سكريبت روووعه ارجوكى يادكتورة فرحينى وقوليلى انه ولد

ده ولا ده انا هاخد مراتى وهمشي من البيت ده ونقرر حياتنا احنا بنفسنا وخلى فلوسك تعوضك عنا 
ودخل لضحى وجدها مازالت تبكي فضمھا لحضنه وقال لها 
مش انتى كنتى عايزة نمشي من البيت ده ونسيب كل حاجة ورانا ونبدأ من جديد
ضحى نظرت له وقالت ايوة 
سالم بس هتقدرى تستحملى اننا نبدأ من جديد واحنا مفيش معانا اى حاجة او اى فلوس 
ضحى ايوة هقدر استحمل .. المهم اكون معاك وتكون ليا انا واولادي بس
سالم خلاص ياضحى يومين اكون شوفت مكان ااجره نعيش فيه ونمشي وابقى ادور على شغل ورزقنا على الله 
قامت والدته من على سريرها وهى لسة تعبانة بعد ما سمعت صوتهم العالى وخرجت وجدت والد سالم قاعد وحده فى الصاله فقالت له 
فى إيه ياحاج .. انا سمعتكم وكأنكم پتزعقوا قصاد بعض 
ابنك سالم راخر عايز يعصانى ويطلع عن طوعى 
كفاية بقى ياحاج .. العيال هيتسرسبوا من تحت ايدنا واحد ورا التانى .. سبهم كل واحد يعمل اللى هو عايزه هما بقوا رجالة ومحدش يقدر يستحمل التحكم ده .. كفاية انت كده هنخسرهم كلهم
انتى بتقولى ايه .. عايزاهم يعصونى واسكت لا .. لايمكن ابدا يغوروا فى داهية كلهم اللى مش عجبه يسيب بيتى ويمشي مش هو اللى يهددنى بأنه يسيب البيت .. انا هدخل ارميه هو واللى بيعصينى عشانها فى الشارع ويبقوا يوروني هيعملوا ايه من غيري 
عشان خاطرى ياحاج استهدى بالله .. يروحوا فين بس دلوقتى هما ليهم حد غيرنا ده حتى الفلوس كلها تحت ايدك انت حرام ياحاج ده برضه ابنك وأولاده 
والله ما بايتين فيها 
جت الحاجه تمسكه زقها واتجه لغرفته.
...... يتبع
الجزء الخامس
الام عشان خاطرى ياحاج استهدى بالله .. هيروحوا فين بس دلوقتى هما ليهم حد غيرنا دى حتى الفلوس كلها تحت ايدك انت حرام ياحج ده برضه ابنك وأولاده 
والله ما بايتين فيها 
جات الحاجة تمسكه زقها واتجه لغرفتهم
اسرعت والدته إلى ابنها الاخر ودخلت عليه هو وزوجته شروق واللى كان نايم وقالت له قوم يا حامد الحق ابوك عايز يطرد سالم من البيت .. ابوك عايز يحرمنى منكم واحد واحد الحقنى يا ابنى انا رايحلهم البس حاجة وتعالى ورايا 
حامد حاضر يا حاجة هستر نفسي وهاجى وراكى
شروق وبعدين فى ابوك ده وتحكماته هو كل واحد يرفض كلامه يطرده وكده الدور الجاى علينا .. اعمل حسابك لو سالم مشي هو وضحى انا مش هقبل بأي شكل من الأشكال انك تتجوز عليا انت سامعني 
حامد يعنى هعمل ايه ارفض اوامره انا كمان.. انتى عارفة ان النعيم اللى احنا فيه ده كله هيبقى ملكنا لو سمعت كلامه 
شروق تقصد ايه بكلامك ده.. انا بقى مش عايزة اي حاجة من النعيم ده انا عايزاك تكون ليا انا واولادي وبس انت فاهم ولو حصل اللى ابوك عايزه انا هسيبلك البيت انا وبنتى وابقى اشبع انت بفلوس ابوك .. بكره يتحكم فيك فى اى حاجة تانية متقدرش عليها ويطردك انت كمان 
اخص عليك .. انا كنت فكراك راجل جدع اتاريك عايز تاخد كل حاجة ليك حتى لو بالذل .. هتقبل على نفسك حق اخواتك.. اللى يخليك تبيع اخواتك يخليك تبعنى انا واولادك 
انا كده قلت اللى عندى 
وسبته وراحت عليهم تشوف ايه اللى حصل 
كان والدهم فتح الباب ودخل على سالم ومراته وقال 
انت مش قلت انك هتسيب البيت وتمشي.. طب اتفضل خد السنيورة وامشوا من هنا 
سالم طب هنروح فين دلوقتي.. لو كنت لوحدى وبطولى كنت مشيت من وقتها إنما هروح فين بيهم 
والله انت اللى اخترت وانا اللى يعصى امرى مالوش قعاد ثانية واحدة لا هو ولا اللى مقوياه 
قامت ضحى وقالت 
يالا ياسالم نمشي ولينا رب اسمه الكريم 
سالم هنروح فين فى الوقت ده ياضحى بس 
ونظر لوالده ورجع قال 
حرام يا ابا كده اصبر طب عليا لما اشوف مكان 
دخلت الحجة عليهم وقالت 
لو ابنى مشي انا همشي معاه انا خلاص مبقتش قادرة استحمل اللى بيحصل ده انا صبرت على تحكمك فينا لما زهقت .. عايز تحرمني من اولادى واحد واحد وأفضل قاعدة فيها.. هقعد