رواية الخطيئه كامله بقلم ولاء حامد

بضحكه رقيعه وكملت بصوت اكثر اڠراء بالذمة داه صوت راجل
عمر ببوادر صحيان وهو مش قادر يفتح عنيه ندا 
ندا امم ندا اللي سيبتها ونمت في الصاله
عمر معلش كنت نسيت اصلي العشاء قومت اتوضيت وصليت ودخل عليا القيام صليته وقرئت شويه في المصحف ونمت 
ندا اوكي سماح المره دي يلا قوم علشان ناكل لقمه مع بعض إمبارح معرفناش ناكل لوحدنا العائله كلها كانت هنا اهلي وأهلك وقاموا بالواجب 
عمر بهزه راس ماشي هاقوم اغسل وشي واصلي الصبح واجي نفطر
نداطيب افطر الأول وبعدين ابقى صلي
عمر بحسم الصلاه الأول وبعدين الأكل لو عمري خلص هايبقى معلق في رقبتي فرض ربنا
ندا اوكي اوكي براحتك
عمر وهو بيقفل المصحف ويبوسه وحطه على الحامل مكانه انتي صليتي
ندا بكذب ايوه اول ما قومت خدت شاور واتوضيت وصليت
عمر بإطمئنان تمام يعني صليتي وعايزاني مصليش 
ندا مش قصدي انا كنت بس عايزاك تاكل لاني حسيتك مكلتش كويس إمبارح 
عمر اللمة الحلوه بتشبع
ندا بلا مبالاه طيب يلا علشان نفطر لاني هاموت من الجوع 
عمر دخل اوضته غسل وشه واتوضى وطلع يشوف سجاده صلاه ملقيش في الاوضه استغرب ازاي ندا صلت ومفيش سجاده صلاه هنا أو مفروشه بص حواليه ملقاش حتى إسدال متعلق فتح دولابها لقي كل الاسدالات متعلقه
عمر بشرود معقول يا ندا بتكذبي في فرض ربنا يعني قصرتي في حق ربنا اتمنى تكوني صادقه لان اللي ېكذب في حق ربنا ېكذب في حق العباد 
عمر لنفسه أعوذ بالله من الشيطان الرجيم يارب الهمني الصواب في أمري 
وطلع الصاله وفرش سجاده الصلاه وادي فرض ربنا وبعد الصلاه قام وقعد مع ندا على السفره وبداء يفطر وهو سرحان 
ندا هوووو روحت فين
عمر بفوقان مالك
ندى سرحان من وقت ما قعدت 
عمر بهزه راس ولا حاجه بس سرحت شويه من التعب مش مصدق اني رجعت واني معاكي دلوقتي 
ندا بغرور لاء صدق 
عمر هانروح اخر النهار عند اهلي
ندا ليه
عمر هاوديلهم الحاجات اللي جبتهالهم معايا من السفر ونقعد معاهم شويه
ندا مهما كانوا هنا إمبارح 
عمر عادي اهلي ايه المشكله عندك 
ندا بلويه بوق ولا حاجه مفيش مشكله اللي يعجبك بس مش الأولى تفرجني على اللي جبتهولي 
عمر من عنيا بعد الفطار هافرجك ليكي شنطه كامله ليكي وفيها هديه كمان هتعجبك اووي 
ندا بلهفه بجد طيب يلا قوم فرجني 
عمر بذهول طيب اكمل فطاري 
ندا وهي بتشده هو الأكل هايطير
عمر ولا الشنط هاتطير 
ندا بإحباط خلاص اللي يعجبك 
عمر حس بزعلها خلاص الحمد لله انا شبعت يلا أفرجك على حاجتك وبعدين ابقى اعمليلي فنجان قهوه من ايديكي الحلوه دي ومسك ايديها باسها بحب
ندا ماشي يلا بقى 
قام عمر وفتح شنطه مراته وكانت مليانه هدايه كلها غاليه من هدوم لجميع المناسبات والبيت وكمان شوزات وبرفنات ومكياج والأجمل كان طقم دهب شكله روعه يخطف العين 
ندا سابت كل حاجه وبصت على الطقم واااو يا عمر يجنن تحفه بجد شكله يهبل
عمر بحب عجبك
ندا داه يهبل مش يعجب بس
عمر ربنا يقدرني واقدر اسعدك دايما 
ندا ميرسي يا روحي فرجني بقى جبت ايه لأهلك 
عمر عادي هدايه عاديه لبس وجبت موبايل لساره بنت اختي 
ندا برفعه حاجب ليه أن شاء الله هما فقرا ما ابوها على قلبه قد كده مايجيب ليها هو ثم انا شوفت معاها إمبارح تليفون
عمر وايه المشكله انا خالها والخال والد وانا كنت واعدها بيه 
ندا المفروض انا أولى 
عمر وانا كنت أخرت عليكي حاجه أغلى موبايل واغلى لاب توب واغلى لبس غير كل شهر ببعتلك اللي يكفيكي وزياده وزياده وزياده يبقى ايه اللي ناقصك 
