رواية مأساة حورية اقتباس من الفصل 17
: انا عايزة ارفع خلع علي جوزي
قالتها حورية للمحامي اللي بتشتغل معاه وهي قاعدة قدامه
: دا بجد!!
قالها مندهش لترد حورية بجدية وتقول... ايوا. عايزة اتطلق من جوزي.. ومحتاجة حضرتك تساعدني
اتنهدت وقالت... انا بوكل حضرتك ترفعلي الدعوة يا دكتور مختار
المحامي.... طيب وليه متترافعيش فيها انتي بنفسك. انتي احق شخص بالمرافعة في قضية زي دي.
حورية.... بس انا عمري ما وقفت قدام قاضي ولا اترافعت في قضية
المحامي بتشجيع.... انتي شاطرة. ومتأكد انك قدها. مش هتخسري ياحورية علي ضمانتي
ثم اكمل بتعجب وقال.... بس ليه خلع ياحورية. انتي ممكن تطلبي طلاق للضرر علشان متطلعيش خسرانة وتاخدي حقوقك..
حورية... اه طبعا عارفة..
ولانها كانت حابة تـ نتقم من جوزها وتكسره كملت بجمود وقالت... بس انا بفضل الخلع. هرفع خلع حتي لو مش هاخد اي حقوق.
*اقتباس صغير من البارت وبإذن الله هينزل كامل الليلة ع الساعة 12
#مأساة_حورية
كلمة بس للناس اللي بيتضايقو من التأخير. اظن انا شرحت سبب تأخيري اكتر من مرة قبل كده ومش مضطرة ابرر تاني انا ليه بتأخر. ف اللي حابب يستني معايا اهلا بيه و علي عيني وراسي انا كده كده بعتبركم اخواتي وبحبكم
اللي بيتضايقو وبيدخلو يكتبولي كومنتات مش كويسة عشان بتاخر في النشر.. انتو ممكن بكل سهولة تبطلو تتابعو الرواية عادي جدا. انا مش بجبر حد يتابعني. شايفين اني مش بحترم متابعيني براحتكم ممكن تبطلو تتابعو
بس انا بحترم متابعيني جدا علي فكرة بدليل اني شرحت سبب تأخيري وعمري في مرة ما قولت هنزل ومنزلتش
واظن لما بتأخر بعوضكو ببارت كبير.. انا البارت بتاعي بيعدي 2000 كلمة يعني يعادل بارتين وتلاته، ممكن بكل سهولة اقسمه ونزل كل يوم بارت صغير زي ما البعض بيعملو لكن انا مش بحب كده. بحب اكتب بارت كبير فيه احداث.
بعتذر واتمني محدش يزعل من كلامي بس بجد في ناس بيدخلو يحسسوني انهم اشتروني وان واجب عليا اكتبلهم بارت كل يوم.. وانا اكيد مش هسيب بيتي وولادي واقعد افضي نفسي للرواية
