سكريبت روووعه ارجوكى يادكتورة فرحينى وقوليلى انه ولد

عايزة اتطمن .. والنبى ياحاج ارجع فى قرارك اللى اخدته ان حد من اولادك يتجوز مرات ابنك الله يرحمه 
رد بانفعال انتى بتقولى ايه انتى اتجننتى .. انتى عايزة تخالفى اوامرى
لا ابدا ياحاج بس برضه حرام تحكم بان جوزى يتجوز عليا 
حرمت عليكى عيشتك .. هو انا بحكم بحاجة حرام .. ده شرع ربنا وبعدين عايزانى اسيب اولاد ابنى لراجل غريب يربيهم.. دى امهم لسة صغيرة واكيد هتفكر فى الجواز ازاى همنعها من حقها الشرعى.. يبقى مفيش غير الحل اللى قولته واياكى اسمع الكلام ده تانى منك .. اولادى لا يمكن يعصونى ويخالفوا امرى بلاش اغضب عليكى احسنلك 
انهى كلامه وسابها وخرج من الغرفة 
فى اخر اليوم رجع سالم جوز ضحى فقربت منه وقالت 
انا كنت عند الدكتورة وقالتلى ان الحمل ده فيه خطۏرة على حياتى .. هو انت ممكن تتجوز عليا لو الحمل ده ماتمش او ماجبتش الولد 
سالم ان شاء الله يتم ويكون ولد .. انا مفيش شئ بايدى ياضحى 
نمشي يا سالم ونسيبله كل حاجة ونبدا حياتنا من. جديد 
بص سالم فى الارض وهو بيقول 
مقدرش ياضحى مقدرش
......يتبع
الجزء الثانى
نظر سالم للارض وهو يقول 
مقدرش ياضحى مقدرش 
انا ماليش غيرك ياسالم ومقدرش اشوفك مع واحدة تانية تشاركنى فيك .. حرام ياسالم اللى والدك بيعمله فينا ده والله حرام انا لو مت هيبقى ذنبي فى رقبته ورقبتك عشان خنوعك ليه وانا هكمل فى الحمل رغم كل الكلام اللي الدكتورة قالته ده عشان بحبك وشرياك وخليك انت كده واقف تتفرج عليا 
ان شاء الله هتقومى بالسلامة وتجيبي ولي العهد اللى هيحمل اسمي واسم العيلة .. يالا عشان انا راجع جعان وزمانهم جهزوا الاكل 
روح انت .. انا ماليش نفس اكل 
شدها سالم من ايدها وهو بيقول 
قومى بقى وسبيها على الله
جلس الجميع على السفرة وضحى وسلفتها شروق اللى فى نفس موقفها عنيهم مش فى الاكل عينهم على سلفتهم ليل الثالثة اللى احتمال قريب تكون فى حضڼ زوج من أزواجهم 
الحاج بص عليهم وقال 
فى ايه .. ما تبصوا فى الاكل وكلوا .. ما لكم هتاكلوا البنت بعنيكم كده ليه .. 
بصوا للأكل وحاولوا ياكلوا بس اللقمه مش راضية تتبلع 
وبعد ما انتهوا من الاكل قاموا الثلاثة أخذوا الطباق وباقى الاكل ودخلوه المطبخ 
ضحى مسكت ذراع ليل ولوتها وهى تقول 
ياترى حاطة عينك على جوز مين فينا  
ليل ايه الكلام اللى بتقوليه ده .. انتى اتجننتى 
شروق هى برضه اللى اټجننت .. هى عندها حق 
ليل حق فى ايه .. ان كان عليا انا لا عايزة ده ولا ده 
ضحى طب ما تقولى كده للحاج وخلصينا من اللى احنا فيه ده 
ليل هو الحاج حد يقدر يكسر كلمته .. وبعدين نفرض انى رفضت وحبيت اتجوز بعد كده .. ما انا لسة صغيرة وده حقي .. ساعتها يقولى انا قولتلك ويحرمنى من اولادى وياخدهم منى ..وبصراحة الصح ان اولادى يتربوا فى حضڼ أهلهم افضل .. هما الوحيدين اللى هيحافظوا عليهم سواء فى حياتى او فى مماتى .. اعمامهم وجدهم أولى بيهم من الغريب يعنى انا شايفة ان رأيه صح
ضحى مسكت فيها وكانت عايزة ټخنقها لكنها صړخت وصوتها خرج برة والحاج سمعه وقال
فى ايه يابت انتى وهى 
شروق بعدت ضحى عنها وقالت لها 
سبيها سبيها ربنا ينتقم منها .. روحى انتى ياضحى زمان حماتك خلصت اكل شيلى الاطباق وهتيها واديها الدواء لحسن ده ميعاده 
دخلت ضحى على حماتها وقالت 
خلصتي اكل ياحجة
ايوة ياضحى شيلى الحاجة 
شالت ضحى الاطباق وودتها المطبخ ورمتها أمام ليل ورجعت لحماتها عشان تديها الدواء 
وبعد ما ضحى ادتها الدواء قالت الحجة لها 
عملتي ايه ياضحى عند الدكتورة النهارده وقالتلك ايه
ضحى قالت انى ھموت بسبب الحمل ده 
الحجة ياساتر يارب ايه الكلام ده ياضحى 
ضحى ما انا بقولك على اللى قالته .. بالله عليكى .. يرضيكى اللى الحاج حكم بيه ده ده كده حكم عليا بالمۏت 
الحجة وهو كان ايه بأيده يعمله ياضحى يا بنتى .. عايزاه يرمى ولاد ابنه للغريب يربيهم.. دول مهما كان لحمنا ودمنا ..