رواية نور اليونسي الفصل العشرون

طب وبنتي اللي حبتك وانت عارف انها بتحبك من زمان
يونس بانفعال هيا اللي مكنتش بتفهم اشاراتي ليها اكتر من مره حاولت افهمها اننا مش لبعض بس هيا اللي مكنتش بتفهم 
صابر پغضب فتجرحها و تكسرها و تدمر حياتها طلقتها ليه والاتفاق اللي كان بينا 
يونس پغضب هيا اللي طلبت الطلاق ودا كان الافضل لينا 
صابر پغضب ماشي يا يونس يبقا الشغل اللي بينك وبين يعقوب يتلغي و النهارده قبل بكره 
يونس مش هيتلغي 
ضم صابر قبضة ايده پغضب وقال كدا ماشي اعمل اللي انت عايزه وانا هعمل اللي انا عايزه بس متندمش علي اللي هيحصل يا يونس 
بصله يونس پغضب شديد بعدين سابه ومشي بصله صابر وقال پحقد هتشوف ايه اللي هيجرالك يا يونس هتشوف
رجع يونس البيت سمع صوت تكسير وعياط من اوضة نور اللي بتحاول تفتح الباب ومش قادره... طلع فتح الباب رجعت نور لورا وقالت پغضب ودموع انت مچنون انت تحبسني هنا انا عايزه اخرج من هنا 
يونس بهدوء مفيش خروج غير لما نتكلم الاول
نور پغضب نتكلم في ايه كفايا اللي سمعته 
يونس اللي سمعتيه مش كل حاجه انا طلقت فريده 
بصتله نور پصدمه وقالت طلقتها 
يونس اه طلقتها جوازنا كان عشان الشغل وبس صدقيني 
ابتسمت نور بسخريه وقالت شغل.... وطلقتها ليه يا ترا الشغل مكنش علي مزاجك 
ادايق يونس من طريقتها وكلامها وقال طلقتها عشان مبحبهاش ومش هينفع نكون لبعض مش عايزه وحده في حياتي غيرك 
نور اتجوزتها امتي قبل ما نتجوز ولا بعد
يونس بعد
محبش يكدب عليها عشان المشاكل والمسافات بينهم متكبرش لانها كدا كدا هتعرف الحقيقه 
نور بدموع بعد
حس بغصه في قلبه لما شاف دموعها... ضحكت نور بصلها يونس باستغراب 
وقفت ضحك و دموعها نزلت وقالت غبيه مش كدا... انا واحده غبيه.. كل ما اسألك كنت فين تقولي كنت في الشغل جاي منين جاي من الشغل اتأخرت ليه كان عندي شغل وانا بغبائي كنت بصدقك وانت كنت بتروحلها و بتقضي وقتك معاها 
يونس بحزن انا مكنتش بكدب عليكي انا كنت فعلا ببقا في الشغل 
نور بسخريه شغلك مع فريده 
يونس بانفعال مقربتش منها ملمستهاش 
نور بدموع مش مصدقاك..... انت كداب يا يونس كدااااب 
بصلها بشده هيا مبقتش واثقه فيه 
نور بدموع حتي اعترافك ليا بحبك كان كدب
يونس بحزن والله مكنش كدب انا بحبك بجد عمري ما كدبت عليكي كل حاجه كنت بقولهالك كانت حقيقه 
نور بدموع وحزن مبقتش عارفه اصدقك.... انت خدعتني ولعبت بيا... كسرتني ووجعت قلبي بعد ما حبيتك و اتعلقت بيك 
بصلها يونس بدهشه هزت راسها وقالت بدموع وحزن ايوه حبيتك يا يونس بس انت كسرتني كسرت قلبي اللي حبك... لما انا مش مناسبه ليك ولا لرغباتك اومال اتجوزتني ليه... عشان ترضي بابا... بابا دلوقتي مبقاش موجود تقدر تطلقني براحتك و روح للبنت المناسبه ليك اللي علي
هواك و مزاجك وتقدر تعمل معاها اللي انت عايزه اكتشفت انك بتاع رغباتك وبس 
اڼصدمت نور لما ضربها يونس كف علي وشها..............
يتبع
نور_اليونسي
الفصل_العشرين 
بقلمي_دينا_عبدالله
شكرا بجد لكل واحد دعالي دعوة من قلبه لانها فعلا فرقت معايا جدا... شكرا حبايبي وان شاء الله هرجع انشر كل يوم زي الاول