سكريبت روووعه ارجوكى يادكتورة فرحينى وقوليلى انه ولد

ليه ولمين كفاية قلبي اللى لسة محروق على الاولاني عايز تحرقه على التانى والله اعلم الثالث هتعمل معاه ايه هو راخر انا هروح معاه وادور عن التانى ونعيش كلنا مع بعض وخلى تحكمك ده بقى فى اللى هيفضل معاك 
فى نفس الوقت كان حامد جرى ورا شروق وقالها 
انتى عندك حق انا الطمع كان عامي عينيا .. تعالى معايا 
اتفاجأوا بحامد ومعاه شروق داخلين عليهم وبيقولوا 
واحنا كمان هنمشى معاكم .. احنا مش هنقعد له عشان يفضل يتحكم فينا زى العرائس ويجى علينا اليوم ونتطرد احنا كمان 
وقف والدهم مصډوم وهو ينظر ليهم ومابيتكلمش ولسة كان بيقول انتوا اتفقتوا عليا كلكم طب غوروا وقبل ما يكمل كلامه وقع على الأرض 
جريت عليه الحجة وفضلت تصرخ وتقول 
مالك ياحج قوم انا اسفة .. قوم ياحج ارجوك
و التفوا حوله كلهم محاولين افاقته ولكن دون جدوى .. حمله سالم ونزل بيه لاقرب مستشفى وكلهم وراه ودخلوا بيه المستشفى واخدوه منهم 
وفضلوا منتظرين كلهم حتى ليل اللى لما عرفت كانت منتظرة معاهم وواقفة مع والدتهم وهى حاطة وشها فى الأرض 
اتجهت ليها ضحى وشروق وقالوا 
عاجبك كده .. اديكى خربتيها مبسوطة كده 
ليل ايه مالكوا كلكم جايين عليا ليه كنتوا عايزني اعمل ايه يعنى افضل محپوسة بين أربع حيطان واضيع عمرى وشبابي لحد ما اولادى يكبروا ويتجوزوا ويسبونى لوحدى فى الدنيا .. انا لسة صغيرة ليه تحكموا عليا انى أنهى حياتى وربنا نفسه حلل ليا ان اتجوز تانى واعيش حياتى .. انا انسانة ليا مشاعر واحاسيس ليه عاوزين تحرمونى من حلالى هو انا لو كنت سبت عيالى ورحت اتجوزت كان ده اللى هيريحكم هو انا لازم اخسر حاجة قصاد حاجة .. ليه ما اعيش زيكم بين اولادى وليا زوج يكمل حياته معايا .. هو انتوا كنتوا فاكرين لو حبيت اتجوز من برة الحج كان هيسيب عيالى ليا.. كان هيعمل كل اللى يقدر عليه عشان ياخذهم ومش معنى انى حابة اتجوز تانى واكمل حياتى يبقى انا انسانة مچرمة .. ده حقى ومش من حق اى حد يحرمنى من الحق ده اجوازكم عندكم انا مش عايزة اتهبب انتوا ليه بتحللوا وتحرموا على مزاجكم .. الكون له رب هو اللى واضع شريعته هو اللى ادرى بكل انسان وقدراته واحتياجاته انا مش حاطة عينى على حد من اجوازكم ولا حاجة زى ما انتم فاكرين انا لو متأكدة ان الحج هيسبنى اتجوز من غير ما ياخد اولادى كنت وقفت قدامه وقلت لا بس انا اخترت ارضخ واستسلم لاوامره واعيش فى وسطكم زى ما انتوا كنتوا فى وقت مستسلمين وراضخين لاوامره .. وفضلت تبكى 
صړخت الحجة فيهم وقالت هو ده وقته .. انتوا ايه 
خيم الصمت عليهم جميعا وفجأة دخل عليهم .
.....يتبع
الجزء السادس
صړخت الحجة فيهم وقالت هو ده وقته
خيم الصمت عليهم جميعا وفجأة دخل عليهم خالد اخوهم الذي ترك البيت بسبب تحكم والدهم 
والدته اول ما شافته اخدته فى حضنها وظلت تبكي وهى تقول 
كنت فين يا خالد.. كده ټحرق قلبي عليك وتسبني من غير ما تطمنى عليك 
خالد اعمل ايه يا امى .. ما الحاج هو اللى طردنى كنت عايزانى اعمل ايه وبعدين انا من بعد ما استقريت فى حياتى ولقيت شغل ومكان اعيش فيه اتواصلت مع سالم وكنت بتطمن عليكى من وقت للتاني واتفقت معاه انه يطمنك عليا بس من غير ما نشوف او نكلم بعض عشان الحاج حلف عليكى بالطلاق لو كلمتينى او شوفتينى .. عشان كده اكتفيت انى اتطمن عليكى من بعيد لبعيد .. بس لما سالم كلمنى وعرفت منه اللى حصل وانكم عايزين تسيبوه كلكم وان الحاج تعبان اوى وانكم فى المستشفى قلت ما ينفعش مجيش اتطمن عليه ده مهما كان فهو ابويا برضه رغم كل اللى عمله 
والدته كويس انك جيت يا خالد انا خاېفة عليه اوى .. خاېفة لحسن يجرى له حاجة 
وهما بيتكلموا خرج الدكتور اللى متابع حالة والدهم فجريوا عليه كلهم وسألوه 
خير يادكتور هو عامل ايه دلوقتى 
الدكتور الحاج مصاپ بجلطة وأثرت على نص جسمه الشمال وعلى النطق