روايةكان لي ابنا كامله 💔

فهمته كل اللى حصل وطلع الغلط عليا أنا وماما 
انتي عارفه انها مبتقدرش تعمل حاجة من تعب الحمل وماما مكنتش ھتموت لو قامت عملت حاجة تاكلها بنفسها
يعني انت شايف تعب سمية ومش شايف تعب أمك يا أحمد 
بقولك ايه أنا مش ناقص هم أنا هروح أتحايل عليها يارب توافق ترجع
راح جابها وأول ما دخل قالي 
اعتذري
نعم 
اعتذري انتى وماما على اللي عملتوه
انت شكلك اتجنيت خالص عاوز مامتك تعتذر من دي
كنت لسه مكملتش الكلمة لما لقيت القلم نازل على وشي 
مراتي تحترميها بعد كدا فاهمه 
دموعي نزلت ودخلت أوضتي وقفلت على نفسي وقررت انى مش هيجمعني بيهم أي كلام تاني لا بسمية ولا بأخويا 
الأيام كانت بتمر ع الحال ده من غير أي اختلاط بيهم والحمد لله يوم فرحنا أنا وأدهم جه وآخيرا هخلص من عذابي كنت مبسوطة جدا وفي نفس الوقت كنت زعلانه جدا على ماما كان نفسي آخدها تعيش معايا بس كل ما أدهم يفتح السيرة دي مع أحمد ألاقيه طلع فيه ويقوله عاوز الناس تقول عليا ايه مش قادر أخدم أمي  
كل اللى كان هامه كلام الناس ميعرفش إنها مش هتلاقي حد يخدمها فعلا من بعدي.
يوم الفرح عدي على خير ومشيت وأنا قلبي واجعني أوي إني سايبه ماما في الهم دا لوحدها بس أدهم طمني وقالي انه هيخليني أزورها علطول .
عدي شهر على جوازنا من غير زيارات لبيت أهلي بس كنت برن على ماما دايما وأطمن عليها 
ولما كنت بزورها كنت بحس ان صحتها بتتراجع ولما أسألها عن السبب كانت بتقولي من العلاج وانه ليه مضاعفات كنت عارفه انها مبتهتمش بنفسها كويس وان أحمد مراته واخده كل وقته بس مكنش في ايدي حاجة أعملها
لحد ما جه يوم حبيت فيه أعملهم مفاجأة وأجي أزورهم من غير ما أقول لحد 
دخلت أنا وأدهم على ماما لقيناها قاعدة بتاكل عيش بس
ايه دا يا ماما
غفران !! ازيك يابنتي
انتى بتاكلي ايه 
أحمد اتحايل عليا عشان يجبلي أكل وأنا مكنش ليا نفس فلما طلع قولت أكل أي لقمة عشان العلاج
ببص جمبها لقيت العلاج كله خلصان 
هو ده العلاج يا ماما 
أيوا أنا قولت لأحمد وهو قالي هيجبلي غيره بكره وهو جاي من الشغل
كنت متنرفزة جدا عشان كدا طلعت بسرعة على شقتهم وأول ما أحمد فتح الباب قالي 
غفران ! انتى جيتي امتي تعالي اتعشي لسه حاطين الاكل
دخلت لقيتهم حاطين ع السفرة كل ما لذ وطاب 
ما شاء الله عندكوا دا كله وماما بتاكل عيش بس
عيش بس ازاى 
العيش دا يا أحمد وكمان الدوا الفاضي