رواية زاي اطفش عروسة بابا الفصل 19

زاي_اطفش_عروسة_بابا 
الفصل التاسع عشر
غفران شدت بصوابعها الصغيره على هدوم مامتها خاېفه تغفل عنها تمشي بمنتهى البراءة ضحكت _ بس ديه ماما رجعت هي رجعت عثاني .. 
يونس كشړ زقها في محاولة منه يبعدها غيرته كطفل متحكمة فيه _ غلطانة ديه ماما جمانة بابا جبهالي مينفعش تبقا مامتنا احنا الإثنين .. 

غفران بلهفة شبطت فيها _ ديه ماما الإسم نفسه قوليله انك ماما أنا وحشتك و اجيتي تشوفيني نت رجعتيلي لبنتك غفران صح .. 
جمانة كشرت بنبرة مليانة قساوة و كره _ بس أنا معرفكيش عمري ما شفتك ولا قابلتك هبقى أمك زاي امشي دوري على أمك في حتة ثانية .. 
غفران عقلها صغير بيدور على عذر لقساوة مامتها _ أنا فهمت نت تعبانة عشان كده مش فكراني بابا هيجي يوريكي صورنا مع بعض هنستناه .. 
يونس برجفة _ هو بجد نت أمها طب و أنا .. 
جمانة بحنية _ لا يا حبيبي أنا مامتك نت لوحدك مفيش حد قبلك ولا بعدك يلا امشي استناني في العربية هلحقك بعد شوية متخفش .. 
غفران بدموع _ نت ماما أنا .. 
جمانة بمجرد ما يونس مشي شدت على ذراعها _ اسمعيني يا وش النحس أنا ما صدقت خلصت من قرفك نت جايه تبوظيلي حياتي من تاني .. 
غفران متحملة الۏجع ملهوفة تحضنها بس مسمحتلهاش _ لا بتحبيني عشان خاطري متمشيش و تسيبيني .. 
جمانة زعقت _ ملكيش عندي خاطر مبتفهميش سبتك نت و أبوكي سبتك برضايا عمري ما حبيتك ولا هحبك اعتبريني مېته يلا غورى .. 
زقتها وقعتها بكل برودة قلب ملفتش تطمن عليها بالغلط ولو لمرة مشيت و سابتها مس ساعتها مبقتش حاسة باللي بيحصل حوليها لدرجة أبوها مخدتش بالها من وجوده جنبها بقاله خمس دقايق بيكلمها ..
عمر من لما لقاها واقعه على الأرض و هو هيتجنن وشها مثبت في نقطة وحدة مهما عمل مڤزوع _ بابا بصيلي غفران مالك يا بنتي