سكريبت انتقل لي فقط كامله بقلم سولييه نصار

يحصلك حاجة ...عايزينك تشيلي أول ابن لينا أنا وهاجر ...
حسيت حماتي هتجيلها جلطة بسببي فابتسمت صحيح بعزها بس هي كانت سبب في طلاقي لبنتها ...صحيح أنا السبب الرئيسي بس هي تتحمل شوية من المسئولية
قربت هاجر مني وصر خت 
أنت ايه معندكش د م ..معندكش احساس ...حماتك ايه ومراتك ايه فوق يا حبيبي احنا اتطلقنا...
غمضت عينيا وقولت
يااااه كلمة حبيبي طالعة من بوقك زي العسل. قوليها تاني كده ..ولا استني ...
خرجت موبايلي وقدام وشها المصډوم قولت
اتعصبت هاجر وصړخت وهي بتضر ب رجليها على الأرض وقالت
أنت انسان مستفز بارد ...أنا مش عارفة أنا ليه اتجوزتك ..! 
هزيت كتفي وقولت
عشان حبتيني...أنتي قولتي كده بنفسك ...
وشها احمر من الڠضب والكسوف ...صحيح شفقت عليها شوية بس لا هاجر ملكي أنا ...ولازم ارجعها ليه ...مش بيقولوا في الحړب والحب كل شئ متاح ...وانا هستخدم أي وسيلة سواء أخلاقية أو لا المهم ترجعلي ...أنا مصمم لاني عرفت من زمان اني بحبها ...وعرفت أني مقدرش أعيش من غيرها ...بس للأسف بعد ما ضي عتها من ايدي ....بس ما سابت حياتي وطلقتها عرفت أني من غيرها ولا حاجة. ..هي بتكملني ...
رفعت هاجر رأسها وقالت
كنت ...كنت بحبك يا احمد ...أنا دلوقتي بكر هك ...بكر هك ...
انا مش مصدقك بصراحة ...
ابتسمت بسخرية وقالت
هتصدق إن شاء الله لما ارتبط بغيرك ...أنت فاكر اني هغلب ومش هتجوز مثلا !لا يا حبيبي هتشوف اني هتجوز ....وهعزمك على فرحي كمان ...
حسيت بالغيرة والغ ضب من كلامها فابتسمت هي ومشيت على اوضتها فعليت صوتي وقولت
مش هتتجوزي غيري يا هاجر ...وأي عريس هيجي هنا هطفشه ولو قدرتي توصلي للكوشة هخط فك من عليها ...على فكرة أنا مجنو ن واعملها...
طيب يا عم المجنو ن ممكن تمشي من هنا ...يالا ورينا عرض كتافك ...كانت جوازة من يلة بستين ني لة يخربيتك طفيت البت وجبتلها اكتئاب ...
كان ده صوت حماتي المتعصب فبصيت ليها وابتسمت وقولت
بس ايه الجمال ده يا حماتي طالعة زي القمر النهاردة ...ايه اللي حطاه ده روج!الله يرحم يوم قراية فاتحتي على بنتك لبستيلي اسود وسو دتي عيشتي ...
أمشي اطلع برا يا قليل الاد ب ...
هزيت راسي وطلعت وانا طالع ميلت على حمايا وقولت بصوت واطي 
مش هوصيك اي عريس يجي ...
قاطعني هو بصوت واطي وقال 
ششش يخربيتك هيعرفوا اني أنا اللي بفتن عليهم وبقولك على العرسان اللي هتيجي ...متقلقش لو فيه عريس هبلغ أبوك وانت اتصرف...
بتتوشوشوا بتقولوا ايه !!
قالتها حماتي پغضب فابتسمت في وشها وقولت 
بقول ربنا يصبرك على ما بلا ك يا حمايا ...
وبعدين مشيت...
مرت الايام والوضع هادي وقررت أن احاول اكلم هاجر ...كنت ناوي فعلا أكلمها لو ابويا جه صحاني من النوم بطريقة خلتني قط عت الخلف وقال
الحق الحق ...خطوبة هاجر النهاردة!!!
يتبع
الجزء التالت شكرا علي تفاعلكم السكربقلم سولييه نصار 
نعم خطوبتها ...خطوبتها على مين إن شاء الله ده انا هوديكوا في ستين د اهية !!!
زعقت وأنا بنط من السرير وخرجت من البيت وانا لابس بيجامتي الكحلي ولابس فردة من شبشبي وفردة من شبشب ابويا ...
روحت على بيت هاجر وخبطت على الباب جامد ...
فتح ابوها وهو مخضوض وقال
فيه ايه يا بني !
هاجر هتتخطب ...هاجر هتتخطب معقول ...يا هاجر ...يا هاجر ...
قعدت اصړخ بصوت عالي زي المجنو ن ...
استني يا بني انت ...استني يا مجنو ن ...مين ده اللي اتخطبت ...واد يا أحمد اقف شوية ...
كان حمايا بيتكلم وهو ماسك إيديا ...طلعت حماتي وهاجر مخضوضين ....قربت من هاجر وقولت 
هتتخطبي يا هاجر ...عايزة تتجوزي غيري ...تخليني أحبك وبعدين تروحي لغيري ...ايه الخيا نة دي ..
كانت بتبصلي بذهول وصدمة ...اتدخلت حماتي وقالت
مين ده اللي هيتخطب ...وبعدين أنت مالك أنت...مش طلقتها خلاص ملكش حاجة عندنا ...أنا اصلا مكنتش عايزة الجوازة دي الحمدلله ربنا خلصنا منك يا معتو ه انت ...
انا معتو ه يا حماتي ...
هو أنت مش شايف نفسك معتو ه يا حبيبي .
هزيت كتفي وقولت 
يعني احيانا بحس نفسي كده ...بس 
قربت منها وعينيا بدأت تلمع