رواية اخى الفصل العاشر بقلم أروى عادل

رواية_أحببت_اخى
الكاتبة_أروى_عادل
الفصل_العاشر
ملك ٠٠ قاعدة انتى هنا ولا على بالك حاجه . حتى تليفونك مقفول
آيلا ٠٠ فى ايه .ايه إللى حصل لده كله
ملك٠٠فى کاړثة و كلنا هنروح فيها. أحنا خلاص ضعنا
إيلا٠٠ أبوس ايدك اتكلمى على طول . انا أعصابى خلاص معدتش مستحمله
ملك ٠٠ من غير ما أتكلم خدى شوفى بنفسك
إيلا ٠٠ ايه ده 
ملك ٠٠ فيديو اتبعت لينا كلنا انا و رقية ميرنا وأكيد كمان ليكى بس انتى قفله تليفونك
أخذت إيلا تليفون ملك كانت الصدمة التى هزت لها كيان إيلا عندما رأت فيديو ليها هو 
و أصدقائها و هم بجوار چثة معاذ

كانت إيلا تنظر إلى الفيديو بړعب و كأنها لأول مره بتشوف هذا المشهد 
هنا بدأت الدنيا تسود أمامها شئ فشئ حتى أصبح الظلام هو سيد المكان 
هنا سقطت إيلا مغشى عليها
بينما صړخت ملك هى تنادى على صديقتها المغشى عليها
وعندما سمعت باقى الأسرة صړاخ ملك ركضوا مسرعين ليعلموا ما يحدث
صړخت أميرة عندما رأت إيلا ملقيه على الأرض فاقدة الوعى
بينما أسرع إليها سيف و حملها من على الأرض و وضعها على الفراش و سأل ملك
سيف ٠٠ ايه إللى حصل
ملك ٠٠ معرفش هى وقعت فجأه
أميرة ٠٠ إيلا ردى عليا . إيلا . إيلا
يحيى ٠٠ أنا اتصلت بالدكتور .و هو جاى حالآ
سيف ٠٠ ملك طيب انتى قولتلها ايه خلها يغمى عليها
سكتت ملك لذلك قال سيف
سيف ٠٠ ملك ردى ايه إللى حصل .. انتى كنتى جاى و شكلك متوتره . اكيد فى حاجة حصلت او قولتها حاجة
لما ترد ملك على سيف بل جلست فى الأرض تبكى بهستريا
أميرة ٠٠ فى أيه فهمينا يا بنتى 
يحيى ٠٠ سيبوها انتم مش شايفين حالتها
هنا جاء الطبيب الذى كان يسكن بجوارهم
وبعد الكشف على آيلا 
سأل سيف الطبيب خارج الغرفة
سيف ٠٠ خير يا دكتور إيلا مالها
الدكتور ٠٠ دى حالة هبوط حاد فى الدورة الدموية 
يحيى ٠٠ ده من أيه يا دكتور
الدكتور ٠٠ ده بيكون نتيجة كذا حاجة من الوضح ان آيلا بقالها فترة مابتكلش كويس.. ده غير ضغطها المنخفض ممكن كمان الحالة النفسيه مش فى احسن حالتها.. على العموم انا علقت ليها محلول . بس لازم نتابع الضغط بتاعها لحد ما يتظبط
سيف ٠٠ هى هتكون كويسة يا دكتور
الدكتور ٠٠ ان شاء الله بعد المحلول هتبقى كويسه بس هتكون دايخه شويه و عندها شعور بالغثيان بس لازم يومين راحه تامة .. انا هاجى أشوفها بكرة
يحيى ٠٠ متشكر يا دكتور
الدكتور ٠٠ على ايه يا يحيى بيه ده واجبنا
بعد ما غادر الدكتور
قال سيف بعصبية
سيف ٠٠ سعاد .سعاد
سعاد٠٠ نعم يا سيف بيه 
سيف ٠٠ أنتى بقالك يومين بتقولى انها بتاكل فى أوضتها 
سعاد٠٠ انا بجيبلها الاكل بس هى بترجع الاكل زى ماهو بتقول. ماليش نفس
سيف ٠٠ ماقولتيش ليه
سعاد ٠٠ هى قالتى انها هتنزل تأكل لما تجوع. انا افتكرت انها بتنزل تاكل عادى زى ما بتعمل على طول
يحيى ٠٠ طيب خلاص روحى انتى..
دخل سيف و يحيى الغرفة وقال يحيى
يحيى ٠٠ الف سلامة عليكى يا حبيبتى .
بصوت واطى يكاد يكون مسموع
إيلا ٠٠ الله يسلمك يا بابا
أميرة ٠٠ كده يا إيلا تخضينا عليكى 
سيف٠٠ أكيد كانت عايزه تشوف هى غاليه علينا أد أيه 
إيلا ٠٠ والله أبدآ .. انا اسفه انى قلقتكم
سيف ٠٠ طيب هو ايه إللى حصل
إيلا ٠٠ مافيش حاجة انا الحمد الله كويسه
ملك ٠٠ أنا أسفه يا إيلا انا السبب
سيف ٠٠ السبب ازاى يعنى
قبل أن تجيب ملك ردت آيلا كاذبه
إيلا ٠٠ قصدها أنى اټخضيت لما ملك دخلت