رواية احببته رغم كبريائي الفصل الاول والثاني بقلم مريم احمد
انت في الصفحة 1 من 3 صفحات
الأنسة الي بتتكلم ورا اتفضلي اطلعي بره
بصت حواليها تتأكد اذا كان الكلام ليها ولا لحد غيرها
اتكلمت اخيرا لما لاحظت ان الكلام ليها و هي بتسأل و بتقول
حبيبه انا يا دكتور
رد عليها بكل ضيق و ڠضب هو بيقولها
مروان ايوا و اتفضلي بره متعطليش المحاضرة اكتر من كدا
شالت الدفتر ف الشنطة و خدت شنطتها و مشيت كل دا تحت انظار الكل الي كانوا مستغربين جدا
مروان نرجع نكمل المحاضرة تاني
و بدأ يكمل شرحه بعد م لاقى الكل رجع ركز تاني
بصت كارولين لمايفن بمعنى انهم السبب و مايفن زعلت جدا عشان حبيبه
استغفر الله العظيم و اتوب اليه عدد خلقه و رضا نفسه و زنة عرشه و مداد كلماته
بعد م خرجت من المدرج راحت على كافيتيرا الجامعة الي كانت يعتبر فاضية مفهاش ناس كتير
فضلت بتدون حاجات ف النوته الصغيره بتاعتها من مهام المفروض انها هتخلصها انهارده
عدا وقت و بصت ف ساعة ايدها لاقيتها 2 و نص اتخضت و شالت النوته و مشيت و هي بتكتب رساله لكارولين و بتقولها
حبيبه كارولين انا همشي عشان متأخرش على الشغل ابقي عدي عليا المحاضرة انتي او مايفن
كانت مركزه ف الشرح لحد م سمعت صوت تليفونها بيعلن عن وصول رساله
بصت ف التليفون بحذر عشان مروان ميشوفهاش و يطردها من المحاضرة هي كمان
و اتفاجئت لما لاقت رسالة حبيبه
كتبتلها بسرعه و هي بتقولها
بعتت الرساله و سابت التليفون بسرعه و مايفين لاحظت دا و بصتلها و هي بتهز دماغها بمعنى في ايه
اتكلمت كارولين بصوت واطي و هي بتقول
كارولين حبيبه مشيت
هزت راسها بمعنى ماشي و كإنها متعوده على كدا اتكلمت كارولين و هي بتقولها برضو بنفس نبرة صوتها عشان مروان ميسمعهاش
هزت مايفين راسها يمين و شمال بمعنى معرفش
اللهم صل و سلم و بارك على سيدنا محمد و على اله و صحبه و سلم عدد خلقه و رضا نفسه و زنة عرشه و مداد كلماته
كانت بتكلم مامتها ف التليفون بعد م ركبت تاكسي عشان يوصلها لحد المطعم
حبيبه انا رايحه المطعم اهو و ان شاء الله على الساعه تسعه كدا هبقى ف البيت
حنان انتي مش لسه عندك محضرتين
هزت حبيبه راسها بتأكيد و قالتلها
حبيبه كارولين هتعدي عليا المحاضره هذاكرها و خلاص
هزت حنان راسها بقلة حيلة و هي بتقولها
حنان طيب
