رواية ضحېة الظروف الفصل السابع بقلم نشوه عادل
انت في الصفحة 1 من صفحتين
واتهرب منك ليه وبعدين لو عاوز اتهرب منك كنت رنيت عليك دلوقتى ليه ولا سيبت تليفونك عندى من غير حظر ليه كل الحكاية انى كنت قاعد مع الجماعة واستنيت لما نزلت
مؤنس تمام اعتقد انت عارف انا بكلمك ليه!
عبدالله هعرف منين بشم ع ضهر ايدى مثلا اتفضل قول ف ايه!
مؤنس فيه ان بنت اختك غدرت بابن اخويا ولغيت شخصيته وكسرت رجولته لما كسرت كلامه مرة ولما عملت حاجة كبيرة زى انها تبيع الدهب من وراه مرة تانية
مؤنس فيه ان محمود لسه دمه مبردش وعاوز ياخد حقه بقعدة رجالة ونحكم الناس بينا
عبدالله وانا شخصيا موافق شوف انت عاوز القعدة امتى وفين وردى مش هيكون عليك هنا هيكون ف القعدة
مؤنس وماله بكرة بعد صلاة الجمعة ع القهوة اللى جنب بيتى
قفل عبدالله وهو بيهز راسه بأسف دخل ع المصنع وكان باين عليه الحزن واحد من الموظفين الشباب واسمه حسام راح عنده وقال مالك يا عم عبدالله فيه حاجة!
عبدالله ابدا يا ابنى شوية مشاكل بس الحمدلله
حسام ونعم بالله بقولك ي عم عبدالله كنت عاوزك ف موضوع كده بعد الشغل
حسام مش هينفع نتكلم هنا لا وقته ولا مكانه يا بركة بعد الشغل نروح نصلى العصر ونقعد ع القهوة واقولك عاوزك ف ايه
عبدالله ماشى بس روح ع شغلك دلوقتى عشان المدير هيمر
بعد الشغل خرجوا وصلوا العصر وقعدوا ف قهوة
عبدالله خير يا ابنى موضوع ايه اللى كنت عاوزنى فيه!
حسام بص يا عم عبدالله انت عارفنى كويس وعارف شخصيتى والحلو والۏحش اللى فيا وانا مش بعرف الف وادور وعارف انه كان الاصح انى اجى عندك لحد باب بيتك بس انت عارف ان مليش حد ف الدنيا بعد ربنا الا والدتى فمحبتش ابهدلها او لو محصلش نصيب تزعل
حسام بص يا عم عبدالله انا معجب جدا بأنسة سارة بنت حضرتك من يوم ما شوفتها ف فرح احمد اخوها بس صرفت نظر لما عرفت انها مخطوبة والامل رجعلى لما عرفت انها فسخت فأنت ايه رأيك!
عبدالله بص ي ابنى انا بحبك جدا وبعتبرك زى احمد لانك فعلا راجل واكيد مش هتمنى لبنتى حد احسن منك بس كمان مقدرش اعطيك كلمة سارة لسه فاسخة الخطوبة من شهرين وكانت عن حب وهى متجاوزتش الموقف وابقى بظلمك لو خليتك تتقدم ليها ف الوقت ده زى ما انت دخلتلى بصراحة لازم اجى
