رواية اخى الفصل 22 بقلم أروى عادل
انت في الصفحة 1 من 5 صفحات
رواية اخي
الكاتبة_أروى_عادل
الفصل_الثاني_والعشرون
سيف ٠٠لأ شريف أذكى من أنه يودى نفسه فى داهيه و يلعب فى مسرح چريمة عشان خاطر بنت ماشى معاها ٠ لأ البنت دى تخص شريف أوى كمان
جاسر ٠٠ ممكن تكون أخته
سيف ٠٠ اخته كانت معاه لم جه يتقدم لإيلا لو هى كانت إيلا عرفتها
جاسر ٠٠ هو عنده أخت واحده
سيف٠٠ لأ عنده أخت تانيه بس دى مسافره
جاسر ٠٠ بنت عمه بنت عمته بنت خاله او خالته٠ ممكن تكون أي واحده فيهم ..
انا هعمل كشف بجميع البنات فى عايلة شريف خصوصآ إللى فى نفس السن إللى قالت عليه أيلا
سيف ٠٠ من غير ما تعمل كشف بجميع البنات اللى فى عايلة شريف ممكن تعرف من حساب الفيس بتاع شريف أو من حساب أخته أكيد موجود عندهم جميع بنات عايلتهم
سيف ٠٠ مافيش خصوصية مع إيلا . خلينى مره استفاد منها فى الموضوع ده
جاسر ٠٠ أه تقصد إيلا تخترق حساب شريف و أخته
سيف ٠٠ كده فهمتنى ..
جاسر ٠٠ تمام .. يالا انا أدخل رامى
سيف٠٠ لا هات صاحب شركة كاميرات المراقبة
بعد ما دخل صاحب الشركة و الفنى الذى قامه بتركيب الكاميرات بقلم أروى عادل
صاحب الشركة ٠٠ ممكن أعرف احنا ليه هنا
جاسر٠٠ احنا عرفنا أن شركتك ركبت كاميرات فى عوامة شريف الجبرى
صاحب الشركة ٠٠حصل احنا ركبنا كاميرات فى العوامة .
جاسر ٠٠ أمتى الكاميرات دى اتركبت
صاحب الشركة ٠٠ من حوالى ست شهور
سيف ٠٠ مين إللى طلب منك تركيب الكاميرات
صاحب الشركة ٠٠ هو إللى اتصل بيا قالى انه عايز يركب كاميرات فى العوامة انا مشوفتهوش شخصيآ و بصراحة مش فاكر أسمه كمان
صاحب الشركة ٠٠ طبعآ انا جبت الفاتورة معايا لم عرفت انى مطلوب التحقيق معايا بخصوص بالكاميرات إللى اتركبت فى العوامة
جاسر ٠٠ تمام هات الفاتورة
اتصدمه سيف و جاسر عندما رأوا الفاتورة لأنها كانت باسم معاذ
سيف ٠٠ أنت متأكد أن اللى طلب تركيب الكاميرات هو معاذ
جاسر ٠٠ تمام .. انت إللى ركبت الكاميرات
الفنى ٠٠ أيوه يا باشا
سيف ٠٠ ركبت الكاميرات فين بالظبط فى العوامة
الفنى ٠٠ فى كل حته فى العوامة ماعدا المطبخ و الحمام
جاسر ٠٠ حتى أوض النوم
الفنى ٠٠ أه كمان ركبت فى أوض النوم
الفنى ٠٠ انا فى المجال ده شوفت ناس بتطلب تركيب كاميرات فى أماكن غريبة. عشان كده مابقتش بأستغراب
سيف ٠٠ يوم ما ركبت الكاميرات كان مين إللى موجود فى العوامة
الفنى٠٠ كان معاذ
