سكريبت روووعه ارجوكى يادكتورة فرحينى وقوليلى انه ولد

ارجوكى يادكتورة فرحينى وقوليلى انه ولد 
الدكتورة يا بنتى لسة مش ظاهر .. لسة ميبانش دلوقتى
خلينا بس فى حالة الجنين الصحية وحالتك انتى ومدى خطۏرة الحمل ده عليكى .. انا من رأيى ان الجنين لازم ينزل لانه ممكن يأثر عليكى وعلى حياتك .. انا حذرتك اكثر من مرة .. مش فاهمة إيه سبب اصرارك على اتمام الحمل ده .. انتى كده بتنتحرى 
ضحى لا يادكتورة ماتقوليش كده انتى ناسية ان دى اخر فرصة ليا فى الحمل وانك قررتى ان بعد اتمام الحمل هتشيليلى الرحم .. انا لازم اخلف يادكتورة .. لازم اجيب الولد
الدكتورة ولد ايه وبنت ايه هو لسة فى ناس بتفكر بالعقلية دى حرام عليكى حياتك .. ارحمى نفسك يا بنتى 

ضحى يادكتورة اصل انتى مش فاهمة .. احنا ثلاث سلايف فى بيت عيلة وانا ماليش حد غير جوزى واهله بعد ۏفاة والدى ووالدتى فى حاډثة من سنة واخويا الوحيد اللى ليا سافر من زمان ومعرفش عنه اى حاجة وانقطعت اخباره عنى تماما
الدكتورة وايه علاقة ده بموضوعنا
ضحى هقولك يادكتورة
من كام شهر اتوفى الاخ الكبير لجوزى وساب زوجته ومعاها طفلين وانا وسلفتى الثانية كل واحدة فينا مخلفة بنت 
وحكم والد زوجى واللى يعتبر كبير العيلة واللى ماحدش يقدر يخالف كلمته ان واحد من اولاده لازم يتجوز مرات ابنه اللى اتوفى عشان ما ينفعش تتجوز حد غريب واولاد ابنه حد تانى يربيهم 
وقال ايه عشان مايظلمش حد فينا انا أو سلفتى ويختار هو جوز مين فينا اللى يتجوزها قال اللى مش هتجيب ولد فى حملها جوزها هو اللى هيتجوز سلفتنا الثالثة اللى زوجها اتوفى ولو واحدة مننا حملت وخلفت الولد الاول مش هينتظر الثانية لما تحمل وهيجوز جوزها لمرات ابنه
وانا لا اقدر ان جوزى يتجوزها لانى ما اتحملش ان واحدة تانية تشاركنى فى جوزى اللى بحبه ولا اقدر اتطلق منه لانى بحبه فعلا ولان ماليش حد غيره .. عشان كده لازم اكمل الحمل واجيب الولد 
الدكتورة هى سلفتك حامل دلوقتى زيك
ضحى ايوة يادكتورة من وقت ماعرفنا قرار والدهم قررنا اننا نحمل وربنا اراد لينا الحمل ويعتبر ماشيين فى نفس الشهر مع بعض .. ماهى برضه متابعة معاكى يادكتورة 
الدكتورة و ايه موقف جوزك من الكلام ده
ضحى ما انا قلت لحضرتك ماحدش يقدر يخالف له امر ده كل شغلهم وفلوسهم فى ايده .. ده ابن من اولاده خالفله كلمة طرده من البيت وحرمه من كل حاجة ولما فشلت كل المحاولات عشان يسامحه ملقاش قدامه غير انه يعتمد على نفسه وسافر برة ومايعرفوش عنه حاجة لحد النهارده وهو ولا بيجيب سيرته .. ولما والدته تفضل تبكي وتقول انا عايزة اشوف ابنى يزعق فيها و يقولها اللى يخالف كلمتى مايستحقش يكون ابنى ولا ليه عندى اي حقوق او ورث بعد ما اموت وده مخلى اخواته مايقدروش يخالفوا كلمته
الدكتورة هو فى بنى ادم كده .. يعنى انتى كده عايشة فى دولة السلطان الحاكم بأمره .. اللى زى ده مش هينصلح حاله الا لما اللى تحت سلطته يثوروا عليه .. بس ده برضه ميمنعنيش انى اعرفك انك بتنتحرى يا بنتى لو كملتى حملك
ضحى والله يا دكتورة مبقتش فارقة .. انا كده هبقى مېتة وكده هبقى مېتة
الدكتورة لا حول ولا قوة الا بالله .. عقول غريبة .. قومى يابنتى قومى ربنا يسترها عليكى انا كل اللى عليا انى اعرفك كل حاجة عن الرأى الطبى لحالتك وانتى حرة فى قرارك 
قامت ضحى لتعيد ترتيب ملابسها عليها وهى تقول 
اوقات كتير الدنيا بتحط الواحدة قدام خيارين الاثنين امر من بعض بس كويس ان فى اختيار اصلا لان اوقات كتير حتى ده مابيبقاش موجود 
تركت ضحى العيادة ورجعت للبيت وكان جوزها لسة فى شغله .. وقبل ما تلحق تقعد وتستريح من المشوار دخل عليها والد جوزها وقال لها 
الدكتورة قالتلك ولد والا بنت
قالتلى لسة ياحاج على اخر الشهر اللى جاى هيبان 
اومال كنتى مستعجلة على المرواح للدكتورة ليه وما انتظرتيش لما الحجة تقوم بالسلامة وتقدر تروح معاكى 
اصل كنت تعبانة شوية وما كنتش قادرة استنى وكنت