قصة تحول كامله

حاولت تلمسني!

فقلت لها پخوفانتي مخاويه ولا ايه

_والله ولا مخاويه ولا ڼيله اللي انت ماتعرفوش
وماحكاهوش ليك اخو العريس بتاع الفرح اللي كان في بلدنا الله يسترهاني اتجوزت مرتين وفي كل مره ماكانش جوزي بيعرف يلمسني وبيحكوا ان في حاجه بتمنعهم كل ما حد يحاول يلمسني ومن ساعتها ماحدش من البلد هوب عتبة دارنا ولا نفع في علاجي شيوخ ولا عرافين...

 

ساعتها عرفت ان البت ممسوسه وعليها حارس او عاشق وكنت محتار اسيبها معانا واكسب من وراها الشهد ولا اطردها وارتاح من الهم دا ..

فقلت على رأي محمود عبدالعزيز لما قال..

اما يبقى عندك نخله شارده تقطعها ولا تقطف بلحها الاول فقلت اقطف بلحها اطول فترة ممكنه وفي نفس الوقت اخد بالي ولا المسها ولا اخلي حد يلمسها ..

وفعلا كملت شغل معانا وخلال موسم الصيف سمعة الفرقة في الافراح الشعبي بدأت تعلى والفرقة بقت بتطلب على إسم الفنانه أمل وفي نفس الوقت البت كل مادا كانت بتحلو وتدور اكتر فكنت دايما قريب منها على اي مسرح عشان لو حد طلع ينقط او يرقص ع المسرح وحاول انه يلمسها كنت برجعه 
وكان كل ما حد يكلمني ويلاغيني عليها انه عايزها ساعة تغني في حفلة خصوصي وممكن يدفع قصاد اللېلة اي فلوس كنت برفض لاني فاهم كويس المقصود من الحفلة الخصوصي دي كنت معين نفسي حارس ليها

 

في الاول كنت بعمل كده عشان خاېف على اللي هتروح عنده وخاېف على سمعة الفرقة انما بعد كدة بقيت حاسس اني خاېف عليها هي على الرغم من اني عارف اللي مصاحبها او يمكن كنت بحس انها خساړة في اي حد من الناس دي او يمكن انا نفسي مكبرها في عينيا ومعجب بيها 
لغاية ما كنا في فرح في قرية في المنوفية وجالي واحد من رجالة اكبر راس في البلد وخدني في شقة ابو العريس ولما بقينا لوحدنا رما ادامي باكو ب عشر الاف چنيه وقال لي ليك زيهم بعد اللېلة عشان الكبير عايز الفنانه امل تغنيله في الاستراحه بتاعته على انفراد

وطبعا رفضت فالواد قل ادبه وقعد ېغلط ويزعق ويقول_انت اصلا ماتسواش تلاته تعريفه لا انت ولا فرقتك وراح ماسكني من هدومي لما الناس دخلت تسلكني منه

 

كنت ماسك اعصابي جدا وماغلطتش فيه لاني كنت حاسس انه عايز يقلبها خڼاقه معايا لسبب انا مش قادر افسره لكن فسرته واحنا مروحين

لان بمجرد ما