رواية ابتسامة الم كامله

سارة متسمعهوش أسف يا حبيبتي مشغول أوي في صفقة وسافرت وبابا أصر أخد معايا الزفته اللي إسمها سارة علشان شهر عسل وكدة أسف يا نورعيني لما أجي هشوفك
سارة كانت واقفه بتسمع بوش جامد كإنها إتعودت تسمع دا وكإن المكالمه دي فوقتها وفكرتها باللي عملو زمان..
فتحت الباب ودخلت في اللحظه دي فارس قال طب هخلص الصفقه وأبقي أكلمك يا كريم باي
قفل فارس وبص لسارة وقال بإبتسامة لاقيتي فونك
بصتله بصه طويلة وقالت أه لاقيتو يا حبيبي الممرضه جابتهولي
فارس شدها لحضنه وقال وحشاانيي
سارة وهي بتلعب في دقنه اللي كبرت سيكا ما أنا جمبك يا فارس دايما إنت يادوب مش بتشوفني غير وقت النوم بس وكمان ببقي نايمة في حضنك
فارس قرب منها وقال وحشااني
سارة فهمت قصده بعدت عنه وقالت أما نروح يا يا فارس يلا علشان تاكل
بصلها بضيق وقال إنتي فصيله وظالمة
سارة بتكمل أه وظالمه وسيئه في رواية الجميع وأدي أمضتي أهي إتفضل برضوا كل
بدأت تأكلو ف قال فارس خاېف أتعود علي الدلع دا ومره واحده ألقاه إختفي
حطت المعلقه في بوقو وقالت ليه يا حبيبي يختفي
بلع فارس الأكل وقال نكد وهرمونات يا روحي
ضحكت سارة وقالت متقلقش يا فارسي مش هقدر مدلعكش دا إنت العين والنن
باس فارس إيديها اللي ماسكه المعلقه وقال والله العظيم بحبك مش عارف أقولك إيه أكتر من كدة
سارة لما قالها الكلمه دي حست إن فيه حبل إتلف علي رقبتها وإتخنقت وعينيها دمعت مسكت دمعتها بالعافيه وإبتسمت ومدت إيديها وأكلتو لحد ما شبع..
أخدت الأكل وطلعت وراحت الحمام وقعدت علي الأرض وبدأت ټعيط من غير صوت ..
يتبع
الثالث_عشر
قامت سارة إتعدلت من مكانها لما حد فتح الباب..
الممرضة مدام سارة أستاذ فارس قالب عليكي المستشفي وعمال يسأل عليكي
مسحت سارة دموعها وقالت أنا جايه بس متعرفيش حد إن كنت بعيط
الممرضه بصتلها بشفقه وقربت منها حضنتها وقالت كل حاجة هتتحل إن شاء الله وحاضر مش هقول لحد
بعدت سارة عن الممرضه وإبتسمت وطلعت معاها
أول ما دخلت أوضة فارس حضنها جامد وقال كنتي فين بقالك ساعتين بعيد عني
دمعه نزلت من عينيها علي التيشيرت بتاعه بعدها عن حضنه وحضن وشها بين إيديه وقال مالك بټعيطي ليه أنا زعلتك في حاجة أو عملت حاجة ضايقتك 
إبتسمت بحزن وقالت متقلقش أنا مبسوطه إنك بتتعافي
حضنها جامد وقال أنا بقا مبسوط جدا علشان هنرجع نعيش مع بعض حياه سعيده ونجيب ولاد وبنات عارفة يا سارة نفسي في بنت تكون شبهك هسميها ملاك لإنك إنتي أمها وإنتي ملاك يا سارة
سارة كانت بتسمع كلامو وبتعيط في صمت وهي حاضناه
كمل فارس وهو مبسوط لو ولد بقا هنسميه أءءء هنسميه إيه يا سارة
سارة إبتسمت وقالت رحيم .
ضحك فارس وقال نسميه رحيم ويبقا إسمو رحيم فارس عبدالله أو ملاك فارس عبدالله يا سلام لو توأم يا سارة هبقي مبسوط أوي
سارة بشرود هنبقا كلنا مبسوطين
بعدها عنه ومسكها من إيديها ومشي ناحية السرير وقال أنا نعسان أوي عاوز أنام ..
إبتسمتله سارة وقالت نام طب
فارس بنعاس عاوز أنام في حضنك
طلعت سارة علي السرير وفتحتلو دراعاتها الإتنين
نام علي السرير بين دراعاتها وماسك فيها جامد كإنها هتهرب منو لحد ما نام..
