رواية غدر القلوب الفصل الأول والثاني بقلم عادل الصعيدي

يروح فيها الفيلا ..
عادل مش عارف بصراحه . لاني مش عارف عز كان بيروح الفيلا من اي طريق
الضابط طيب . هو عز بيه مالوش اعداء بالشركه او بالخارج مع شركات تاني
عادل بشئ من الضيق بصراحه مفيش . عز اخويا كان كويس مع الناس كلها وأصحاب الشركات بيحبوا يتعاملوا معاه ..
الضابط اخر سوال . حضرتك بتشتغل مع عز من زمان والا فتره صغيره
عادل حس بتوتر وقلق وبأن علي ملامحه حضرتك تقصد ايه
الضابط مفيش حاجه يا عادل بيه . مجرد سوال!
عادل بضيق لا من زمان يا باشا. واظن دي اخويا يعني الشركات دي ملكنا ...
الضابط قام من مكانه معلش يا عادل بيه . انا اسف عطلتك عن شغلك
خرج الضابط واتنفس عادل الصعداء وكأنه كابوس نزل علي رقبته وبيخنقه وقدر يزيحه عنه واخد نفس عميق براحه للجسم ..
عادل طلع من مكتبه وبلغ السكرتير انه مروح الفيلا ...
عادل وصل الفيلا وطلع عند ياسمين مرات عز 
خبط ودخل الاوضه عندها وكان جايب لعبة أطفال معاه ل ياره
ياره شافت عادل جريت عليه وحضنته عمو عادل عموا عادل 
عادل حضڼ ياره وعطاه اللعبه شوفتي يا حبيبتي جبتلك ايه !!!
ياره الله حلوه يا عموا 
اخدت اللعبه من عادل يلا يا حبيبتي انزلي تحت اللعبي مع الداده تهاني مستنياكي تحت
ياره بفرح حاضر يا عموا
نزلت ياره وياسمين كانت قاعده علي كرسي وفاتحه شباك اوضتها علي حديقة الفيلا 
قرب منها عادل بهدوء 
ايه يا ياسمين مش عايزه تنزلي تحت ليه
ياسمين بنبره فيها حزن معلش يا عادل مضايقه شويه
عادل بنبره فيها غزل توتو مينفعش القمر دي يبقي مضايق وانا هنا
ياسمين بصتله بنظره فيها استغراب وعايزني اعمل يا عادل . حسه اني بقيت لوحدي في الدنيا دي . عز مالي عليا حياتي
عادل بسخريه معلش . دي حكمت ربنا وكل واحد فينا ليه يوم ..
ياسمين بتنهيده طويله وكأنها حاسه عادل عايز يقول حاجه وبيلف ويدور ونعم بالله . ربنا يسترها من الا جاي
عادل بنبره هاديه فيها استعطاف
يا تري وصلتي لفين في التفكير
ياسمين فهمت عادل عايز ايه وبتحاول تهرب من الموضوع مش عارفه افكر بحاجه الحاله الا انا فيها ومخلياني مش قادره افكر ..
عادل بضيق ياسمين انتي عارفه بقصد ايه . يعني لف ودوران مش عايز . وياريت اعرف ردك علي الموضوع الا فاتحتك فيه ايه !!
ياسمين بهدوء عادل انت عارف انه مينفعش الكلام في الموضوع دي دلوقتي . ياريت لو سمحت ناجل الكلام فيه لبعدين ..
عادل پغضب اسمعي يا ياسمين . انا مش هصبر كتير . هما يومين وبعدها ليا تصرف تاني فاهمه ..
طلع عادل من اوضتها وخبط الباب جامد هو وخارج
نزل لتحت وشافته رانيا مراته وقرب منها 
رانيا كنت عندها بتعمل اي يا عادل
عادل بنرفزه مش ناقصاكي انتي كمان
رانيا بضيق يبقي مصر علي في دماغك يا عادل
عادل بتكشيره ايوه طبعا . عندك مانع . انا سبق وقلتلك. الا فيها تصدقي متصدقيش دي حاجه ترجعلك
رانيا بتعوج بوقها وبتكشر ماشي يا عادل بيه . بس يكون في علمك لو خليت بيا ! مش هيحصل غير فاهم
عادل كان مبتسم وفجاه كشړ يعني ايه !!
رانيا غيرت ملامح وشها وبقيت هاديه وبنبره فيها دلع وحنيه مش حاجه يا حبيبي بس تهون عليك حبيبتك ريري تسيبها وتروح لغيرها . اهون عليك يا دولتي ..
عادل بصلها بنظرة لا متهونيش. اطلعي وجايلك
ابتسمت رانيا وبصتله بدلع حاضر يا قلبي . مستنياك متتاخرش..
تتبع....
الكاتب عادل الصعيدي