رواية حب أقوى من كيدهم الفصل الرابع 4 بقلم نشوه عادل
انت في الصفحة 1 من صفحتين
ممكن اعرف ده كان هنا فى بيتى بيعمل ايه ومن غير اذنى ازاى متكلمنيش وتعرفينى انه هنا!
هند بدموع وۏجع والله العظيم ما كنت اعرف انا جيت من برة لقيته هنا حتى امى معرفتنيش
عمرو وهو بيسيبها ازاى يعنى هى دى الاصول راجل غريب يدخل بيتى وانا مش موجود ده خلاص مش هيبقى ليا حكم ف بيتى ولا ايه!
هند وطى صوتك عشان خاطرى ماما لو سمعتك هتزعل
هند يا حبيبى محدش بيغلطك انت عندك حق والله بس خلاص موقف وعدى
عمرو لا معداش يا ست هانم لو سكت المرة دى هتكرر تانى
دخلت تهانى بدموع تماسيح انت عندك حق يا ابنى وانا فعلا غلطت بس هو جه فجأة كنت اطرده قولت هيقعد خمس دقايق ويمشى وخلاص حقك عليا انا انا تقلت عليكم انا هاخد بعضى وامشى
عمرو باحراج يا حماتى والله مقصدش البيت بيتك ولو مشالتكيش الارض اشيلك فوق راسى بس اعتبرينى محمود او محمد لو ده حصل ف بيتهم انتى تقبليها!
تهانى لا مقبلهاش انا غلطانة ومحقوقة ليك
عمرو وهو يقبل رأسها لا يا ست الكل متقوليش كده حقك عليا متزعليش
اسبوعين عدوا ع وجود تهانى فى منزل بنتها وكل يوم خناق واتقلب الجو نكد وخناق ع اتفه الأسباب وفى يوم كان عمرو ف الشغل سرحان ومهموم لقى فونه بيرن وكان محمود
محمود ايه يا صاحبى روحت البيت ملقتكش
عمرو ايه ده انت نزلت اخيرا
محمود اه يا سيدى ارغى انت فين!
عمرو انا لسه مخلص شغل وهنزل اهو تعال نتقابل ع القهوة اللى جنب بيتكم
راح عمرو وقابل محمود اللى لاحظ ان شكله متغير ومهموم
محمود ايه يا ابنى مالك شكلك مش عاجبنى!
عمرو مش عارف يا محمود مخڼوق انا واختك پنتخانق ٢ ساعة وع اتفه الاسباب واول مرة نكون كده مع بعض مش عارف ليه اى حاجة بقيت اعملها مبقتش ترضيها ومن كتر الضغط والمشاكل كنت بفكر اسيب البيت وامشى
عمرو ونعم بالله بس انا تعبت من كتر المشاكل دى وبقولك تافهة والله
محمود بقالكم اد ايه
عمرو اسبوعين
محمود ف نفسه يعنى من ساعة ما امى جات عندكم واللى حسبته لقيته بص لعمرو وقال الكلام ده كان بيحصل قبل كده!
عمرو ابدا والله عمرنا ما اتخانقنا حتى لو كنا پنتخانق كنا بنتصالح ع طول لكن دلوقتى المشكلة بتكبر والبيت بيقيد ڼار ومتزعلش منى بحس ان امك بتقويها
محمود والله مش عارف اقولك ايه بس انت عارف ان هند قلبها طيب وبتحبك
