سكريبت البطل كامله

احنا مش قولنا هنبقى أقويا الدوا الي بتاخده هو الي بيعمل كده وأول ما تخف شعرك هيرجع أحسن من الأول كمان 
قولتها وأنا صوتي بيترعش 
بس بس كده أصحابي هيتريقوا عليا!
بالعكس لما يعرفوا إن معاذ كان بيحارب التعب الي عنده وقدر يغلبه محدش هيتريق عليه كله هيسقفلك تصدق شكلك حلو! أنا هعمل زيك 
وقفت جنبه قدام المراية جبت مكنة الحلاقة وبدأت أشيل شعري شوفته بيضحك وهو بيبص للمرايا مستغرب من الشبه الكبير كنت أول مره أخد بالي إنه شبهي أوي كده!
بدأت أتحول لشخص تاني شخص صامت مبيضحكش مبيتكلمش دايما سرحان 
أنت هتبات في الأتوبيس يا أخينا ولا ايه! ده الأخر!
أنا آسف 
نزلت واكتشتف إني نزلت بعيد جدا عن البيت الحاجة كانت عمالة تقع مني وفضلت ألم فيها حتى الأيام كلها بقت شبه بعضها بقيت أشوف العالم كئيب جدا كل حاجة لونها أسود لحد ما في يوم وأنا في الشغل جالي مكالمة من ملك مراتي 
الحقني يا ماجد معاذ 
معاذ ماله!
مبيتكلمش سخن مولع وعمال يترعش 
قلبي كان هيقع في رجلي رميت كل حاجة وطلعت أجري يارب استر فضلت أجري في الشارع زي المچنون مش شايف قدامي كنت خاېف ل فجأة خبطت في حد لقيتها واحدة شابة صغيرة كانت هتقع من شدة الخبطة 
أنا آسف يا آن 
لسه هعتذرلها لقيت الشاب الي معاها مسك في رقبة القميص 
أنت عبيط ولا في مخك حاجة!
الإهانة كانت صعبة بس كان لازم أقبلها 
أنا آسف مكنتش أقصد وبعدين دي زي بن 
وقالي 
طب يلا اتكل على الله 
يتكل على فين! أنت ايه الي عملته ده!
أنا مكنتش أقصد بعد إذنك عديني أنا لازم أوصل المستشفى دلوقتي عش 
ضړبني في صدري مرتين 
ده حتى عيب على قرعتك 
وبدأ يضحك الكلمة وجعتني لسبب معرفوش أو أعرفه زقيته كان لازم أجري مش وقت كل ده كعبلني ووقعت على وشي أول ما قومت لقيت واحد فيهم ضړبني في وشي وقعت مرة تانية 
بعد إذنكم أنا لازم أم 
بدأ يجيلي الضړب من كل حتة مش شايف حاجة عامل زي الي في غيبوبة شايف كل حاجة بالتصوير البطيء حاسس پألم في جسمي بس الألم الي بين صدري كان أقوى 
لو سمحت 
كنت مرمي على الأرض مش قادر أقوم حاسس برجلهم بټضرب فيا 
معاذ ابني تعب ابني 
الضړب مستمر بعد وقت مش عارف قد ايه لقيت الناس اتلمت كلام كتير مسمعتش منه غير 
حرام عليكم 
راجل كبير وقفني كنت عامل زي التايه مش شايف غير صورة معاذ قدامي 
أنت كويس!
أنا أنا لازم أمشي