ندا خلاص خلاص انتا هاتقلبها محاضره 
مر اليوم سريعا في المساء احضر عمر جميع الهدايا ولم تنسى ندا كلام والدتها ان تفعل كل ما تريد بدون علم ابوها وخواتها وزوجها
لبست ندا لبس محتشم جدا وحجاب طويل بدون التكلف ووضع اي مكياج الا القليل الذي لا يذكر
عمر شافها وابتسم وشكلها داه قضى على اي شك جواه
ووصل لأهله وسلم على الكل وكذلك ندا 
عمر بداء يوزع الهدايا وسط سخط ندا وعدم رضاها اوقبولها للموضوع 
الكل حس بإحراج من كم الهدايا اللي جايبها عمر
والدته بعتاب ليه كده بس يا ابني يعني فلوسك في الغربه بدل ما تحافظ عليها بتبعترها يمين وشمال
عمر قام وباس ايدين امه الدنيا كلها فاهم يا ست الكل وبعدين انا جبت ايه يعني دول شويه هدايا بسيطه وميجيش من بعد خيركم 
امه بحب الله يرضى عليك يا ابني ويراضيك ويسعدك ويجعل الخير في طريقك
عمر وهي بيحضنها اوي ربنا ما يحرمني منك ولا من دعائك ليا دايما 
امه بحب دعايلك يا ابني يعلم ويشهد ربي
مر الوقت بعد عشاء محترم والكلام والضحك الصادق اللي من القلب بدون تكلف وروح عمر ومراته بيتهم 
وبعد وقت عمر حس انه فيه شيء غلط في ندا بس استعاذ بالله من الشيطان 
مرت الأيام ومر على وجود عمر اسبوعين وعمر بيحاول بجهد يسعد ندا بس كل مره في شك بيدخل جواه وكل مره بيلجاء لربه 
ندا عمر اعمل حسابك انهارده خارجين 
عمر اه عارف جهزي نفسك انتي بس
ندا بملل مش عارفه ايه كم العزومة الرهيبه دي بقالنا اسبوعين من بيت لبيت لبيت
عمر بضحكه بسيطه معلش يا حبيبتي أهلنا ومنقدرش نعتذر
ندا طيب 
وحل المساء وندا لبست دريس شيك جدا ومحتشم ولبست حجاب طويل ومكياج بسيييط جدا 
عمر بعيون بتطلع قلوب يسلمي القمر يا ناس 
ندا طيب يلا يا روميو علشان اتأخرنا 
ونزل عمر وندا وهما في المدخل عمر مره واحده اووو يا الله 
ندا مالك وقفت ليه مره واحده كده 
عمر نسيت موبايل ساره بنت اختي وانا قولت هافرحها بيه انهارده 
ندا طيب والعمل
عمر دقيقه هاطلع اجيبه وانزل
ندا ماشي متتأخرش
عمر فوريره وهاكون قدامك
ندا بهزه راس ماشي 
طلع عمر ودخل اوضته يجيب الموبايل وفتح دولابه وجابه 
عمر لنفسه ياالله عايز كيس احطه فيه مش هامشي بيه كده 
فتح الدولاب ملقيش فضل دقايق يدور على كيس
عمر اكيد ندا كالعاده حطاهم تحت السرير
ورفع السرير ولقى الأكياس بس كانت الصدمه
الفصل دا لانه طويل هيتقسم اتنين 
الجزء الاول من الفصل الأخير 
الخطيئه
ولاء حامد
عمر لقي الأكياس وطلعهم ولسه هاينزل الميكانزم بتاع السرير كانت الصدمه لقي كيس اسود مربوط بطريقه غريبه جدا فضوله خلاه يفتحه وكانت الصدمه موبايل ندا القديم اللي قالتله انها ادته لمرات اخوها والأكثر صډمه علبه من علب خله السنان مليانه خطوط موبايل كتيييير جدا عمر 
عمر بذهول ايه داه بتوع مين دول داه تليفون ندا القديم طيب ليه كدبت عليا وقالت إنها ادته لمرات اخوها 
حاول عمر يفتح التليفون كتير بس للأسف التليفون مقفول ببساوورد 
رجع عمر كل حاجه مكانها زي مكانت 
ونزل وهو شارد وسرحان
ندا بعصبيه كل داه تأخير يا عمر 
عمر بإنتباه معلش كنت بدور على كيس واخيرا لقيت في المطبخ 
ندا بلجلجه كنت بتدور فين
عمر بشك في الإدراج في الصاله واخر ما زهقت جبت كيس من المطبخ 
ندا بتنهيده ارتياح طيب يلا اتأخرنا 
طلع عمر وندا وركبوا تاكسي لحد بيت اخته طول القعده عمر شارد 
وبعد وقت قصير قام وطلب يدخل الحمام 
دلته اخته على الحمام وقامت معاه
عمر بۏجع بقولك يا سهر طالب منك خدمه
سهر بحب عنيا ليك 
عمر تسلمي انا عايز