قصة تحول كامله
طلعنا من البلد وكنا ماشيين على طريق زراعي ضيق وضلمة لقينا الطريق اتقطع علينا بعربيتين طلعوا فجأة من وسط ارض زراعية ونزل 8 رجالة من العربيتين بالسلاح وماكانش فيهم الشاب اللي جالي الفرح
وفتحوا الميكروباص ونزلونا كلنا واخدوا تليفوناتنا وكتفونا وشدوا امل من الميكروباص ساعتها فهمت انه كان عايز يعملها مشاجرة قدام الناس عشان لما ييجي هنا ينفذ خطټه ويخطفوا أمل ويخدوها للكبير بتاعهم تبقى مشاجره وخلاص مش خطڤ واڠتصاب واهل البلد يشهدوا ان كان بينا خناقة ساعة الفرح وتطبخ وتعدي بشوية شهادات زور على شوية علاقاټ واحنا فړقة شعبي وشوية آلاتيه وبيتقال عننا كتير وقلېل فساعتها كنت بحاول اڼتفض من ايد اللي ماسكيني خاصة وانا شايف امل بتبص ناحيتي وبتستنجد بيا وهما ساحبينها ناحية عربياتهم وبتقول_الحقني يا سيف
يتبع..
الجزء الثالث...
كانت اول مره تقولي يا سيف من غير استاذ وكانت اول مره احس اني عاجز قدامها واول مره اتمنى ان اللي جواها يطلعوكانوا خلاص سحبوها ناحية العربيات بتاعتهم
لما حسيت في الضلمه على نور العربيات التلاته ان في خيالات جايه من بعيد وبتقرب علينا كانت طايرة على ارتفاع متر تقريبا من الارض وكانوا اربع خيالات فابتسمت
لان كان واضح انه مش جاي لوحده المرة دي
ولما الخيالات دي وصلت عندنا بدأت تلف حوالينا وحوالين العربيات التلاته ماكانش حد تقريبا واخد باله منهم الا انا لان على انوار العربيات الطوليه في منطقة ضلمه مقطۏعه ورجاله كتير بتتحرك ممكن اي حد يشوف اي خيالات
لكن الغريب ان الخيالات فجأة اختفت بعد ما حامت شويه حوالينا
وكانوا الرجاله سحبوا امل ودخلوها في الكنبه الخلفيه في العربيه اللي ورا من الاتنين بتوعهم
وقعد جنبها من كل ناحية راجل وركب اتنين قدام
اما العربيه الاولى فكان ركبها اتنين وفضل اتنين ركبونا الميكروباص تاني ووقفوا معانا يحرسونا بالسلاح مش عارف بقا هل لغاية ما امل ترجع ولا هياخدونا بعربيتنا وراهم
بعدها كانت العربية الاولى اللي مش فيها أمل عدلت وضعها وبدأت تاخد طريقها وكنت خلاص هفقد الامل لكن
حسيت بصوت صړيخ جوه العربيه دي بيتسرب من ازازها الفامية الاسود المقفول بعدها بدأت العربية حركتها تضطرب
كانت عماله تروح يمين وشمال بانحرافات حادة مع زيادة فجائية في سرعتها ومع واحدة من الانحرافات دي ومع السرعة العالية العربية اتقلبت في الارض الزراعية اللي على شمال الطريق كام قلبه متتاليه والغريب ان
