رواية اخرجتنى من الظلام الفصل الثامن بقلم ريتاج محمد

ومرة واحدة برقتله وهي بتقول ببسمه هو انت حلو كدة ازاي 
الياس بصلها پصدمه
فرح طب وديني الملاهي 
ومسكت فدراعه وهو بيسوق
الياس وهو بيحاول يزقها بعيد عنه
بأيد والايد التانيه بيسوق ابعدي ياستي قال ملاهي قال ابعدي كدة متبقيش عامله زي القرادة 
فرح مسابتوش وفضلت ماسكه فيه وسندت راسها على كتفه وهي بتقول عايزة انام 

الياس ياستي متنامي هو حد قالك متناميش
بس بعيد عني 
فرح مسكت فيه اكتر ونامت 
على كتفه 
الياس بصلها وقال بتأفأف هفففففف طب دي كدة هتنام فين دي 
دي حتى مقالتش على اسم الاوتيل 
ياربييي 
وكمل سواقه وهو بيفكر ياخدها معاه البيت بس يخليها مع اخته 
لأن اكيد مش هينيمها في الشارع
مليكه خدت نفس عميق وهي بتهدي نفسها متتعصبيش 
يامليكه الموضوع مش مستاهل 
وخدت نفسها وطلعت على اوضه غيث وخبطت عالباب جامد 
غيث كان راح فالنوم قام بانزعاج فتحلها الباب وهو بيقول بانزعاج هو انتي عايزة ايه
مليكه مركزتش اوي فشكله فرقته ودخلت وهي بتقول انت ازاي متحجزليش اوضة يالي معندكش ډم 
لا ونايم عادي ولا كأن في أي حاجه 
غيث فرك وشه بايدة وقال بهمس مش هنخلص انهاردة 
وكمل بصوت عالى سؤال بس هو سؤال
انتي حد كان قالك اني خلفتك ونسيتك
انتي بتجيلي انا ليه 
مليكه بتكبر عشان العشرة الي كانت مابينا 
وان انا طليقتك
غيث بضحك عشرة ايه دي الي قعدت يومين 
وكانوا انيل يومين عيشتهم في حياتي 
وبعدين انتي لسه قايله اهو ان انا طليقتك
يعني والله مش مراتي وانا مش عارف 
مليكه بشړ ايوة يعني خلاصه الحوار انت هتحجزلي اوضة ولا لا 
غيث راح جاب التيشرت ولبسه وهو بيقول انجري قدامي 
على الله نخلص في ام اليوم الي مش باينله لا بداية ولا نهاية دا 
ونزل معاها وحجزلها اوضة ووصلها لحد هناك وكانت جنب اوضته 
قال بسخرية اديني حجزتهالك اسبوع اتمنى ملمحش خلقتك فوشي بعد كدة 
وجه يمشي 
مليكه بهدوء شكرا 
غيث لف ببسمهوقال العفو 
مليكه بقرف لا منا مش بقولك عشان تحس نفسك عملت حاجه انت كدة كدة كنت هتحجزلي بأرادتك او ڠصب عنك 
بس انا قولت أطيب بخاطرك 
غيث بغيظ طب حتى يعني كنتي طيبي بخاطري للآخر 
بلاش السم
الي فالسان دا 
مليكه المرة الجايه ان شاء الله 
يالله اتكل على الله 
وزقته
برة