رواية شجن الفصل 15

كل اللي حواليه بيقلوله إوعي تروح هناك كده في بوبع وهو خلاص كبر أمير وإقتنع إن الأوضه دي أكنها مش موجوده في البيت ومحدش بيجي ناحيتها بس ياترى مين اللي واقف عندها هناك دا! وبدأ أمير يقرب من الأوضة واحده واحده لكن مرة واحده لقى باب الأوضه المهجورة بيتهزر وكأن حد جواه وهيفتحه!!!! شجن مسكت جامد في أمير وأمير وقف مكانه من الصدمه ولما ركز شويه لأن الجو كان ضلمه جدا لقى قفل الباب مش موجود المره دي وعرف إن حد فعلا شال القفل وهو اللي جوا وقرر يرجع يستخبي يشوف إي هيحصل عشان شجن معاه وميحصلهاش حاجه لو قرب وإتهور وقرر يستنى يشوف مين الراجل اللي لابس قناع دا ومين اللي بيخبط جوا في الباب وهيخرج مع أن قفل الباب دا مش موجود مع حد نهائي لأن من زمان جدا ولو موجود هيكون موجود مع أهل البيت فقط وحارس الجنينه الله يرحمه.
والصدمة لما أمير وقف لقى ماهر هو اللي خارج من الأوضة المهجورة!!!!.
أمير وهو متعجب ومصډوم بابا!! 
شجن إتفجئت لكن مش اوي زي أمير وسحبت أمير ناحيتها وقالتله هووووس بس يا أمير إستنى نشوف مين دا إستنى مش قولتلك قبل كده أن عمو كانت رجله فيها طين لما سمعنا صوت قبل كده في الجنينه في نفس الوقت وهو نكر إن خرج !! إستنى بقا نشوف في أي! 
أمير وهو بيحاول يكدب عنيه ومش عارف يتصرف ولا يعني حاجه وحاسس إن أعضاؤه كلها إنشلت ومش قادر يستوعب حاجه لكن فجأة لقوا الراجل المقنع بيرفع القناع من على وشه والصدمه إن طلع علي هو الراجل المقنع اللي واقف!!!!!..
أمير وشجن مصډومين من اللي قدامهم وبيحاولوا يكدبوا عنيهم لكن مضطرين يقفوا ويشوفوا إي هيحصل.
لكن أمير مره واحده افتكر وقال شجن أنا كانت مجدي وقولتلك يجيب قوة على البيت ودلوقتي لو القوة جات مش هنلحق نعرف حاجه وممكن كده يتهموا والدي وهو يطلع برئ.
شجن وهي كلها حزن على أمير اللي جواه حب وإمتنان لماهر اللي مفكره والده رغم إنه شخص إستغلالي واخد أملاك غادة وهو ميكونش أبوه ولا غادة أمه وأمه تكون سعاد وأبوه ظابط في الجيش وأستشهد وهو صغير لكن حركت إيدها عليه بحب وقربت منه وبصت في عيونه وقالت متقلقش يا أمير ربنا مبيظلمش حد ولا بيأكل حق حد مهما كان ولو على القوة إبعت رساله لمجدي وعمال التلفون صامت عشان لو رن مره واحده ماهر وعلي ميسمعوش حاجة.
أمير بعت رساله لمجدي قاله إتأخر شويه وخليك ومتتدخلش البيت غير
لما أبعتلك رسالة ومتملوش صوت ومرة واحده لقوا علي بيقول ل ماهر..
علي أنت تتصرف وتخليهم يتنازلوا عن القضيه دي أنا مش هروح فيها لوحدي انت عاوز
تلبسين الليله ولا إي يا كبير!!.
ماهر بس هدي صوتك أنا هحاول أتصرف وبعدين هو حد قالك تتصرف من دماغك ولا تتهجم عليها! إحنا قولنا إنك هتخطفها ومش هتكشف عن هويتك ولما أمير يجي ينقذها هنموته ولا مين شاف ولا مين دري وأنا كده كده غادة كتبتلي نصف الأملاك ليا والنص التاني لأمير عشان كده كنت عاوز اخلص عليه عشان اخد كل حاجه لما يغور وأنت بعدها تحاول تلف على شجن وتعمل فيها إنك إتغيرت وتكسب قلبها وتتجوزها.
أمير وشجن واقفين يسمعوا الكلام أكنهم في حلم ومش قادرين يصدقوا كمية الغل وأمير مش مستوعب ازاى أبوه عاوز يعمل فيه كده !!!! .
علي أنا مش عارفه لو عندي أب زيك كنت المفروض أدفن نفسي بالحياة يجدع Sorry أب زووووور... هههههههههه.
أمير واقف مش قادر يستوعب الكلام اللي بيسمعه وبيقول لشحن إزاي كده !! ماهر مش أبويا!! طيب وغادة هي كمان مش أمي أنا مش فاهم حاجه !! هو إل واقف هناك دا ماهر والدي ولا مين يا شجن أنا حاسس إن انا في حلم يا شجن..
شجن ضمت أمير ناحيتها وقالته عارفه أن الكلام اللي بنسمعه صعب بس خلينا نسمع للأخر ونفهم كل حاجة إهدي بس عشان كل حاجة غامضة تتحل يا حبيبي أنا جنبك يا أميري.
الجزء ال 15....يتبع......
الڪاتبة_آية_أحمد_أبوداعوس
_𝓐𝓨𝓐_𝓐𝓗𝓜𝓔𝓓
____الڪاتبة_آية_أحمد_أبوداعوس_______
يا ترى إي هيحصل تاني وإي لسه مستخبيه 
لسه باقي بارت 15