رواية زوجتى مديحة الفصل الاول والثاني إيسو_إبراهيم

كان زوجها ماسك الشبشب وبيجري وراها وهي بتصرخ وبتحاول تهرب منه
دخلت بسرعة الأوضة وقفلت الباب بالمفتاح هو وقف عند الباب بينهج وقال بعصبية افتحي الزفت دا يا مديحة
هي بعصبية من ورا الباب ما تقوليش يا مديحة بدل ما أزعلك يا محسن
هو باستفزاز ماشي يا مديحة
مديحة بعصبية بس لما أطلعلك
محسن ببرود أيوه اطلعليلي يلا دلوقتي
مديحة لأ مش طالعة طول ما أنت متهور كدا وكمان ماسكلي شبشب كأنك بتجري ورا صرصار
محسن باستفزاز ما أنا فعلا شايفك كدا
خبطت مديحة الباب بقوة وقالت ماشي يا محسن إيه رأيك بقى في القميص الكحلي اللي أنت لسه شاريه من يومين أجرب عليه الميكب بتاعي

محسن پغضب عارفه إن جيتي ناحيته هيبقى آخر يوم في عمرك يا مديحة ماشي يا مديحة
طبعا عمال يقولها يا مديحة مش الدلع اللي متعودة عليه وبيضايقها
مديحة من جوا في نفسها الله يسامحك يا بابا كان لازم تسميني على اسم أمك هو عشان بتحبها تظلمني أنا أهو شمت الأعداء فيا
محسن مالقاش صوت فخاف عالقميص بتاعه هو عارفها ممكن تعمل فيه أي حاجة فقال بټهديد مديحة لو مافتحتيش الباب هكسره على دماغك
مديحة ببرود عادي ما أنت اللي هتصلحه يا محسن لما يتكسر وأنت أصلا بخيل وبتطلع الجنيه من جيبك بضړب الجزم
رمى محسن الشبشب ومشي من عند الباب راح قعد في الصالة پغضب وعينه جت عالنيش فابتسم بمكر وقال بصوت عال الله الكوبايات في النيش شكلها جميل أوي نفسي أجرب فيهم مشروبي المفضل
سمعت مديحة كلامه فتحت الباب بعصبية وقالت لو قربت ناحيته هقلبها حرب عليك النهارده
جري ناحيتها بسرعة قبل ما تقفل الباب وهي اتخضت وجت تقفله مالحقتش ومسكها
صړخت وقالت عيب يا محسن ټضرب ست ومش أي ست كمان دي زوجتك الطيبة صاحبة الصون والعفاف
محسن پغضب عفاف دي تبقى أمك
مديحة طب ما أنا عارفه إن أمي اسمها عفاف بس عيب تقولها عفاف كدا من غير طنط
محسن مسكها من كتفها وبيرج فيها وقال ولما أنت خاېفة كدا مني بتتهبلي ليه وتعصبيني
مديحة بدوخة أنا مش خاېفه منك على نفسي أنا خاېفه على ابني اللي بطني اللي بقاله شهر واحد بس
لسه هيكمل كلامه ولكن وقف لما استوعب قالت إيه وقال بحذر يعني بجد حامل ولا بتقولي كدا من باب الهزار
مديحة بابتسامة فعلا حامل كنت برخم عليك عشان أقولك بس أنت قفوش مش بتستحمل هزاري
محسن بفرحة بجد طب عرفتي امتى وإزاي
مديحة جبت اختبار حمل وعرفت واستنيتك عشان نروح للدكتورة مع بعض
محسن بفرحة طب يلا البسي بسرعة عشان نروح
وبالفعل راحت تلبس وبعد فترة راحوا عند الدكتورة دخلت لما جه دورها ودخل معها والدكتورة فحصتها وقالت ممنوع الحركة الكتير وهكتبلك على فيتامينات مع باقي الدوا اللي كتبته دا ولازم تتبعي التعليمات
ومشيوا بعدها وهما