رواية امل حياتي الفصل الاول والثاني والثالث والرابع بقلم ندأ

عامل اي
الشاب بخير ي روحي قوليلي حصل جديد
هيام عيب عليك واقع زي الجردل
الشاب وقالك هيعمل اي
هيام هيتجوزني مش قادر يبعد عني خلاص قال انه هيخليني الزوجة الاولي في حياته
الشاب مسكين اوي ميعرفش ان اللي ھيموت عليها دي هي هتكون السبب في دماره
هيام سيبه كدة علي عماه لحد ما ناخد اللي احنا عاوزينه وبعدها نهرب انا وانت
الشاب اكيد ي حبيبتي بس انا لازم اشوفك عشان نتفق علي بقيت الخطة
هيام اوك هجيلك بكرة يلا تصبح علي خير
الشاب وانتي من اهلي ي حبيبتي
قفلت هيام المكالمة وهي بتبتسم بحب ظاهر وبعدها دخلت بيتها وهي بتفكر في الخطوة الجاية
في القصر كان لسة ايهم داخل ومكنش في حد خالص عرف انهم اكيد ناموا طلع علي اوضته اللي في نفس طابق اوضة امل عدي علي اوضتها بس مهتمش كان لسة هيمشي سمع صوت ضحكة وامل بتتكلم مع حد
امل وانت كمان وحشتني اوي مش ناوي تيجي واللا اي انا عاوزة اشوفك....لا مش هتطلع بحجة تاني لازم تيجي....هو كل حاجة مشغول يعني معندكش يوم اجازة تقضيه مع امل حبيبتك....خلاص وعد اول ما تيجي تتصل عليا وانا هجيلك....وانت من اهل الخير ي حبيبي
دخل ايهم عليها فجأة وهي اڼصدمت اول ما شافته واستغربت من طريقة دخوله اوضتها
امل ايهم انت بتعمل اي هنا
ايهم انتي بتكلمي مين
امل وانت مالك اتفضل يلا اطلع برة
ايهم انطقي وقولي كنتي بتكلمي مين احسنلك
امل دا حبيبي
الفصل الثاني
امل حياتي
بقلمي الكاتبة ندا
ايهم انتي اټجننتي قولي مين اللي كنتي بتكلميه
كان بيتكلم پغضب وهو ماسكها من ذراعها وبيشدها ناحيته اكتر مع كل كلمة بيقولها
امل سيب ايدي وابعد عني واوعي تتخطي حدودك معايا
ايهم مش هسيبك الا لما اعرف انتي كنتي بتكلمي مين بالرقة دي والحب دا كله
امل حبيبي
كانت بتتكلم وبتشد علي كل حرف بيطلع منها وكانها بتقوله مش انت لوحدك اللي مش عاوزني ودي كانت طريقة ترجع بيها كرامتها
ايهم ولما انتي عندك حبيب وافقتي علي جوازنا ليه من الاول
امل وانت مالك انت هتحاسبني مزاجي كدة وبعدين انا لما وافقت وافقت عشان عمي مش علشان جمال عيونك
ايهم امل انتي بتستفزيني وكلامك بيعصبني وانتي عارفة عصبيتي بتكون ازاي فاتقي شړي وحاولي تبعدي عني علي قد ما تقدري ومتظهريش قدامي لوقت ما التمثيلية دي تنتهي
امل والله الكلام دا انا اللي اقوله ولو سمحت متحاولش تقرب مني تاني وسيب ايدي واطلع برة اوضتي
ايهم ماشي انا هطلع من الاوضة بس وربي ي امل لو سمعتك بتكلمي حد تاني لهندمك علي اليوم اللي اتولدتي فيه
امل متتدخلش في اي حاجة تخصني اكلم واحد اكلم اتنين دي حياتي انا وانا اللي اقرر اللي اعمله
ايهم انا بعمل دا عشان اسمي لما سيادتك علي اساس خطيبتي وهتشيلي اسمي وماشية مع كل واحد شوية دا هيأثر علي اسم العيلة
امل يعني انت شايفني كدة تمام شكرا ليك بجد ودلوقتي لو سمحت اتفضل امشي
ايهم انا مكنتش
امل كلامك كله وصلني ومتقلقش ي استاذ ايهم اسم العيلة انا هعرف احافظ عليه ومش مضطر تقولي كدة
خرج ايهم وهو حاسس بالذنب من كلامه لها هو مكنش يقصد يزعلها ويقولها كدة بس لما سمعها بتقول حبيبي اتعصب
امل كانت قاعدة علي السرير ودموعها بتنزل من الحزن والقهر بسبب كلامه وكل اللي بتفكر فيه هو ازاي شايفها كدة للدرجة دي مش واثق فيها وشايفها وحشة هي كانت بتكلم ابن خالتها ودا طفل صغير بس حبت تعصبه شوية ومكنتش تعرف انه بيفكر فيها