رواية بنت الجيران الفصل30 الأخير
بيقرب من هنا بهدوء وهو بيساعدها يحط الكرتونة الصغيرة اللي معاها
يزيد بهدوء لو تعبتي اقعدي متعمليش حاجه تاني سيبيهم هما يكملوا
هنا بتتلبك شوية وبترد وهي بتبص في الكرتونة لا عادي متعبتش وبعدين انا عاوزه اشوف كل حاجه كده وهي بتتحط ف مكانها.
يزيد بصوت واطي انتي عروسه ي هنا .
هنا بتحاول تهرب من نظراته عاوزين نخلص الشقة ي يزيد وبعدين انا كده مبسو....
دا واضح ان الحب ۏلع ف الدره ... واقفين بتتوشوشوا ف اييي هااا
يزيد خليكي في حالك
دعاء بضحك بس ي رضوي دي مراته برضو
رضوي بنص عين لسا مكتبناش الكتاب ي حبيبتي .... متطرقنا ي يزيد روح شوف انت وراك اي
يزيد يبت بقولك خليكي ف حالك .. واحد وخطيبته يستي واقفين بيتكلموا .. هاخدها ونمشي والله
بتدخل زينب ومعاها صنيه اكل كبيره يلا يجماعه تعالو نتغدا الاول وبعدين كملوا ..
.بيتجمعوا كلهم و بيبدأوا في الأكل وكل واحد منهم بيشارك في الحديث والضحك والجو مليان دفا وحب.
يزيد وهنا يقعدوا جنب بعض هنا بتحس براحة كبيرة وسط الجو بين عيلتها وعليه يزيد
بعد ما خلصوا الغداء بدأوا يرجعوا للشغل مرة تانية وكل واحد منهم مهتم يطلع الحاجه باحسن شكل . يزيد بيتحرك هنا وهناك بين الغرف وهو دايما يراقب هنا بنظراته وكل ما عينها تقابله قلبها يدق أسرع وتحاول تركز في اللي بتعمله لكن يزيد محاوطها بنظراته
بتشغل رضوي قراءن ف الشقه علي الراديو وهي واقفه مع نرمين اخت هنا
رضوي كده كله تمام الحمد لله ...ربنا يباركلهم فحياتهم يارب
نرمين ياارب.. ... بكره وبعدوا كده ي رضوي اطلعي شغلي قرءان برضو كده عشان الشقه يبقي فيها بركه
نرمين راحت تستلم الفستان هي ويزيد ويخلصوا مشاوريهم
رضوي بټضرب علي جبهتها اها صحيح دا انا نسيت.. يلا ربنا معاهم
مساءا قبل الحنه بيوم هنا قاعده ف اوضتها مع نرمين ويمني وبنات خالها نهي و فريده و ريماس وهاله
وكلهم قاعدين في جو مليان ضحك وتجهيزات أخيرة قبل الحنة والكل نايم ما عدا هما
نهي حد يسكت البت ي يجدعان
نرمين بغمزه متوتره ليه ي هنووون هاا.... ده يزيد محترم حتي ... بصي اي حركه غدر احنا كلنا هنبقا واقفين ف البلكونه صوتي واحنا هنطلع نلحقك
هنا بعين متسعه يااا .... يااا قليله الادب اخرسي يبتتت .. انا مقصدش كده دا انتي عيله دماغك
