رواية زاي اطفش عروسة بابا الفصل 1-2-3-4-5

شنطتها .. 
غفران ادته مشطها _ اعملي شعري حلو .. 
عمر قعدها في _ مش وقت عنادك مش وقته خالص يا بنتي عشان خاطري بس المرة ديه هنسيبه مفرود مفيش وقت نعمل تسريحة .. 
سرحه و لبسها الشوز مشي جاب شنطتها و مفاتيح عربيته بقاله ربع ساعة بيلف حولين نفسه عشان يلاقيها زي ما تكون بتتخبى منه عن قصد يا دوب لقاها شد غفران من ايدها ركبها في العربية ورا
غفران نفخت خدودها _ بابا هو نحنا مش هنفطر .. 
عمر تكه و هيقلع شعره من كثر الشد _ مفيش وقت يا غفران اما نوصل تبقي تاكلي .. 
غفران _ بابا .. 
عمر فقد اعصابه _ بابا بابا في ايه خلاص اهدي بقلك اصبري شوية لبين ما نوصل مش عايز اسمع صوتك .. 
دور العربية سايق في الطريق على شغله و شوي شوي بدأ يهدى بص عليها من المراية لقاها لازقة في الشباك دايره وشها بتمسح بكمها الدموع في صمت ..
عمر بحنية ممزوجة بأسف _ أنا بعتذر يا غفران بابا مكنش قصده يزعقلك بس عصب شويه صغيرين بنوتة بابا هتسامحه مش كده .. 
مردتش عليه فضلت هادية و ساكته زي ما أمرها رغم محاولاته الكثيرة يفتح معاها أحاديث يجذب انتباهها مجبتش نتيجة حتى الرشوة فشلت ..
عمر بعدما ركن العربية قدام الشركة لف فتح لغفران الباب عشان ينزلها _ هاتي شنطتك و تعالي اشيلك وصلنا .. 
غفران تجاهلت ايده و نزلت لوحدها _ مش كنت مستعجل يلا ندخل بسرعة .. 
مشيت مدورة راسها الناحية الثانية و هو لاحقها قابل اثنين من الموظفين اللي تحت اشرافه في المصعد لقاهم بيبصوله من فوق لتحت بيحاولو ميبينوش بس هما ميتين من الضحك ..
عمر _ هو مش المفروض دوامكو بيبدأ الساعة ثمنية دلوقتي الساعة هتكون عدت التسعة و نص و نتو لسا جايين و ليكو مزاج تضحكو .. 
حضرتك الساعة لسا تمنية الا خمسة .. بيوريله الساعة اللي لابسها في ايده ..
عمر طلع التلفون بتأكد لقاها فعلا زي ما تقله _ يعني انا جاي أبكر من المعاد بساعة كاملة .. 
غفران هزت كتفها _ كنت هقلك بس مسبتليش مجال الساعة في اوضة النوم عطلانة وقفت عند الساعة تسعة بالليل من امبارح لمعلوماتك .. 
عمر بغيط _ مسبتلكيش مجال ولا خبيتي عليا عشان تعرفي تجي معايا الشغل .. 
غفران بطفولية _ مبارح قلتلي ينفع أخبي عادي زي ما أكون بعمل مفاجأة ممكن نعتبر ديه مفاجأتي استغليت الموقف خليتك تجيبني ذكية صح . 
عمر زعق _ غفران .. 
اسف عل المقاطعة حضرتك مش عندك اجتماع مهم مع رؤساء الأقسام التانيين متأكد من اللي نت لابسه .. بيشاور على شبشب الحمام في رجله ..
غفران رافعة ايديها دلالة على الإستسلام _ في الحته ديه نت مسبتليش مجال بجد كنت هقول بس سكتتني و قلت مش عايز تسمع صوتي .. 
هو ما صدق رجعت تكلمه رجعت فتكرت غلطته تاني بصته بنظرة وجعته و مرضيتش يمسك ايدها حتى اخدها عند سكرتيرته تاخد بالها منها لبين ما يرجع البيت يغير اللي لابسه في رجله ..
نور ابتسمت و نطقت بمياعة _ متخفش حضرتك هاخد بالي منها باين عليها بنت هادية و لطيفة ..