قصة أبو فانوس كامله

عليه هنا ضوء بعيد ظهر يبقى أبو فانوس وابعد عنه وخلاص.
استغربت من البساطة الي بيتكلم بيها بس حسيت إن أكرم سرح وكان عمال يفكر في الموضوع وشكله خاف بجد فحبيت أغير الموضوع بس ملحقتش عشان لقيت فهد قام بالمهمة وقال
ما تيجوا نلعب صراحة!
وطبعا جاب إزازاة وبدأنا في اللعبة الي بتجيب أسرار وخبايا الطفولة زي مين كان بيحب مين في الفصل في ابتدائي وغيره لحد ما البرد اشتد جامد فمقدرناش نقعد أكتر من كده ودخلنا ع الخيم كنا عاملين خيمتين أنا وكرم في خيمة وفهد وعماد في التانية دخلنا فعلا وأول ما حسيت بالدفا نمت في ثواني. وأنا نايم وبتقلب كعادتي لاحظت كرم ساند ضهره على المخدات وصاحي وعينه على فتحة الخيمة..
في ايه يا ابني منمتش ليه!
حسيته اتخض قبل ما يقولي
لأ.. عادي مش جايلي نوم.
قولتله براحتك وغمضت عيني مره تانية قبل ما ألمحه مركز على فتحة الخيمة مرة تانية بس كنت غبت في النوم صحيت على صوت جناح طائر! معرفش ايه نوع الطائر بس صوت رفرفة الجناح كانت جنبي بالظبط وكانت كافية إنها تصحيني فتحت عيني عشان ألاقي الدنيا منورة الشمس طلعت ولمحت الطائر الي كان باين ككتلة سودة من ورا الخيمة قبل ما يتحرك ويطير مرة تانية بصيت حواليا عشان ألاقي أكرم في نفس الوضع الي شوفته فيه قبل ما أنام بس عينه مقفولة كإنه كان بيحاول يقاوم النوم!
أكرم.. أنت منمتش!
فتح عينه كإنه اتخض وبعدين همس..
لأ ياعم.. نمت نمت.
وبعدين بص حواليه كإنه بيتأكد إن الصبح طلع وبعدين رقد وهو بيقول
سيبني بس هريح شوية وأقوم.
استغربت من تصرفه جدا هو منامش فعلا ولا ايه! المهم قولت أسيبه شوية وبعدين طلعت بره الخيمة عشان الأقي بعد ثواني فهد خرج وكإنه كان مستني حد يخرج وبعد شوية عماد صحي على صوتنا وخرج وبعديها قال
هو أكرم لسه مصحيش ولا ايه!
شاورلته براسي بعلامة النفي عشان يروح في طريق الخيمة عشان يصحيه فقولتله سيبه ينام شوية فسأل اشمعنا يعني فقولته
شكله فضل صاحي طول الليل.
ليه يعني!
مش عارف! كنت كل ما اصحى ألاقيه صاحي و باصص ناحية باب الخيمة.
غريبة!
فهد قال
ولا غريبة ولا حاجة ممكن مش متعود ينام في أجواء زي دي هيتعود هيتعود.
بعديها بشوية عماد وفهد صحوا أكرم بالعافية عشان نقضي اليوم ولما سألوه عن سبب سهره قال إنه مكنش عارف ينام عادي على الرغم من إني مكنتش حاسس إن الموضوع عادي! بس اتشغلنا ونسينا الموضوع تماما لحد ما قضينا اليوم التاني والي كان يوم لا ينسى حقيقي وبعديه دخلنا ننام..
ماجد.. ماجد.
صحيت على صوت همس عشان اكتشف إنه أكرم كنا في عز الليل صحيت مخضوض الصراحة وقولتله
في حاجة يا اكرم ولا ايه!
هششش..
شاورلي أوطي صوتي وبعدين قالي
أنا.. لمحت ضوء بره ضوء عمال يتحرك ويطفي كل شوية!
ضوء ايه يا أكرم! هتلاقي ناس ماشية عادي.
لأ.. لأ مش ناس الحركة عشوائية بطريقة غريبة قوم بس بص.
الصراحة مكنتش قادر أتحرك وجسمي متلج فقولت بضيق باين..
يعني ده الي خلاك صاحي امبارح طول اليوم! نام يا أكرم الله يباركلك مفيش حاجة اسمها ابو فانوس ولا بتاع كله أي كلام.
وقومت لافف الغطا فوق راسي عشان ما أديلوش فرصة إنه يكمل كلام وفعلا سكت وروحت في النوم مرة تانية عشان أقوم بعد شوية على صوت صر..خة صر..خة مر..عبة! اتنفضت