رواية ألم البداية الفصل الرابع والخمسون بقلم فريده احمد

رواية ألم البداية 
الفصل الرابع والخمسون بقلم فريده احمد 
هنا في اوضتها رايحة جاية پغضب بعد ما عرفت السبب اللي تامر طلقها علشانه وان صاحبتها بعتتلو الفويس 
هنا في نفسها پغضب وعصبية .. يابنت الكلب . وديني ماهسيبك . لازم اعرفها الزاي تعمل معايا انا كده الحيوانة
وهي بتتوعدلها 
قعدت علي السرير وهي حاسة بالهزيمة دموعها نزلت لما حست انها خسړت تامر خلاص وهي متأكدة انو استحالة يغفرلها الغلط ده 
بدأت تراجع نفسها وهي بټندم علي كل اللي عملته واعترفت بينها وبين نفسها انها كانت غلط وأنها فعلا كانت مقصرة معاه واهملته وأنها اديتلو الفرصة يدور علي الاهتمام بره . بس في نفس الوقت خيانته وجعتها ومقدرتش تستحملها . مقدرتش تستحمل انها تتخان وانو ېلمس واحدة غيرها . كرامتها مسمحتلهاش تتخان وتعدي الموضوع عادي كده 

هنا فضلت ټعيط علي حياتها اللي اتخربت وحبها اللي ضيعتو من ايديها بغرورها وكبريأها . تامر حبها الاول والاخير حب طفولتها اللي محبتش غيره ولا شافت غيره في حياتها 
هنا مسحت دموعها وقررت انها لازم ترجع حبها ليها حتي لو هتعتذر 
خرجت هنا من اوضتها وهي خارجة لاقت ريم طالعة من تحت وداخله اوضتها 
هنا .. ريم 
بس ريم مرديتش عليها ولسه بتفتح باب الاوضة علشان تدخل 
هنا بحزن .. ريم . لو سمحتي 
ريم وقفت مكانها من غير ماتبصلها .. نعم 
هنا قربت عليها وهي حاسه بالندم .. انا اسفة ياريم . اسفة علي الكلام اللي قولتهولك . 
هزت راسها برفض وقالت .. انا مش عارفه انا قولت كده الزاي . انا اسفة متزعليش مني 
ريم بهدوء .. محصلش حاجه 
وراحت تدخل 
بس هنا قالت .. ارجوكي انا مش عايزاكي تبقي شايلة مني 
انا بجد مكنتش اقصد . بس انا وقتها . انتي اكيد مقدره اللي انا كنت فيه . انا تامر طلقني ياريم عارفة يعني ايه . انا مكنتش متوقعه انو ممكن يعمل كده لأني عارفة انو بيحبني وانا كمان بحبو . 
دموعها نزلت وقالت .. بحبو اوي ياريم ومش سهل عليا اني اخسره . انا مقدرش اعيش من غيره اصلا 
ريم .. بس انتو ممكن ترجعو 
هنا .. انا غلطت في تامر ياريم . غلطت فيه جامد . قولت في حقه كلام ميصحش اقوله . وانا عارفه تامر استحالة يعدي ويسامح 
ريم .. اعتذريلو مفيهاش حاجه هو بيحبك واكيد هيسامحك . اللي بيحب بيسامح . اعتذريلو ياهنا 
هنا مسحت دموعها .. كنت بفكر فعلا اروحله . بس تفتكري هيغفرلي 
ريم .. اكيد هيسامح . روحيلو ومضيعيش حبك من اديكي . وحاولي . حاولي معاه كتير متيأسيش 
هنا .. ممكن احضنك 
ريم هزت راسها .. طبعاً