سكريبت روووعه ارجوكى يادكتورة فرحينى وقوليلى انه ولد

حامل فى ايه وكأن الخبر اللى الدكتورة قالتلها عليه ان ممكن يكون الجنين يتولد بعيب خلقي وانه ممكن يكون طفل منغولى خلاها تنسي الامر الاخر وأصبح بأهمية اقل .. راحت شروق وراها وقالتلها 
مالك ياضحى فى ايه.. طب مش تباركيلى .. انا حامل فى ولد مش هتقولى لى انتى حامل فى ايه
استمرت ضحى فى اتجاهها إلى غرفتها دون اى اهتمام بشروق وكأنها لا تسمعها ودخلت غرفتها وقفلت الباب على نفسها 
فقالت شروق فى نفسها مالها دى اكيد .. طلعت حامل فى بنت ويبقى كده الحمدلله خلصت انا من الموضوع ده .. رغم ان شكلها صعبان عليا بس ما كان لازم حد فينا هيحصل معاه كده ربنا يتولاها بقى 
الحاج شاف شروق واقفة فسألها وقال 
فين ضحى.. يعنى مجاتش تعرفنى نوع الجنين زيك اول ما جيتي 
شروق مش عارفة يا حاج ضحى مالها .. راجعة من عند الدكتورة مسهمة وتايهة .. دى حتى ما وفقتش ترد عليا وتتكلم معايا ودخلت اوضتها وقفلت الباب على نفسها
الحاج كده يبقى بانت .. اكيد طلعت حامل فى بنت ومش عايزة تقول عشان تأخر الجوازة .. لما يجى ابنى انا ليا كلام معاه 
ورجع الحاج على غرفته وهو متيقن ان ضحى حامل ببنت وظل منتظر ابنه زوج ضحى ليتحدث معاه فى الامر 
لكن سالم جه متأخرا وكان الحاج نام لكن صحى على صوت سالم العالى وهو يتحدث مع ضحى لما عرف بحالة الجنين واصر على تنزيله وضحى رفضت وقالت 
لا ده ابنى وانا عايزاه ودى اخر فرصة ليا للحمل وانا راضية باللى ربنا ادهولى وبعدين هو مش ابوك قال انى اخلف ولد ادينى هخلف له ولد مالوش دعوة بقى حالته ايه 
سالم لا الجنين ده لازم ينزل انا مش عايز الجنين ده .. انتى سامعة 
لكن ضحى أصرت على انها سوف تبقيه وقالت 
وبعدين لسة الحالة مش مؤكدة وهنتأكد من السونار اللى لسة هنعمله
شويه وسمعوا صوت الحاج بينادي وخرج سالم له
والده فى إيه يا سالم صوتكوا عالى ليه.. اكيد ضحى فى بطنها بنت .. صح 
سالم لا .. والد ياحاج بس الدكتورة بتقولها انه مش طبيعى .. ارتحت ياحاج 
والده انت بتكلمنى كده ليه ويعني ايه مش طبيعى
سالم يعنى يمكن يطلع طفل مغولى 
والده خلاص مادام الموضوع كده يبقى تنزله 
سالم ماهى مش راضية ومصممة انها تكمل حمل وبتقول انا راضية بيه .. اكيد عشان اصرارك على جواز اللى مش هتجيب ولد فيهم وعشان دى اخر فرصة هتحمل فيها لأن الدكتورة هتشيلها الرحم لان فى خطۏرة على حياتها .. انت راضى بتحكمك ده ياحاج .. انت فاكر ان فى حاجة بأيدينا.. اتفضل بقى شوف حل فى الموضوع ده 
الحاج هى كلمة واحدة .. الواد ينزل يعنى ينزل 
خرجت له ضحى بكل عصبية وهى بتقول 
انت مين عشان تتحكم فى الخلق بالشكل ده .. متكونش فاكر نفسك اله عمال تتحكم دى تخلف والد وده يتجوز دى والجنين ده ينزل وېموت ..ا لا يا حج انت مش ربنا عشان تتحكم فينا كده انا هكمل حملى واللى ربنا كتبه يكون وانا مش هسمح تانى لحد يتحكم فيا وفى حياتى .. ابنك عندك اهو انت حر فيه عايز تجوزه جوزه إنما أنا هكمل حملى وهعيش لبنتى وابنى اللى جاى مهما كانت حالته 
ورجعت على غرفتها وهى تبكي وقفلت على نفسها الباب فقال ابوه له 
مراتك مالها ياسالم هى اټجننت والا ايه .. ازاى تتكلم معايا بالطريقة دى وازاى تعلى صوتها عليا .. انت تطلق البنت دى وترميها فى الشارع .. انت سامع
سالم هو ايه اللى اطلق .. انا بحب ضحى وبنتى وابنى اللى لسة مشوفتوش .. كفايه تحكم بقى ارحمنا .. ماتسيب الكل فى حاله اللى عايز يتجوز يتجوز واللى عايز يخلف يخلف انت بتعمل كده ليه وبتتحكم فينا كده ليه انا مش هطلق ضحى ومش هتجوز مرات اخويا الله يرحمه .. انت فاكر ان ممكن اقدر المس مرات اخويا.. لا طبعا مش هقدر وحتى لو اتجوزنا هيكون جواز على الورق .. بس خلاص انا لا هعمل