وليد القط محمد_عبد_القوي

الحقيقية أشكالهم مخي..فة قوي يا محمد بيربطوني في الحلم و.. يفضلوا يعذ..بوا فيا حتى.. حتى بعد ما بصحى بفضل شايفهم قدامي وأنا سامع صوت صوت قطة بس..
كلامه ميدخلش العقل بس كنت لازم اسمعه.
بس ايه!
هم النهاردة ناويين على حاجة معرفش ايه هى هم.. هيأذو..ني جامد أو هينهوا حيا..تي أنا خا..يف يا محمد خا..يف سمعتهم بيهسموا بليل حواليا كإن كل واحد فيهم بيقترح انتقا..م مختلف ومش عارف أعمل ايه ث.. ثانية واحدة أنتوا.. أنتوا بتقربوا ليه ابعدوا.. ابعدوا عني لأ.. لأ..
وبعدها سمعت أ..بشع صر..خة سمعتها في حياتي والي بعدها وليد اختفى! محدش عارف مكانه ولا أبوه ولا أمه ولا أي حد وليد كإن الأرض اتشقت وبلعته ملوش أثر ولا حد عارف ايه الي حصله مقدرتش أحكي لأي حد عن المكالمة هقولهم ايه! جه في دماغي كمية سيناريوهات ب..شعة ممكن تكون حصلتله بس..
وليد رجع.. حمد لله ع السلامة ياعم أنت كنت فين!
الجملة دي قالها أمجد صاحبنا واحنا بناكل عشان أقوم من مكاني و أقول بتساؤل!
وليد رجع!
شاورلي ع الباب فبصيت..
و.. فعلا لقيته داخل بس مكنش وليد ده كان.. القط! ازاي! ده وليد قالي إنه.. نفس لونه المشمشي! والچرح الي في راسه بس.. بس كان فيه حاجة مختلفة نظرة عينه و.. لون عينه كان بني أكتر من اللازم زي.. لون عين.. وليد! بصلي في عيني قرب مني ولوهلة حسيت إن عينه بتدمع جه قعد جنبي وسمعت صوت مواء أشبه بالأنين الحزين عشان أمجد يكمل كلامه بعد ما شاور عليه ويقول..
أقصد وليد.. القط.
وليد_القط
محمد_عبد_القوي
النهاية