اسكريبت طريقى كامل بقلم رغدة

هتفضل بقلبها
الايام بتعدي وأقل من شهر مامت هدى ماټت فجأة وكان اخر كلامها اسم بنتها المتغربه عنها وكان نفسها تشوفها وتودعها بس مكانش في نصيب واللي مكتوب عالجبين لازم تشوفه العين
هدى تعبت اوي وسافرت بس لما وصلت كانت مامتها اتدفنت وده أثر على هدى اكتر ونفسيتها تعبت اكتر ولعنت الغربة والساعة اللي فضلت البعاد عن أهلها وزاد عليها تعب الحمل
سامي كان حنين اوي وحاول كتير يخفف عنها ويحتويها ويعوضها عن ۏفاة مامتها بس هو ميعرفش ان الام متتعوضش حتى لو شعلت اصابعك العشرة وكنت مارد بتلبي كل أحلامها
عارفين ليه عشان بمۏت الام باب من أبواب الجنه بيتقفل بوشك و اللي كانت دايما ترضى عنك وترفع ايديها وتدعيلك اللي كانت الجنه تحت رجليها خلاص مبقتش موجوده
عدت شهور الحمل وكان الحزن مخيم على هدى وجه اول مولود ليهم وقد ما كانوا فرحانين كانت فرحة هدى ناقصة وهي بتفكر لو كانت بين أهلها وأخواتها كانوا جم وساعدوها بابنها وكانت فرحت بلمتهم حواليها وشافت فرحتها فيها وبابنها 
وافتكرت مامتها قد ايه كانت بتفرح بعيال اخواتها وبتدللهم وتدلعهم
وقبل ما يبقى عمر الواد ست شهور كانت حملت باللي بعده والمسؤوليه كبرت والسنين جريت منها والعيل والتنين بقوا اربعه وهي لسا بتستنى بشهر العسل وبتستنى أحلامها تتحقق
والجديد بقا ان أحلامها اتغيرت وبدل الخروج والفسح بقت تحلم تنام براحه ويعدي اليوم من غير مشاكل وحوارات مع جوزها و عيالها
سامي انت مش متحمل مسؤولية عيالك حرام عليك ساعدني فيهم
مش متحمل ازاي يعني اومال مين اللي بيطلع من الفجر للمغرب وهو بيشتغل ويتعب عشان يجيبلك القرش
هو انت بتجيب الفلوس ليا انا
اومال لمين مش بتتصرف عليكي انتي وعيالك
ايوة دلوقت بقوا عيالي انا انت كل ما نتخانق تقول الكلمتين دول ولا كأنك بتتهمني اني سارقه تعبك وشقاك
لا مش سارقاه بس مخلصه عليه اول بأول اهو بقالي سنين متغرب وبشتغل قوليلي شلنا للزمن ايه وعملنا ايه
وانا ذنبي ايه مش انت اللي كنت رافض اي وسيلة منع حمل و تقول العيال عزوة وكل عيل بييجي ييجي رزقه معاه
وانا ما انكرتش بس حضرتك عملتي ايه فين اهتمامك ببيتك وعيالك ومذاكرتهم ولا بتستني اشتغل برا وجوا
انت ليه محسسني ان كل وظيفتك هي انك تجيب فلوس
اومال ايه طب عندي فكرة ايه رايك اقعد بالبيت اشتغل واذاكر واهتم بالعيال وتروحي حضرتك تشتغلي وتجيبي فلوس
انت بتذلني يا سامي عشان مش بشتغل
لا بذلك ولا بهينك بس بصي للستات التانية عاملين ايه وازاي بيهتموا بجوازتهم وعيالهم وبيتهم مش طول الوقت ماسكين الفون وبيقروا قصص وروايات زي حضرتك
رجعنا من تاني للقصص احنا مش كنا قفلنا الموضوع ده
لا يا هانم متقفلش وهو ده موضوعنا الأساسي اهمالك و خړاب بيتك بسبب الحاجات اللي بتقريها
ومش شاغل بالك غيرها ولمالي عند أصدقاء من كل مكان قال ايه صحاب سوشيال ميديا
انت ايه اللي مش عاجبك بالروايات ولا بصحابي ما هما بنات وستات بيوت زيي
وانا ايش ضمني انهم ستات ده اولا وتانيا وقتك اللي انتي بتديه لاصحابك انا وولادي أولى فيه وعشان كده هتقطعي علاقتك بيهم ومش عاوز اشوف الفون بايدك
بص يا سامي انا مش هسمح لكل الكلام ده من جديد انا لا بخرج ولا بعرف حد في ام المخروبة دي لا بشيلك هم مناسبات ولا زيارات ولا بحكم عليك تقعد في الأوضة عشان عندي ضيوف يبقى تحمد ربنا وتشيل الموضوع ده من دماغك خالص
يبقى تختاري يا انا يا هما ......
سكتت ومن جواها اتوجعت هنا حست ان الدنيا ضاقت بيها و ان جوزها اللي المفروض يكون نصها التاني وفاهمها بيخيرها بينه وبين روحها اللي دابت سنه ورا سنه من الوحده
دموعها مكانتش بعيونها ولا نزلت على وشها دموعها كانت بتنزل من قلبها وخدت قرارين مش واحد
الاول كان علني واللي اختارت فيه جوزها وبيتها وولادها عشان محدش يقول في يوم من الايام انها خربت بيتها ومشيت ورا دماغها وان صحابها خربوا بيتها وعشان ولادها محدش يعايرهم بامهم المطلقه
والتاني كان قرار بسرها ليها لوحدها وهي انها تكمل حياتها مع صحابها بالسر بقت تتواصل بالسرقه وصحابها اللي اتهمها انهم خړاب بيتها كانوا اهل وسند وهما اللي كانوا مصبرينها على مصابها وتعبها ووحدتها وخنقتها اللي كانت ھتموت منها
تمت
ودلوقتي عاوزة اعرف رأي كل ست لو كانت مكانها كانت هتعمل ايه