سارة كانت بتمشي إيديها علي شعره وشاردة تماما في حياتها الجايه
فونها رن..كانت مامتها
مسكت الفون وقالت بحنية إيه يا حبيبتي
مامتها عامله إيه يا سارة وفارس عامل إيه
سارة بصت علي فارس اللي نايم في حضنها وقالت كويسين الحمدلله يا ماما وإنتي بخير
مامتها أه يا حبيبتي بخير مش ناويين تفرحوني يا سارة بحفيد
سارة عينيها دمعت وإبتسمت بسخرية وقالت قريب يا ماما متقلقيش
مامتها ربنا يرزقكم يا حبيبتي أنا كنت برن أطمن وأعرفك إن رايحه لخالتك في إسكندريه هقعد معاها فتره كدة
إبتسمت سارة وقالت تمام يا حبيبتي وإبقي سلميلي عليها كتير
مامتها تمام يا حبيبتي هقفل معاكي علشان هقوم أجهز شنطة هدومي
قفلت سارة مع مامتها وبصت علي فارس فتحت الكاميرا وصورته وهو نايم في حضنها وماسك فيها جامد زي الطفل الصغير
أخدت ليهم كام صورة وهو نايم في حضنها من فونها ومن فونه هو كمان لغرض معين في دماغها!
خلعت الطرحه عن راسها وفردت شعرها ونامت
بعد كام جلسه 
دخل معتز الأوضة اللي فيها فارس وقال فارس أحب أقولك إن التحاليل أثبتت إنك إتعافيت تماما
فارس قام وقف وقال بجد
معتز هز راسه وهو مبتسم وقال كان عندك عزيمة كبيره ودا ساعدنا
فارس ضحك بسعادة وحضن سارة اللي كانت متقلش عنه شئ وعيطت من كتر الفرحة
فارس ساب حضڼ سارة وسجد علي الأرض وهو بيحمد ربنا والدموع نازله من عينه
معتز إبتسم وقال تقدر ترجع من بكرة بيتك يا فارس
فارس قام من علي الأرض ومسح دموعه وحضن معتز وقال شكرا يا صاحبي شكرا أوي
معتز بمرح مفيش ما بينا شكر
معتز طلع من الأوضه وسارة مسكت إيد فارس وقالت إحنا كدة كدة متوضيين علشان صلاة العشاء ف يلا نصلي ركعتين شكر لله
هز فارس راسه وهو مبتسم وصلي بيها ركعتين شكر لله وبعد ما خلص مسك إيد سارة وبدأ يسبح عليها ولما خلص باس باطن إيديها وقال تعالي ننام بحيث نقوم فايقين
قامو نامو الإتنين وفارس مبسوط علشان حياته هترجع مع ساره أحسن من الأول وسارة بتفكر في حاجة معينه!
صبااح تانيي يوم أمام العمارة 
نزل فارس من العربية والبواب بيقول حمدلله علي سلامتك يا فارس بيه حمدلله علي سلامتك يا ست هانم
فارس سلم عليه وإداله مفتاح العربيه يركنها وطلع علي شقتهم..
أول ما فتح باب الشقه إبتسم وقال براحة الحمدلله بجد الحمدلله
سارة إبتسمت ودخلت الشقه وقفل فارس الباب
قعد فارس علي الكنبه ورجع راسه لورا
قعدت جمبه سارة وقالت هتعرف بابا عبدالله ومليكة 
فارس بصلها وقال مدام الحمدلله إتعافيت يبقا بلاش نقولو علشان أكيد هيعمل مشكله إن مقولتلوش وكدة
قامت سارة من جمبو ف مسك إيديها وقال وحشني أكلك أوي يا سارة
سارة قربت وباسته من خده وقالت هدخل أغير وأعملك أحلي فطار
سابتو ودخلت غيرت هدومها وبعدها عملت فطار
فارس وهو بياكل إنتي محتاجة تنامي ولا حاجة 
سارة هزت راسها وقالت تؤتؤ مش عاوزه أنام أنا كدة فل أوي بس عاوزه أنزل أشوف مليكة علشان وحشتني
خلص فارس أكله وقال خلاص أنا كدة كدة ورايا مشوار هعملو إنزلي إقعدي مع مليكة وأنا هخلص وهاجي علشان عايز أشوف بابا ومليكة برضوا
سارة إفتكرت مكالمته مع ميرا وإستنتجت إنه رايح لميرا
قامت وراحت وقفت قدامه وشدت إيده قومته وفضلت بصاله
فارس بإستغراب فيه إيه يا سارة 
سارة قربت وحطت راسها علي صدره وحضنته جامد وعيطت
فارس حضنها ولما حس بدموعها بعدها عن حضنه وقال بقلق فيه إيه بس بټعيطي ليه منزلش وأقعد معاكي طيب !
إبتسمت سارة وقالت حسيت إن عايزه أحضنك وأعيط في حضنك بس إنزل عادي روح مشوارك خلصو وتعالي
إبتسم فارس وقال من عينيا هو أنا عندي كام سارة يعني 
بصتله بدموع وقالت إرجعلي بسرعه يا فارس علشان بتوحشني
بلع ريقه بتوتر وقال من عيوني يا قلب فارس
باس راسها وأخد المفاتيح ونزل
وهي لمت الحاجة