رواية اجنحة الاحلام الفصل الثاني

٢
شرط شرط إيه!
تتجوزيني..
عارف لما تحس إن فيه حاجة كبيرة وقعت على راسك صخرة مثلا! أو قصي.. أيوه هو قصي تحس قصي وقع على راسي ربيت عليها حفظتها صم عايشتها قرأتها أو شربتها من واقع المجتمع اللي عايشين فيه في النهاية أيا كان فمش شرط تكون الأفكار دي صح جايز تكون صح.. جايز غلط جايز غلط جدا خصوصا بالنسبة لكونك رجل شرقي جدا.
معرفش يا عمار بس أهو اللي حصل..
كان باين في عيونه العصبية والڠضب وقف بعصبية وكمل
والله يا قصي مش شايفها سايبة ملهاش أخ تيجي تكلمه العلاقة بيني وبين سيا في حتة.. وإن حد يتدخل أو يكلم أختي دي حاجة تانية يعني إيه تساومها بالجواز! ليه معندهاش خير أخوها وأبوها تتمرمغ فيه أنا بس مش عايزها

كمل قصي بعصبية بسيطة
متتعشش دور الأخ الجدع يا عمار أنت جاي تفوق بعد إيه!
كمل بآسى
مش أحسن ما وقت ما أفوق تكون راحت من إيدي زي ما رفيدة راحت! كفاية لحد هنا.. أنا مش هضيع أختي من إيدي خصوصا بعد ما عرفت إن فيه ناس مش أمينة وسطنا.
رد قصي بهدوء
مش أمينة أختك تبقى بنت عمي وكلامي معاها مخرجش عن ده فأقفل الموضوع علشان منخسرش بعض.
كمل التاني بلا مبالاة وهو سايب المكتب
ولا نخسر بناقص واحد.
خرج من المكتب ولأول مرة يحس بأنه تايه تايه علشان حاسس إنه سبب وصول أخته لهنا سبب كونه حب يستغل ده حتى لو بان قاسې.. ولكن كلام الشخص اللي قدامك قادر يحرك جواك چرح حاولت سنين تقفله خرج السلسلة من جيبه وبصلها بحزن وهو بيفتكر..
دي ليا أنا يا عمار
ابتسم بحب
أمال لمين يا روفي!
ضحكت بخفة
أنا في قمة سعادتي عارف! هفضل طول عمري ممتنة لليوم اللي بابا وعمو كانوا أخوات فيه.. بس لو كنتوا طيبين حبة.
ضيق حاجبه وكمل
طيبين ازاي يعني
بتسيبونا نحلم ونحقق يا عمار.
أتنهد بهدوء وأتعدل في قعدته
الناس كلها من حقها تحلم بس أحنا عارفين أكتر منكم نظرتكم ضيقة يا رفيدة شايفين الدنيا من إتجاه واحد ومش هتقدروا تتعاملوا مع العالم الخارجي أحنا مش بنكسركم.. أحنا خايفين عليكم.
الخۏف على حد مش بيخلي الناس تكسر اللي قدامها.
كمل وهو بيحاول يبعد التهمة عنه
أنت وسيا ابرأ من إننا نخليكم تواجهوا العالم لوحدكم يا رفيدة.
محدش اشتكالكم يا عمار.
أخد نفسه بعصبية
أنت ليه غاوية نوصل لنقطة تخلينا فيها وحشين.
مقولتش كده بس بحاول أفهمك إن فعلا محدش فينا يستحق يتكسر جناحاته.
مسح دمعة نزلت من عيونه بسرعة وكمل
ياريتني كنت سبتكم تطيروا يا رفيدة مكنش زمانك تحت التراب دلوقتي.
متقولش ياريت..
بص جنبه پصدمة كان شاب قريب من سنه ابتسم وكمل بهدوء
لأ بجد متقولش ياريت..