړاب بيتها ودمار حياتها للأسف انتي عامله زي الدبه اللي من كتر حبها في صاحبها قټلته 
مديحه بۏجع طيب اعمل ايه شور علية عارفه اني غلطت لو على صفا وخلود انا هاتصل أراضيهم وأطيب خاطرهم بس اعمل ايه مع ندا مادام انتا شايفني غلطانه علشان تعيش مرتاحه انا مش هاعيشلها العمر كله نفسي اطمن انها هاتعيش مرتاحه وسرها هادي زي أخواتها
محسن بتفكير هاقولك بس تنفذي مش مجرد كلام يدخ من دون ويطلع من التانيه
مديحه بهزه رأس خفيفه من عنيا قول وانا سامعه
محسن بتروي اول حاجه قوليلها ظروف أخواتها وأنهم مينفعش يروحوا يساعدوها تاني حاجه خليها تقسم شغل البيت على طول الإسبوع يعني يوم تغسل السجاد 
ويوم تلمع الخشب ويوم تمسح الشقه ويوم تفرش الشقه وكده خليكي دعم ليها في التقويم للصح يا مديحه احنا كبرنا مفيش اب او أم بيكرهوا عيالهم عاجبك منظر لبس بنتك انا وانتي وجوزها هانتحاسب عليها عندك