رواية أحببته رغم كبريائي الفصل21 بقلم مريم احمد

قالت ل خديجة
حنان...اول يوم حضانة ليها وصلتها و كله تمام الاقي بعد ساعتين مديرة الحضانة بتكلمني طبعا اټخضيت 
هزوا راسهم بتأكيد الا حبيبة الي كانت مبتسمة لما عرفت امها هتقول ايه 
كملت حنان كلامها و هي بتقول 
حنان...الاقي المديرة بتقولي ...الحقي بنتك ضړبت زميلتها 
اتصدموا كلهم و بصوا ل حبيبة بدهشه ازاي حد ملامحه بريئة كدا ممكن يكون بالمنظر دا 
اتكلمت خديجة و هي بتقول بزهول
خديجة...و كان عندك 4 سنين بس !!!
هزت دماغها بمعنى ايوا و قالت 
حبيبة...يا طنط بصي انا مبحبش الخنقة كارولين اول م شافتي جت قعدت جمبي قولت ماشي مش مشكلة لاقيتها بتقولي اسمك ايه بدأت احس بخنقة بس قولت ماشي و قولتلها حبيبة قالتلي و انا كارولين لاقيتها بتقولي ممكن نبقى صحاب قولتلها لأ فضلت تزن بقى طول اليوم و انا كنت عاملة حساب الموقف دا و كان معاية طوبة صغننة كدا ...و حذرتها و قولتلها هضربك بس هي مهمهاش و برضو فضلت مصرة اننا نبقى صحاب روحت 
كانوا مصډومين من الي بيسمعوه و متكلموش نهائي
ضحكت مليكة و قالت ل مرام
مليكة...كويس ان العيال ناموا بدل م ياخدوها قدوة 
ضحك الكل عليها و مرام قالت ل حبيبة 
مرام...اه بس اكيد مثلا صعبت عليكي وقتها و روحتي طبطبتي عليها عشان متزعلش
ردت عليها حبيبة بكلمة واحده و كانت الجواب القاطع و هي بتقولها
حبيبة...لأ
سكتت مرام بزهول من الي بتسمعه و حبيبة ضحكت و قالتلها
حبيبة...بس صعبت عليا بعدين و من ساعتها لحد دلوقتي و احنا صحاب و اخوات كمان 
قالتلها مليكة و هي مبتسمة 
مليكة...انا خاېفة منك !
ضحك الكل عليهم و حبيبة قالتلها بحب
حبيبة...لأ انا حبيتك عشان مش رغاية لكن لو كنتي فضلتي كل شوية تتكلمي معايا كنت زهقت منك 
ضحكوا عليها و مروان قالها بضحك ظهر للكل الا هي لأنها فهمت انه بيسخر منها 
مروان...بتحبي الي يتجاهلك يعني 
بصتله خديجة و اخواته پصدمة من كلمة و حنان كمان اتفاجئت ازاي يقول كدا خصوصا انهم ضيوف عندهم !
ابتسمت حبيبة و ردت و هي بتقول 
حبيبة...ف الحقيقة يا دكتور كل واحد بيشوف المواقف من وجة نظره هو 
ابتسم مروان ف نفسه على ردها...هي فعلا معاها حق هو حبها عشان شخصيتها قوية و ديما بتتجاهله و مبتسكتش على اهانتها ابدا 
ردت عليها مرام بتأكيد عشان تخفف من حدة الجو و قالتلها
مرام...فعلا عندك حق يا حبيبة 
هزت حبيبة راسها بابتسامة و قعدوا شوية مكملوش عشر دقايق و بصت حبيبة لأمها بمعنى يلا نمشي 
بصت حنان ل خديجة و قالتلها بابتسامة 
حنان...نستأذن احنا بقى 
اتفاجئت خديجة و قالتها
خديجة...ايه دا ليه كدا !!
ابتسمت حنان و قالتلها
حنان...بقالنا كتير اهو المره الجاية بقى ابقي تعالي انتي 
قالتلها مرام بحزن
مرام...يا طنط انا نلحقتش اقعد معاكوا 
حنان...مره تانيه يا حبيبتي 
بصت خديجة ل مروان و قالتله
خديجة...وصلهم يا مروان 
كان لسه هيقولها حاضر بس