رواية الټضحية بالحب الفصل 33 بقلم أروى عادل

منه

تمارا   مين قالك انى هوافق على مازن

ميرفت  متوفقيش ليه.. مازن اي بنت تتمنى انه بس بص عليها من يتقدم لها

تمارا   ماما انتى ناسيه ان لسه قدامنا جهاز سلمى و ياره.. ده غير دراستى

ميرفت   عارفه وانا قولت ل ثريا الكلام ده

و الست قالت ليا انها ممكن تستناكى. غير انها 

مستعدين يشيلوا جهازك

هنا جاءت نرمين و قالت

نرمين   تمارا ياره عايزاكى 

تمارا   حاضر هروح لها

انصرفت تمارا ثم قالت نرمين

نرمين   اه صح سمعت ان مازن نور اتقدم ل تمارا الكلام ده صح

ميرفت   اه صح

نرمين   مبروك . بصراحة تمارا تستاهل كل خير

ميرفت   الله يبارك فيكى و عقبال ملك

فى جهة أخرى 

كانت تتحدث ياره فى أذن تمارا حتى تستطيع أن تسمعها من صوت الموسيقى العالى

ياره   صحيح مازن اتقدم ليكى 

تمارا   هو لحق الخبر انتشر ده انا لسه عارفه من ماما 

ياره   طيب رأيك ايه

تمارا   هو ده وقته

ياره   بالله عليكى وافقى ساعتها تكيدى الأعادى 

تمارا   و أنا عشان أكيد الأعادى ادبس فى جوازه 

ياره   ليه هو مازن وحش ده أي بنت فى مصر كلها تتمنى مازن نور

ياره   انسى مراد بقى و عيشى حياتك مازن ميتعوضش 

تمارا  ياريت بأيدى كنت نسيته من زمان

عندما لمحت ياره نظرة الحزن فى عيون تمارا قالت لتغير الموضوع

ياره   بقولك البنات كلها إللى فى القاعة عينهم عليكى اكيد بيحسدوكى.. فكرينى بعد الخطوبه ابقى ارقيكى 

تمارا   تفتكرى مراد عرف ان مازن اتقدملى

ياره   ياريت يكون عرف عشان يحس باللى انتى حسيتى بيه لم خطب هايدى

تمارا   أنتى غلبانه مراد لو عرف هيكسر القاعة دى على رأسى

ياريت   متهيألك ولا هيعمل حاجة

فى جهة أخرى

نسرين   انتى بتقولى إيه اتقدم لها ازاى يعنى

نرمين   زى الناس عادى فى ايه دى

شيرين   يعنى مازن نور هيبص بردوا 

ل تمارا 

نرمين   لاء ماعندكيش حق يا شيرين مالها تمارا البنت زى القمر ده غير اخلقها العاليه

و أدبها

نسرين   بس ازاى تعمل حاجة زى دى من غير ما ترجعلى

نرمين بأستغراب من حديث نسرين

نرمين   مش فاهمه ترجعلك ليه فى حاجة زى دى .. دى حياتها وهى حر فيها

نسرين   انتى ناسيه حسام و تعلقه بيها

ثم صمتت ثوانى وهى تتذكر ايضآ حب مراد ل تمارا

شيرين   يعنى هترفض عريس لؤطه زى مازن عشان خاطر حسام

كانت السعاده التى تشعر بها شيرين لا توصف فهى كل همها ان تمارا تبعد عن مراد بأى شكل من الأشكال 

نسرين   انتى بتقولى إيه يا شيرين المفروض كانت تراعى حالة حسام الصحية

فى جهة أخرى 

الجميع يسألون مازن ان كان هذا الخبر صحيح أما لا .. لم يستطيع مازن ان يجيب كان يقول فقط ان هذا شئ خاص

مازن   عجبك إللى انتى عملتيه ده 

ثرايا   هو انا عملت حاجة

مازن   كل ده و معملتيش حاجة الفرح كله بيتكلم انى اتقدمت ل تمارا 

ثرايا   طيب و دى فيها ايه..ده ولا عيب ولا حرام

مازن   يا ماما . الحاجات دى المفروض تكون شخصية محدتش يعرف عنها حاجة .. بعدين المفروض كنت انا إللى اتكلم مع تمارا و اسمع رأيها بنفسى الاول

ثرايا   يعنى رأيها هيكون ايه .. هو هتلاقى احسن منك

فى جهة أخرى 

كانت هايدى مع لؤى خارج القاعة و عندما دخلت القاعة قالت شيرين لها بفرحه

شيرين   تعالى هنا انتى كنتى فين 

هايدى   كنت بعمل حاجة بره القاعة بعدين