رواية الخادمة هانم الفصل الخامس
معينه من قسوه او عڈاب او مهانه فقد شخص عزيز جدا من حياتها الموقف الذى لم تقوى على تحمله محاه عقلها
بينما سمح لأشياء تحبها ان تظل على حالتها
ودا بنسميه فقدان ذاكره نوعى او اختيارى ولا يمكن مطلقآ ان نحذر موعد شفاء له
كان أدهم السلحدار بيسمع الدكتور لطفى بانتباه وهو يفكر ايه الشىء القبيح القاسى إلى ممكن يحصل لانسان للدرجه التى لايمكنه فيها تحمله فينهار عقله دفعه واحده ويسقط ذلك الحدث من عقله
وكان متأكد جدا أن نيره مش فتاة شوارع متشرده او بنت سيئة السلوك بل وريثة عائله ارستقراطيه محترمه جدا مهتمه بالادب والفنون احسنو تربيتها وتعليمها فن التعاملات الراقى
وطاف بعقله كل الأحاديث إلى دارت بينهم ولغتها الحواريه الانيقه الغير متكلفه
البنت اتربت فى بيت زى بيته بل اكثر ثراء منه وذا ميول ادبيه
ودا بالنسبه ليه بيقلل الاحتمالات كتير وبيخلى الصوره تتضح قدامه
ورسم خطه فى غاية الدهاء قرر ان ينفذها ببطىء وتروى انه هيقوم بدوعوة معظم العائلات إلى بيشك فى نسب نيره ليهم ممكن حد يتعرف عليها لكنه اصطدم بمعضله مرعبه نيره فى خطړ محدق ومش بعيد انه بكده بيكون هو الشخص إلى بيجيب الخطړ لحد عندها
كان شاعر بغرابه من يوم الحفله لكن دلوقتى مش مصدق نفسه مهند بنفسه بيتصل بيه ويكلمه
ورغم انه كان حديث عادى فى البدايه لكن مهند محاور محنك وبيعرف ازاى يوصل لهدفه
مهند ____ بصراحه يا رعد بيه من يوم الحفله واندهاشى لم يتغير او يقل بالخدامه بتاعتكم
انا فكرت فيها للحد إلى دفعنى ان انشىء متحف للفنون اجمع فيه لوحات من كل بلاد العالم واعرض فيه رسومات عصريه لرسامين حاليبن معرض رسم يعنى ومفيش افضل من نيره انها تكون مديرة المتحف ده وتشرف عليه
الصراحه البنت دى مش قدرها تكون خدامه قدرها تتساب فى مكان بتحبه وتظهر فيه مواهبها
رعد __ بلتعثم والدى رافض ان نيره تسيب الفيلا أنا اتكلمت معاه قبل كده وعارف قراره
مهند اتكلم معاه تانى يا اخى فيه حاجات جديده جدت ويمكن الموضوع ده يكون فتحت خير ما بينا
رعد ___ هعمل إلى يقدرنى عليه ربنا مصلحت نيره تهمنى طبعا
خلصت المكالمه
مدكور النمروسى ها الولد رعد قالك ايه
