رواية اسيرة قلب الفارس الجزء الاول كامل من الفصل الاول الي الفصل الاخير بقلم سلمي السيد

صوتت لما لاقيت شاب واقف قدامي مبتسم وسيم جدآ و طوله حوالي ١٨٥ سم شعره أسود أوي بشرته أمحاوية كان واقف قدامي مباشرة .
_______________________________
_ خصم أسبوع لييييييييه !!!! هو الشهر فيه كام أسبوع عشان يتخصملي أسبوع ! .
أسامة و بيخبط بإيده علي المكتب جاية أربع أيام متأخرة و تلت أيام مجيتيش أصلا اهو دا الخصم يا أستاذة .
سالي بغيظ مكتوم تبآ لكم و الله شركة منها لله .
أسامة بشدة في اي يا سالي ما تخلي بالك من كلامك .
سالي بتأفف خلاص يا أستاذ أسامة حصل خير ممكن أخرج طيب و لا فيه خصم تاني .
أسامة لاء أتفضلي .

سالي خرجت من الشركة و هي هتولع من خصم الأسبوع دا روحت علي بيتها و كانت فيه حمامة طايرة فوقيها طول الطريق لكن هي مخدتش بالها الحمامة ليها سر دخلت بيتها الي عايشة فيه لوحدها و غيرت هدومها و هديت و كلت و جه وقت نومها و هي نايمة علي السرير سمعت صوت خربشة في إزاز الشباك قامت فتحت الإزاز و كانت الحمامة الي طايرة فوقيها .
سالي بلطافة و إبتسامة و مسكت الحمامة بحنان الله يا خلاثي علي جمالك أنتي بتخبطي علي شباكي ليه !!! أنتي جعانة طيب طب يا تري أنتي ذكر و لا أنثي ! شكلك حلو أوي أنتي عطشانة طيب ! طب استني .
ربطت رجل الحمامة بخيط في الشباك عشان متخرجش من الأوضة و راحت جابت أكل من أكل العصافير بتوعها دخلت الأوضة تاني لكن ملقتش الحمامة .
سالي بعقد حاجبيها اي دا طارت !!!! يا خسارة و الله كنت هحطها في قفص و أربيها .
أتنهدت و راحت ناحية السرير و قبل ما ترفع البطانية و تنام فجأة الريح أشتدت في الجو والشباك كان بيتفتح و يتقفل و سالي حست بدوخة شديدة و أغمي عليها .
صحيت بعد إغمائي بفترة معرفش أد اي بدأت أفتح عيوني ببطء و كنت مصدعة أوي و لما فتحت عيوني تماما لاقيت نفسي في أوضة كبيرة أوي اي دا لحظة !!! دي مش أوضتي الأوضة كانت ألوانها مبهجة و كبيرة جدآ و كأنها قطعة من قصر متزخرف بالفضة قومت من علي السرير مڤزوعة و ببص حواليا يمين و شمال .
سالي بخضة و بتنهج بسرعة أنا بحلم صح أيوه أيوه أنا أكيد في حلم هنام أهو و هصحي دلوقتي .
حطيت راسي علي المخدة و غمضت عيوني حوالي دقيقة لكن زي ما أنا محصلش أي تغيير !!! يالهوي أنا فين فجأة صوتت جامد أوي لما لاقيت حاجة بتطير من فوقي و كانت حمامة اي دا !!! دي نفس الحمامة الي دخلت أوضتي هو في اي مكنتش عارفة أستوعب اي الي بيحصل دا !!! فركت بإيدي في عيوني لمدة لحظات مش كتير و أول ما فتحتها رقعت بالصوت صوتت لما لاقيت شاب واقف قدامي مبتسم وسيم جدآ و طوله حوالي ١٨٥ سم شعره أسود أوي بشرته أمحاوية كان واقف قدامي مباشرة .
سالي و بترجع لورا پخوف قالت أنت مين أنت خاطفني صح أنا جيت هنا ازاي ما تنطق بقاااااا .
تميم بإبتسامة أهدي أنتي خاېفة ليه أنا مش هأذيكي .
سالي پخوف و دموع أنا فين طيب و جيت هنا ازاي أنت الي جبتني هنا و لا مين أنتو عاوزين مني اي !! .
تميم و بيقرب منها بخطوات بسيطة و قال بإبتسامة هفهمك كل حاجة بس مټخافيش مني .
سالي بړعب و عياط متقربش مني أرجوك و قولي أنت عاوز اي .
تميم بلطافة أنتي بتعيطتي ليه أنا مش عاوزك تعيطتي يا سالي مش هقرب منك أكيد بس مبحبش أشوف دموعك دي .
سالي بعياط أكتر و عصبية أنت عرفت اسمي منيين و اي مش بحب أشوفك بتعيطتي دي هو أنت تعرفني أصلا ولا أنا أعرفك !! .
تميم بإبتسامة و هدوء طيب ممكن تهدي و أنا هفهمك أنا لو عاوز أضرك كنت أذيتك من بدري أقعدي و مټخافيش و أنا هحكيلك .
سالي مسحت دموعها و بدأت تهدي و قعدت علي طرف السرير پخوف و قالت بدموع قولي طيب أنت مين .
تميم بإبتسامة أنا اسمي تميم أنا الحمامة .
سالي بعقد حاجبيها و دموع حمامة اي أنت بتألف ولا اي مش فاهمه .
تميم بإبتسامة و نظرات كلها حب أنا فعلا الحمامة الحمامة الي دخلت أوضتك و أنتي ربطتي رجليها بخيط في الشباك عشان متخرجش و أحب أرد علي سؤالك الحمامة كانت ذكر مش أنثي لإنها أنا .
سالي و أنفاسها بتتسارع بسرعة و قالت پخوف أنت عرفت إني فكرت كده ازاي أنت جن صح !!! جن أكيد دموعها نزلت و قالت أنت بتقول اي ازاي يعني ! أنت عبيط يا عم أنت ولا اي .
تميم بإبتسامة طب