قصة ابي كامله بقلم سلوي ابراهيم

انام وكل حاجه حصلت من ساعة ما خرجت من المستشفى بتعدى قدامى قد ايه طلعنا مؤذيين لمشاعر بعض نمت وصحيت على صوت خبط على الباب
ح.. حاضر حاضر
ده كله نوم ايه يابنتى ده انا جبت الفطار عشان نفطر سوى..
مرام ماتنسيش هعدى عليكى عشان اخرجكك شويه اجهزى ماشى
يالهوى انتى ازاى كده مابتعرفيش تعملى قهوه!!!وسعى كده وانا هعلمك
مرام انا جبتلك الحاجات اللي بتحبيها يلا تعالى بسرعه
لا لا لا ماتاكليش شوكولاته كتير عشان ماتتعبيش
هنخرج يعنى هنخرج يلا البسى وملكيش دعوه بالناس فاهمه ولا لا
دى كلها اوقات عدت عليا وهو موجود معايا كل شويه يهتم بالتفاصيل الصغيرة قبل الكبيره يحاول يخرجنى كتير عشان ماحسش انى مختلفه عن الناس وان وجودى معاهم شئ مش طبيعي هو فعلا قدر يخلينى ارجع اضحك زى الاول كإنى لسه مولوده من كام يوم انا فرحت بوجوده معايا حتى لو ڠصب عني حاجات كتير قدر يعملها 
مرام عايزك فى حاجة ضرورى
امم عملت مصېبه مش كده
لو على مصېبه هى مصېبه فعلا ومش اى حد هيستحملها
هى ايه دى
انتى..
انا بلمت واټصدمت وتقريبا فهمت قصده منكرش انى فرحت بكده بس كمان كنت خاېفه
بالله عليكى وافقى انا مستنى من زمان اوى
..............!!
ايه
مش....مش عارفه
لا عارفه وهتوافقى بصى بصى هتوافقى ازاى اهو اهو والله موافقه صح صح خلاص موافقه هقوم اجيب المأذون..
انا فعلا وافقت اصلى حبيته حبيته اوى بجد وحبيت وجوده معايا بدأت اعمل نفس حركاته واتكلم بنفس طريقته اتخطبنا والخطوبه كانت مجرد شهر ودلوقتي باقى اربع ايام على كتب الكتاب مش هقول مش مبسوطه لا بالعكس مبسوطه جدا جدا جدا يعنى هحتاج ايه اكتر من شخص وقف جنبى بعد ما الناس كلها كانت پتخاف منى وبتبعد عنى يمكن فرحتى كانت اكبر من انى اټصدم مره تانيه ماجاش فى بالى ايه اللى ممكن يحصل بعد كده
كنت مبسوطه اوى لدرجة انى كنت عايزه أعمله مفاجأه واروحله مكتبه وبعد كده نروح نجيب الفستان مع بعض بس لما وصلت لقيت الشيخ اللى جالى المستشفى خارج من عنده!!
انا استغربت بس قلت عادى يمكن بيبارك او حاجة ومشيت وسلمت عليه وفعلا قالى انه جه يباركلنا ويوصى احمد عليا عشان مليش حد غيره فى الدنيا من بعد بابا..
لسه كنت هدخل المكتب سمعته بيتكلم فى الموبايل
ايوه ايوه هى نفس الحقنه اللى استخدمتها لما ابوها كان فى المستشفى.....لا لا جواز ايه اعمل بس اللى قلتلك عليه واتصرف فى الموضوع ده انت دكتور وهتعرف تجيبها
الكلام خلى دماغى تلف انا مش فاهمه حاجه مش فاهمه اى حاجه هو ايه اللي بيحصل ده مشيت بسرعه وانا جوايا مليون حاجة يعنى هو اللى قتل بابا!!
وعايز يقتلنى كمان!طب ليه ليه ده كله امال عمل كل ده ليه انا مش فاهمه حاجه
ماترددتش لحظه وروحت اشتريت جهاز تصنت واليوم عدى بشكل طبيعي وكإن مفيش حاجه خالص وعديت عليه تانى يوم على أساس نشترى الحاجات وكده وبطريقة ما عرفت احط الجهاز فى مكان مش ظاهر ومشينا ولما روحت البيت فضلت مركزه مع الجهاز لحد ما سمعته بيقول
اهلااا ابو على اتفضل اتفضل
جبتلك اللى طلبته اهو اى خدمه
طب كويس ده قولى بقى هيبان عليها حاجة ولا كإنها مۏته عاديه 
لا طبعا مۏته طبيعيه جدا المهم مش كفايه قټلت ابوها وكمان عايز...
ششش اسكت الله يخربيتك لحد يسمعنا
ضحك الشخص ده واتكلم بلا مبالاه
حد مين ياعم انت هو ده معاد شغل ده لا بس البت اتضحك عليها جامد وصدقت انك مش اخوها والكلام ده
طبعا ده انا اعجبك اوى امال ايه يابنى ده انا استنيت عمرى كله عشان اللى فى بالى تيجى هى وتبوظلى كل حاجة كده..
طب قولى هتعمل ايه فهمنى
اتنهد واتكلم ببرود او حاجة مشابهه
ولا حاجة هى بس هتمضى على عقد الجواز وده اللى هى فاكراه طبعا لكن فى الحقيقة ده الورق اللى احنا عايزينه وبعدين اتصرف واديها الحقنه دى واخلص منها.
انا ماستحملتش اكتر من كده وقمت من مكانى بعصبيه وخوف وكل الاحاسيس اللى جوايا اتلخبطت كل حاجة كانت كدب مۏت ابويا وانى السبب فيه كدب دخولى المستشفى برضو كدب لانى دخلت بسبب مۏت بابا اللى ماكنتش السبب فيه حكاية انه مش
اخويا كمان كدب والشيخ اللى جالى كدب يارب يارب انا تعبت ساعدنى يارب ساعدنى يارب مليش غيرك رحت لاقرب صيدليه واشتريت سرنجه وجبت سم فران من عندنا وحطيت عليه مياه ومليتها بيه وفضلت مستنياه لما ييجى لانه فى العادى بييجى كل يوم
اول ما فتحت الباب وقفت وابتسمت ولما لف عشان يدخل ويقعد كنت ضړبته على دماغه وغاب عن الوعى ربط ايديه ورجليه وبعد فتره من المحاولات فاق 
انا عرفت كل حاجة عرفت كل حاجة عارف انا يمكن لحد دلوقتي معرفتش السبب ورا انك تعمل كل ده بس والله ماعنديش فضول اعرف انا ھقتلك ومش هدخل السچن انا هدخل المصحه تانى عارف ليه عشان انا مريضه نفسيا يعنى مجنونه بلغتكو ومفيش عليا اى حساب والقانون مابيحاسبش المجانين على تصرفاتهم
ماټ انا يمكن فعلا ماعرفتش السبب بس كل اللى عرفته كان كفيل انى يخلينى اعمل كده بالذات بعد كل اللى عشته وشفته فى حياتى وده كله بسببه بسببه هو انا حاليا دخلت المصحه تانى وبتعالج تانى راضيه عن نفسي جدا لانى اخدت حقى ولو لجأت للقانون مش هيسمع منى عشان..عشان مجنونه!
انا ماعشتش بذنب مۏت احمد ولا عشت باى ذنب انا اخدت حق ابويا وحقى انا دلوقتي بس عايشه بسلام..
تم بحمد الله...