وليد القط محمد_عبد_القوي

في المصنع الي أنا شغال فيه في قط دايما ملازمنا وبالذات في الفترة بتاعة الأكل بيقعد جنبنا والي معاه أكل زيادة بيدهوله بس القط ده كان غريب شوية مكنش طبيعي كإن عنده تأخر ذهني أو مشكلة في استيعابه مش عارف هو ده موجود في الحيوانات برضو ولا لأ بس حتى نظراته كانت غريبة كإنه هائم في عالم لوحده ومش معانا على أرض الواقع وانتباهه ضعيف على عكس باقي القطط.
مش عارف القط ده ممكن يبقى عنده ايه بس هو مختلف الصراحة استغلينا إن القط عنده حتة بلاهة كده وسميناه وليد على اسم واحد زميلنا في الشغل عشان نستفزه كنوع من الهزار يعني الموضوع مكنش عاجب وليد صاحبنا واتضايق الصراحة بس قولناله ياعم الموضوع هزار ما بينا واحنا كنا كام واحد يعني فمش هيطلع بره.

المشكلة بقى إن المصنع كله عرف الموضوع وكل ما حد يشوف القط يقوله خد يا وليد وكل ما حد يسأل التاني هو ليه القط اسمه وليد! ف التاني يرد أصله عبيط زيه ويفضلوا يضحكوا والموضوع خرج عن السيطرة لدرجة إن الناس الي شغالة في المصنع بقوا ينادوا وليد ويقولوله يا عبيط فلما وليد يقفش يقوله يا عم أنا قصدي القط وحاجات من دي كتير لدرجة إن نفسيته تعبت ومبقاش يجي يفطر معانا عشان ميجتمعش مع القط ولا معانا.
بس كان فيه حاجة كمان غريبة في القط غير التفاصيل الغريبة الي قولتها معرفش أنا بس الي لاحظت الموضوع ده ولا حد غيري بس احنا بمجرد ما حد يشغل قرآن أو نتكلم في موضوع ديني وحد يقول آيات قرآنية أو أحاديث القط بيسيب الأوضة ويخرج الموضوع كان غريب جدا لدرجة إني قولت لحسين صاحبي..
أنت أخدت بالك إن لما القرآن بيشتغل وليد بيخرج!
قولت وليد بسبب التعود للأسف فحسين قالي..
قصدك وليد صاحبنا ولا القط!
وبعدين اتغير مجرى الحديث في نقطة وليد و القط وليه سميناه كده والقصة الي اتحفظت والموضوع قلب هزار لحد ما سؤالي اندثر وانا نسيت الموضوع ساعتها أصلا.
المهم قصة